السكن مع اهل الزوج

[مشاعل الدوسري]

السلام عليكم ..


بلاول مبروك ..
لا تخافين و لا تحاتين و اعتبريهم اهلك

ثاني شي شوفي شنو طبايعه يعني لو هم من النوع اللي بيحبو الهدؤء و النظام ..

او من النوع اللي عادي باي وقت تروح لهم من هذا الكلام في البدايه .. و على طووول

تعاملي معاهم بكل ادب تذكري اي غلطه بيقولون اهلها ماربوها فا يا قلبي مهما يصير
و مهما يتكلمون تحترمينهم و ابد سوووووووووووووووالف الحريم ما تنقلينها لزوجك ..
اختك قالت زوجة اخوك قالت امك اليوم سوت .. ابد ما تحكين ..

الا اذا بتمدحين امدحي يحليلهم اهلك جمعتهم حلوه و من هذا القبيل
اعتبري خواته خواتك و تعرفي عليهم و تقربي منهم
امه شيليها على راسك و اخدميها و اكرميها

لان الزوج لا شافك كذا دااااااايم معاهم صدقيني بيكون مرررررررررررررررره مبسوط
و بيحمد ربه عليك .. و بيحط بعينه .. لانك انتي اكرمتيه بمعاملتك الكويسه لاهله .. لذالك هو بيكرمك و بيحترمك اكثر اذا سال امه ها شرايك فيها و امدحة فيك و مو مهم تمدح المهم ما تجيب طاريك بلشين و بلعيب ..


و في حالة ان صار بينكم خلاف لا سمح الله لا تحكين معاه و اذا جاء قالك ليه ما قلتي لي ..
قوليله سالفه صارت بيني و بينهم انت مالك علاقه .. هذي سوالف حريم عشان كذا ما قلت لك ...
و اذا تبي تعرف بقولك اللي صار .. دام هم حكو لك و هيك شغلات ..


حبيبتي موضوع انهم يتحكمون فيك لا ما اعتقد تصير ابد دااام زوجك هو اللي مسئول عنك ..

لكن بعد انتي من البدايه لا تصير رجلك خفيفه و كل شوي بروح بيت اهلي و بيت اهلي لا

بلعكس بيت اهلك تعرفينه و انتي من نفسك قلتي انا ما اعرف اطباعهم و لا طريقتهم

فا هم اولى بلزياره اذا حابه تروحي لهم خبريهم قبلها بيوم او من الصباح بدري قولي لخالتك اليوم بنزل لكم العصر

اقعدي وقتك في البدايه لزوجك و اهله
و حاولي تكوني خدومه و بنفس الوقت رسميه و لا تتعدي حدودك و تتدخلي بأمور ما تخصك ..


انا عن نفسي كنت استحي لكن كنت اجبر نفسي .. اني اروح لبيت اهله و اقعد و اتعرف عليهم

لو حتى مارحت لاني ساكنه قريب منهم بس ادق اسال و اسلم..

و تعودو علي اوقات ادق اقول لام زوجي ارتاحي انتي اليوم لاتسوين العشاء انا بجي و بسوي لكم العشاء

و اوقات اروح لهم العصر و اودي الكيك و احلى و هيك شغلات

و مهما صار و مهما يقولون لي ما اقول حق اهلي

يعني سوالف اللي تدور بيني و بينهم لها خصوصيا

حتى اهلي ما اقولهم عليها لا اساللتني امي اقول الحمدالله بخير..

كل اللي يسالني اقوله الحمدالله ..

يعني اكرمهم و اتعامل معاهم بللي يرضي ضميري و ربي و اذا ماعندي شي اسال عليهم من بعيد الى بعيد و اتعذر و اتحجج بلتعب و الارهاق الجسدي ..

ما اخلي حد يمسك علي شي بلشين و اصلن ماراح يلقون ههههههههههههه لان الحمدالله معاملتي لهم واضحه ...


و طبعي الحمدالله سنع ..

و اهم شي لا تصيرين نقاااااااالة حكي ... اي مشكله تصير في بيتهم ابد ما تقولينه لاحد و تحترمين خصوصيتهم ...

.. و بس اتمنى افدتك بشي ..