ياناس الحقو علي بموت من القهر

[ام ديالأ]

انا متزوجه وعندي بنت وحده ولي سنتين وانا متزوجه زوجي فيه طبع يشيب الشعر تخيلو من بدايه الشهر وهو يقول علي الاجار هذا الشهر ومقدر اوديكم السوق عشان الميزانيه قلنا معليش انا مدام معي فلوس ابصرف هذا الشهر على نفسي وبنتي ولكن اليوم تفاجأت انه يقول لاخته بشتريلك فستان للزواج حق وحده من اقاربنا هذا ويش يسمونه مع العلم انه كل اماخذ لي شي ياخذلها نفسه وش اسوي افيدوني والله احس بخنقه ودي اروح بيت هلي

[المستحيله]

تعوذي من ابليس حبيبتي والله طبعه شين بس انتي كلميه قوليله ليش تقصر علي وعلى بنتك وتشري لاختك....
معليش اختك ع العين والراس وسولها الي تبي بس مو على حسابي وع حساب بنتي....
بعدين قوليله ما يصلح نطقم انا واختك كل شي زي بعض...
كلميه بهدوء بعدين كل شهر قسموا الراتب مع بعض.....والله يسخره لك ولبنتك ان شاء الله

[marwa]

ربي يهديه
عاتبيه ولاتتركيه علي كيفو سوي جدول لمصروفاتك وقولي له لا تدخل المصاريف في ايجار البيت

[انت لي وبس]

انا اشوف ماتقوليله لاتشتري لاختك او ليه تشتريلها لان يمكن يصير يشتري وانتي ماتدري على نيتك توفري وهو يصرف عليها و

بس اذا انتي تعرفي ان عنده فلوس لاتبخلي حبيبتي على نفسك وقوليله اعطيني مصروف يكفيني انا وبنتي ووماله علاقه بالاجار او شي ثاني كل شي له ميزانيته

انا كنت مثلك ارااااااعي مررره علشان نوفر لحياتنا وشوي اكتشف انه راسل مبلغ كبير لاهله يسوو فيه سيراميك لبيتهم وهم الحمد لله حالهم حلوو ودايم اكتشف هالشي عاادي عندي يساعد اهله ويعطيهم لكن مو بهاالطريقه فزعلت فنفسي لكن قلت ماباصارحه واقوله ليه ترسلهم لانه يمكن يصير يرسل وانا ماادري بيخبي عني وانا اوفر لهم بعدها الاشياء الي كنت استغني عنها صرت اطلب واطلب منه مصروف خاص

[شـوآخـي]

ياقلبي خليه يمشي لك مصروف انتي وبنتك واهم شي مايقصر على البيت باي شي

وبكيفه يشتري لاخته او لا

لاتحسسيه انك منقهره او تخربين بيتج بسبب هالشي

يمكن هي قالت له اشتري لي فستان وهو مايقدر يقولها لا

والله الرجاجيل عليم التزامات كثيره وانا جربت هذا الشي لما تقاعد زوجي

صرت اصرف واعطي واشتغل وتعبت كثير

واللى يقهر يوم يتسلف من احد ويذله على الفلوس

لازم تراعينه وتوقفين معاه

وحاولي تساعدينه في تقسيم مصروف البيت

ثلاجه كهربا ماء تلفون انترنت اجار مصروف البترول
مصروف الموبايل مصروف الاولاد مصروفج انتي ومصروفه

حاولي تقسمين معاشه وعطيه جدول حلو

عشان يعرف انه محد يهتم فيه غيرج انتي

ومصيره يعرف ان محد بيخاف عليه ويراعيه ويهتم فيه الا انتي ياحلوه

الصبر حلو وخلي بالج طويل

والله يوفقج انتي وزوجج

[شوق وحنين]

أتوقع ان اخته غير متزوجة وانه متعود يشتري لها أشياء من قبل ما يتزوجج، في هالحالة اختي افهمي تصرفه لأنه ما يبي يوقف هالشي عنها ويكسر بخاطرها

الله يسخر لك زوجك ويرزقكم من فضله..

[bano]

نفس الوضع عندي بيشتري لاخته وبيجي بندب عالمصروف فوق راسي..

[فضــــــ بينكم ــــولية]

عزيزتي و الله ذكرتيني بأبي
هو كذا فعلاً و أكثر كمان
يحب بنات أخوه بشكل لا يصدق يمكن حتى أكثر مني
و كل شهر مشكلة مع أمي عشان الفلوس
و مهما تدفع معه يقوللها انتي ما تساعدي

و غير كذا يدفع الآلاف لبنات أخوه
يا ريت بس بنات أخوه

كمان لأقارب من بعيد و لا يسألوا عنه

و أنا بنته إذا طلبت شي صغير
حتى إذا طلبت قطعة شوكولا يقولي ما معي فلوس خذي من أمك


الله يهدي الرجال

[ام ديالأ]

اختي فضوليه الله يعينا على طاعته وهما خليهم وين بيوديهم هذا التعامل مدري كيف يفكرون

[فضــــــ بينكم ــــولية]

الله يعيننا كله ثواب عند الله . . اتحملي عشان ديالا الحلوة . . و الله يهديهم إن شاء الله