تجمع حوامل سوريا-دردشة ورود سوريا-دردشة الغاليات

[hadeel al rouh]

المشاركة الأصلية كتبت بواسطة silla

هدووووووووووولتي كيفك حبيبتي شو اخبارك

شو صار ببيببيكي شو اخبارو خليه بقا يكشف عن هويتو
بس نصيحة لا تصوري قبل الاسبوع 16 اضمن انا جننوني لبين ماعرفت واتاكدت
خليها 16 17 18

ويارب يكون بصحتو وعافيتو ويتمملك حملك بخير وانشاااااااااااااالله لوقت ولادتك بنكووووووووووون كلياتنا نازلين بسوريا
وانشاااااااااالله النصر قريب وما بتلدي غير بحضن امك واهلك يارب ....
والله يهنيكي يارب بحياتك ... عم جهز هالعريس الصغير الحمد لله يارب هاد الشي الوحيد اللي مصبرني يقبر قلبي الله يجيبو بالسلامة ويسهل مخرجه يارب ااااااخ الله ييسر ولادتي ولادتك ولادتك هايدي وام ملاك وكلللللل الحوامل

وانشااااااالله عاجلا غير اجل زهرة الحب بتطلع حامل يارب

اهلين باختي الصغيرة سيلا الغالية دللولة التجمع
اما منيحة وبخير ياقلبي والحمد الله والبيبي تمام انشالله ورح اتطمن عليه انشالله واتفرج عليه
مو مصدقة والله ايمت شوفو هيك بالايكو عبيسبح ببطني وقال الو رجلين وايدين هاي اول صورة بعملها بعد صورة النبض كان لسا بس نبض مو باين شي يعني كان مضغة بس هلق انشالله باذان واحد احد لازم بانت اطرافو ييييييي اقشعر بدني ههههههههه ياعمري ادعيلي شوفو بصحة
وخلقة تامة بدون زيادة او نقصان
اي انشالله بكون صرت باالاسبوع 16 وقت موعدي الثلاثاء الجاي انشالله
الله يسلمك ويهنيكي انتي ياعمري كمان وتشوفي كرومة الغالي بحضنك بافضل صورة واحسن تكوين
بس قليلي كيف غراض الصبيان في فرق كبير بين ديلرة الصبي وديارة البنت يااااالللللله عنجد احلى غراض البنااات ههههه
يالله حاولي تنزلي كم صورة وكمان اذا جبتي التخت نزلي صورة الو منشان انا كمان اخود فكرة هههههه مع انو لسا بكيييييير علي

امين يارب انشالله منقوم بالسلامة وكل حامل باذن الله
وربك بعين حبيبتي واكيد زوجك مارح يقصر ورح يعمل الي بيقدر عليه بوقتها
والله زواجنا حبابين الحمد الله وربي يحنن كل زوج على زوجتو وخصوصي بهيك ظروف

[silla]

المشاركة الأصلية كتبت بواسطة سرووءة

كيفكم بنااات
اشتقتلكم
وين غاطين
سلولة حبيبتي
بالنسبة للاشعة الرباعية
بتتزكري اني نزلت الصورة مو هههه
اي يتصدقي ان الضحكة يلي كانت ضحكانتها جود بالصورة الرباعية نفسها وقت بتضحك هلا
بتضحك عجنب والها غميزة بتجنن حتى زوجي لاحظ ان نفس الملامح
حتى العيون ماشالله كبيرة نفس الصورة
اد ماكنت آكل سفرجل بلحمل هههه
وتقريبا نفس تدويرة الوجه
انت اذا حابة تطمني صوريها
وبضل السيدي الصور عندك ذكرى
وقتها كلفتني 400 ريال ومع السيدي لان اخدت سيدي الصور علبيت كلفت 500
حكيتلك قصة حياتي هههه
طمنيني خلصتي تجهيز ولالسا
وشو جبتي تخت كرومة بعدين
الله يكملا معك بلهنا
التجعيزات غير شكل
حتا هلا انا وقت بروح عالسوق بنسا حالي وبروخ عقسم البنات وبعد بشتري لبنتي
وبنسا حالي هههه ماعدت اهتميت ان شو اشتري الي صارت جود اهم مني
^^

هههههههه بقا من السفرجل طلعو عيونها كبار ااااااخ منك مااهضمك ههههه
الله يخليلك ياها يارب ...
طيب انتي باي اسبوع صورتي انا صرت بالاسبوع 29 بيمشي الحال ؟؟؟
انا حابة شوفوووووووو وانشالله يارب بشوفو بصحة وخير يارب

بس انا الصورة اللي بتزكرها لبنوتك حسيت عالواقع غير مابعرف يمكن لان شفتلها صورة وحدة ؟؟؟؟؟

ومشان نسيت حالي ااااااخ من هلئ نسيت حالي بس همي حاليا جيب تياب كبيرة منشان التامن والتاسع
قولي لساتي ممشاية حالي لحد الان وفي لسا من تيابي عم يلتبسو معي الحمد لله..
بس اكيد عالتامن والتاسع ماعاد بيمشي الحال
بتتزكروا اديش كنت متلهفة اشتري تياب حمل ههههههه نزلت عالستي ماكس ما جبت غير بنطلون حمل ههههههه ماعجبوني مشرشحييين
وماعم اعرف منين في تياب حلوة حتى السنتربوينت مالقيت فيها شي جزبني بصير للحمل

بلنسبة لتياب كرومتي والله بتزكر انت وكتير بنات قالولي احسن شي من السنتر بوينت وفعلا وقت قررت اشتري وبلشت الديارة حطولي تخفيضااااااات ههههه
بس بالنسبة لتياب النيو بورن الاغلبية قالولي لاتكتري حاجة قطعتين منو انو داخلي وخارجي وجبت بس اتنين وحاليا رفقاتي اللي ولدانات لسا ولادن عمرن صار شهر ولسا عم يلبسوهن قياس النيو بورن .... شو رايك انت ؟!!
ولي لان جبت الاغلبية 0-3

[عبير اسماعيل]

يسعدلي مسااااكون ‏
سيلا حبيبه قلبي كيفك وكيفو كرومه انا منيحه وحمودي ‏
يئبشني منيح مطير عقلي وعقل ابوه نعوم وهادي يخليلي ياه


هدولتي كيفك ياعمري والله اشتقتلكون ‏...‏ وكيفو بيبيتك
ربي يرزقك الخلقه التامه ويفرحك بشوفه جنينك سليم معافى


عم فوت من الجوال ان شاء الله عن قريب بفوت من اللابتوب ‏
وبنزل صور حموده حبيبي

[jorri sham]

مسالخير ياببناات كيفكن
كتير شتقتلكن وشتقت لتجمع كتير شو اخباركم انتوو .
سيلا هدوولة هايدي عبير سرووءة زهرة شام الهوا وردة سورية ..... ام عائشة و نشالله ما كون نسيت حدا
..

انا اخبارري ....

نمت عند ماما من الاربعاء لليوم لمسا رجعت ..
رحت ليوم جمعه على الفيصلية وتعشينا من ماكدونالدر كتير وجبة طيبة اسما برغر ديلووكس وهيك بس بتجنننننننننننن عنجد . جربوها نصيحة لي بحب البرغر ...
ويززوونة منيح كتييييييييييييييييير ببووسكن يؤبرني صاير يفهم كتير ويفهم بالمشوواير وبس يطلع واحد من باب البيت بيعلق فيه وبيصير مابدوو غيروو مشان هيك اخدتو ليوم غيرتلو جوو بالبرج الفيصلية ..

[jorri sham]

شاام الهوا وزهرة الحب وردة
اللله يسلمكن حبايبي اخدت دوا وعصير ليموون لحمدلله خف الرششششح ويزن لا مانعدى لحمدلله

ام ملاك سلامتك حبيبتي والله يووفقك ياارب
بس ما بيصير تاخدي حبوب بدون استشارة الطبيب خاصة انك حامل وازا عم ينزلك ماء مو التهابات بس ما تكون مية الرااس لاسمح الله
روحي الدكتورة اطمني ومتل ماقالووك انو ما بيصير الفحص من تحت بنص الحمل
الله يتتملك ع خير يارب
ومشان تحميل الصور بس ماكون متاخرة
باعلى المنتدى على اليسار في تحميل الصور اختاري الملفات وبعدين نزليهن وانسخخي رابط كل صورة تبع المنتدى والصفيه بالرد وبس اي سؤال انا جاهزة

زهرة سوورية
اهلا فيكي حبيتبي نورتينا واكيد رح تنبسطي معنا ماشالله كل مالن عم يزيدوو لجداد
بس انتي عرفينا عن نفسك اكتر
انا سورية شامية مقيمة بريااض
عمري 17 عندي ولد عمر 6 شهور 10 ايام يزن اسموو
اونتي عرفينا ع نفسكك اكتر اهلا فيكي مرة تانية
اي شي سؤال استفسار انا جاهزة
ازا بدك مشان الدككتورة انا دكتورتي كانت كتير شاطرة بحملي جدا مصرية وبيتريح وبتفهم كتييييييييييييير كل شي وطيووبة ازا حابة خبريني حبيبتي ..

هدووووووووووولتي شتقتلك تسلمي ياعمري وصل سلالامك والله يسلمك ياارب


وردددددددددة سؤال كيف بتعملي بتقتبسي كل المشاركات وبتردي عليهن فيكي تعلميني
وماشالله على ولادك الله يحيمين شكلا بنوتك فعلا هادية وحموودة بيجننننننن مماشالله فعلا شهيتيني لعبو وبووسوو الله يحظهن



سرووءة يا قلبي انا تمام ويزونة متيح الله يخليكي
اي الله يعينك والله انا كنت ئلكم هيك ما كان يزن يخليني افضى وادخل ازا بتتزكروو
الله يحيمها لبنووتك جوجو

شام الهوى الله يحميلك ولادك حلووين كتيرر


ولييييييييي والله تعبت الي ساعتين بالرد هوون بسسسسسسسس اخر مرةة بس بررجع بقراون هههههههههههههههههه

فداكن معلي معلي ههههه

[سرووءة]

سلولة
انا متلك الكل نصحني ماكتر نيوبورن
وعنجد جبت نيوبورن هدول 3 الابيض بيجو مع بعضن
و3 لفافات ابيض
وبس هدول نيوبورن
هدول بضلك بتلبسين اول 20 يوم
انا لبستا من 0_3 بس حسو كبير شوي
يعني بلشت لبسها ياهن بعد 20 يوم
واصلا بقولو البناات بيجو انعم من الصبيان بئا لاتكتري
والمشكلة بنتي اجت بتستفرغ كتير واحيانا العفو منك بتنقد على حالها
بئا مابلحقلها غسيل
رحت من يومين جبتلها كم قطعة فرصة تخفيضات وعنجد شي بجنن
قلت خليها تلبس وتهري وكل ماكبرت بجبلها
الله وكيلك صار زوجي بس قلو بدي روح جيب لبنتك كم غرض
فوووورا بياخدني هههه
بالاول كنت قلو ناقصني كم غرض الي
يقلي طيب بعدين منروح
اما هلا مشان جود بقلي شو بدها شو بتحتاج روحي جيبيلها
وانا بتحيل فيها هههههه
بيني وبيننك صرت غار من بنتي
ماعاد الي حصة بشي
لادلال ولايوسات ولاشي كلو الها هههه
الحمدلله يارب طاير عقلو فيها
وقلي اذا بدك تجيبي كل البنات متلا جيبيلي هههه
قلتلو نوووو ولابفكر هلأ
نحن منتعذب وانتو عالجاهز بتلاقون
الله لايحرمن لحدا يارب
ويطعم كل محروومة
سيلا مابتزكر ايمت الصورة بس هي لازم تكوني فتي بالسابع
انا بتزكر كنت اول اسبوع بالسابع
وانتي لانك ماشفتي ضحكة جود بس شفتوا هي ونايمة
مشان هيك
مالاقيتي شبه
اما انا طول النهار بوجهي ههه حسيت بالشبه
بكرا انتي وعم تعملي الاشعة بتصيري بتبكي لنا بورجيكي القلب
شلون شكلو ةشلون بدق وبتشوفي كل شي ايد ورجل والصدر ولعامود الفقري وكلو ضليت نصاعة نايمة والدكتور ميشرح
يلا ساويا وطمنينا
وليي لعيت كتيير

[سرووءة]

جوري
اهلا وسهلا
وصحة وهنا عالاكل
منيح يلي معبية بطني مشان مااشتهي ههههه
بوسيلي يزووون رجال التجمع هههه

[hadeel al rouh]

ممممممممممم سروءة سرقت كم نصيحة منشان الديارة هههههههههه

جوري حمد الله عسلاكتك لاشكلك الحمد الله صرتي تمام ولامرض ولاشي انشالله
ابوسو يزونة صار بيفهم وبميز كلشي ماشاء ربي يحميلك ياه
اي منشان البرغر مية مليون صحة وهنا انا كتير بحب البرغر اخر مرة اكلتو عند برغر كنج بس ماعجبني يمكن انا اخترت غلط هههههه
بس حفظتو هاد برغر ديلوكس رح جربو المرة الي جاية انشاللله
مية بوسة بوسيلي يزونة هههههههه

[سرووءة]

المشاركة الأصلية كتبت بواسطة hadeel al rouh

سروءة اهين ياقلبي والله كلامك درر وكلو صحيح الله بهونها وبيسرها بس بتعرفي الا ماالوحدة فينا تفكر بهالامور ‏
والله بعرف انك مرقتي بظروف صعبة ياعمري انتي والله يشلك يابشار متل خربت حياة الناس ‏
فعلا انو الوحدة بتنسى كل المها ووجعها بس تشوف البيبي بخير والله وضحكة الطفل بتنسي الدنيا
ربي يحفظلك ياها يلا هاي انتي منستفيد من تجربتك مع جود القمر والولادة لان عشتي كل ظروفك بكل تفصيل فيها ‏
الله يقويكي على تربايتها ويعينك ومرقت الايام الصعبة انشالله ياحبيبتي وانشالله تبطل تعذبك

ولايهمك عازرينك لان ماعبتدخلي متل قبل المهم تكوني مرتاحة وجود بخير ونحنا لحقانة علينا هههههه
اي انا اول وحدة بتشهد بنشاط سروءة قبل ولادتها وكانت كل يوم تطبخ طبخة وتحكيلنا كل تفاصيل يومها هههه انشالله ترجعيلنا متل قبل ياقلبي
بوساتي الك ولجود القطة

هدول هههههههه
والله ضحكت عحالي وعقلي مضري وين
ماشفت ردك لهلا
عنجد جود خاوتتني ههه
اي والله اديش كنت اتسلا بالطبخ والشغل
وكنت مل كتييير
بتصدقي هلا عم قول للكل
لك مشتاق مل. مشتاقة للملل للتنفيخ للصفن بلحيطان ههههه
مشتهية اتقلب بتختي ومااقدر نام
هلا من التعب والسهر بنام بدون وعي
وياما نايمة عالقاعد وجود عرجلي بيجي زوجي بحطها بتختها
وبقلي نامي منيح
هههه
عقبال لما اقرا اخاديثكن وانتو عم تشكو وتقولو بدنا ننام
خخخخ

[سرووءة]

بنات يلي عوش ولادة
سلولة وهدولة وام ملاك
لاتنسو وقت الولادة الدعاء عبشار
بتصدفو انا طلعت من العملية ومو وعيانة وعم ابكي من الوجع وعم ابكي لان ماما موجنبي وادعي على بشار
ووقت ادعي عليه ابكي اكتر لان اتزكر سوريا وقول لزوجي هو السبب لان امي مااجت لهون وهو السبب لاني مانزلت عسوريا
ضليتني 5 ايام ادعي علي
بقا لاتنسو لان الدعاء مستجاب
هي اهم نصيحة بقدملكن ياها هههههه
بس يارب من هون لوقت ولادتكن نكون خلصنا منووو
وانفطس الله لايردو