تجمع حبيباتي الكروشات اللي راح يولدون بشعبان

[عشقي الاطفال]

بنات انا قبل كدا حملت

وكانت بطني كبيره شويه ولما اروح اعمل سونار يقولو الكيس كبييير عن حجمو بس مافي جنين

واللي حواليا يفكروني حامل بتوام لانو بطني بسرعه بانت

والحمدالله على كل حال كان متوقف نمو الجنين

المهم انتظرت اسبوعين ينزل الكيس ينزل دم ماافي اي شي

بعدها نوموني حطولي تحاميل طلق اللي تفتح الرحم كل 6 ساعات بعد التحميله التانية نزل الكيس الحمدالله

يعني جربت الم التحاميل وفتح الرحم

والدكتوره اللي حطتلي التحاميل ماشالله يدها كبيرررره والله سرت اصرخ وابكي من الالم انا مررره ماتحمل حتى من المغذي ابكي جننتهم بس دحين بديت اتعود

المهم والخلاصصصصصصصصصة //

انا جربت تحاميل الطلق وفتح الرحم ..

وجربت الدكتوره تدخل يدها تحطلي التحاميل .. اعتبرها توسعه ..؟ هههه اعرف افكر بحاجات هبله بس قصص البكريات خوفتني مررره

سؤالي .. هل تجربة حملي السابق يسهلي الولادة او زيي زي البكريات اللي ماقيد جربو شي

يعني رحمي حتكون الولادة والطلوق شيء جديد عليه ..؟ او اعتبر مجربة

مرره خاايفه على قد مرره متحمسة لاحساس الامومه يارب يبلغنا شوفتهم سليمين معافين بين احضاننا ومرره نفسي اولد

لكن كل ماافكر انو حيخرج نونو مني 3 كيلو او اقل او اكتر اخااااااااااااااااااااااااااااااااااف

وابرة الظهر تعبت مع زوجي وماما مرره مستحيل يقتنعو وبس يخوفوني منها ويقولو قصص مع انو انا مرره مقتنعه فيها وكلامهم مااثر فيا بس ماابيدي حيييله

انتظر اجاابتكم حبيباتي