تجمع حــوامل التوائم

[أستاذة ذوق]

لسه مااتفقنا انا وزوجي على الأسماء
وانا ابغى اسماء توائم جديدة مولاقيه كله قديم

[ميمي الاموره]

توامي ..
صحيح نسيت اسألك كيف درجة الشبه بين نوف وياسر
ولا لسه صغار موباين الشبه
والوزن نفس بعض ولا واحد اصغر من الثاني
بنات ابسألكم انا بطني صاير شكله غريب من جهة اليمين كبير ومن اليسار صغير
يعني كأنه مايل كل جهة غير وبشكل واضح.. مين مثلي

بالنسبه لحبيبتي نوف تشبه عمتها مررره نعومه وحمراء وقصيره حتى وياسر بسم الله عليه لا يشبه عمه واحسه اطول من نوف ولا واحد اخذ مني ولا من اهلي شعره
وزنهم كلهم 2 كيلو بس ياسر اكثر من اخته بـ 5 غرام
صغااااار مررره لو تشوفينهم احيانا اخاف اشيلهم بدون مهاد

وترى بطنك طبيعي انا كنت مثلك وانا حامل جهه كبيره وجهه صغيره حتى يوم ولدت اشوف بطني فيه انتفاخ نفس المكان اللي قبل الولاده وسالت الدكتور وانا حامل قال طبيعي لاتخافين من التوام

[القلب الحنون]

بنات انا فاقده ملاذ,,,,وينها ما بينت

[ميمي الاموره]

المشاركة الأصلية كتبت بواسطة توأمي فرحة عمري

لسه مااتفقنا انا وزوجي على الأسماء
وانا ابغى اسماء توائم جديدة مولاقيه كله قديم

ربي اللي يسميهم والله

انا ماكنت حاطه ببالي ولا واحد بالميه اني راح اسمي بنتي نوف ابد وربي سماها نوف مع انه مو عاجبني وعارفه ني ظلمتها بس شسوي حكم الشيبان والحمدلله ماضاق صدري بالعكس ربي الي مسيمها وهي ببطني حتى اذا قلت نوف احسها حرمه كبيره وهي مرررره صغيره فصرت اسميها نتوفه لانها نتفه صغيره على الاقل قد اسمها

خليها على ربك بس ربي متكفل فيهم

[ميمي الاموره]

المشاركة الأصلية كتبت بواسطة لينا 3

البرنسيسه اختي الغاليه اشكرك على ترحيبك بي والله يسعد قلبك ، اختي نوره النايف هلا حبيبتي ومشكوره على النصيحه وياريت اقدر امسك لساني قسم بلله تقولي عندي حكوه بفمي ولازم اقولها لاكن ان شاء الله اخذ بنصيحتك حبيبتي .
حبيبتي توأمي فرحه عمري الله يسعد قلبك وانا ماادري ليش
خبيت عنه مع انه بالعاده مااقدر اخبي عليه شئ لاكن
يمكن يكون من الصدمه والمفاجئه وحبيت اختار الوقت المناسب علشان افرحه وانا حبيبتي في الشهر الثاني وانتي في اي شهر واتمنى ان تدعون لي اخواتي ان الله يرزقني اولاد
ذكور يكونو متعافين وسليمين لاني تعبت في بدايه حملي
وانا ماكنت عارفه اني حامل وتنومت بسبب ازمه ربو وسوو لي اشعه على الصدر وعطوني فونتلين ثلاثه انواع وابر ومضادات حيويه والله يستر على اساس كذا انا متخوفه الله يستر يارب .

اختي لينا انا الصراحه من قو الصدمه ماقدر امسك عن زوجي الخبر
بعد ماطلعت من موعد السونار كان جالس زوجي بانتظار الرجال بزي الغرفه كذا ينتظرني تدرن شسويت جيت قدامه هو انصدم دخلت عند الرجال وهم جالسين وكان زحمه قال شفيك انجنيتي قلت انا حامل بتوام هو من الصدمه مسك يدي ومشى كانه مجنون حتى بالعاده يقرب السياره وانا اركب عشاني مقدر على المشي صرنا نمشي من المستشفى واحنا منصدمين كلنا لين وصلنا السياره قالي من جدك قلت والله وشفتهم بعد لاني ماعرفت الا بالسادس بعد موعد السونارماعرفت بشهوري الاولى وكنت مخليه الممرضه تصورهم لي وافتح الجوال واوريه الصور بعد ماوريته جلست ابكي لاني الصراحه ماتوقعت توام ابد وانصدمت وكنت بالبدايه مابي توام بس بعدها شكرت الله وحمدته على النعمه
طبعا ماصبرت دقيت على امي وقلت لها وانا بالسياره وجلست ابكي وبكت هي وجلست تهديني
قالي زوجي لازم اعلم امي بس بشرط عليها واحذرها ماتعلم احد جيناها بالبيت واخذناها غرفه وعلمناها ضمتني وجلسنا نبكي سواوترجاها زوجي انها ماتعلم حتى بناتها والحمدلله ماطلع الخبر الابعد ماولدت الكل منصدم ويقول من جد مفاجاه ولادتك حتى وحده تقول يوم قالوا لي ماقدرت انام مو مستوعبه انك ولدتي توام
توكلي على الله وعلمي زوجك عشان اقلها يرحمك ويساعدك مع ان هالشي معدوم عند زوجي بس يمكن زوجك يختلف عنه
الله يتمم عليك ويرزقك توام متعافين سليمين ياارحم الراحمين

اسفه على الاطاله

[ميمي الاموره]

تصبحون على خير

شكل مافيه الا انا لحالي اسولف

اشوفكم بكرا ان الله يسر لي وقدرت ادخل

ونوره نايف مشكوووره على المواضيع الحلوه

[أستاذة ذوق]

ميمـــي
بالعكس اسم بنتك حلو مره نعوم وخفيف

انا خايفه على البيبي لأنهم بمشيمه وحده وبكذا واحد تصير تغذيته اكثر من الثاني
وانا عندي وحده منهم ناقصه عن اختها ب300جرام يعني مسكينه ماتتغذى زين
يمكن وحده يجيها الدم قليل والثانيه تاخذ دم اكثر من اللي تحتاجه خايفه الثنتين يتعبون
الله يحفظهــــــم

[نواعم النعومه]

بنات فيه احد والا انا اللي صاحيه بالحالي
جالسه انتظر صلاة الفجر عشان اصلي وانام
النوم مو راضي يجيني تعبت والله منه

[نواعم النعومه]

سبحان الله وبحمده سبحان الله العظيم

[نواعم النعومه]

يارب تمم حملي على خير وفرح نظرتي بعيالي وكل وحده تقول أأأأأأأأأأأأأأأمين .