دردشة بنات ليبيا , دردشة حوامل ليبيا , تجمع بنات ليبيا

[عيون زوجي]

نستأذنكم بنمشي اندير دورة على روحي مولى بيتي قريب يوصل ومادرتش غدي اقلها انقابله بوجه سمح اخخخخخخخخخخخخخخ

بسليمتكم توا وراجعتلكم الساعه 4 ان شاءالله

[سوما ليبيا]

[ليبياقلبي]

ووووووووووواو ياعيون وجعتني القصتين والله ماهو حل السلاح هدا امس احنى الخمس مقلوبة عندنا واحد تشتغل في اللجنة الامنية مجموعة تهاجموا علا المقر طلع بيقابلهم اعطوه اربعة رصاصات بعدها ناسه يقعدوا يتارور فجرو اربعة حيشان بالاربجي الخمس ايام التورة وبعد كانت هانية بس تو انقلب التصورة اهل الميت دايرين عليه حالة مرته بتهبل عنده ولد وبنت

[أم السنافر]

السلام عليكم كيف حالكم صبايا اليوم

[ام روفيدة]

[quote=عيون زوجي;2261611]السلام عليكم ورحمة الله

مشكورات الغاليات يلي فقدوووني

كيف حالكم كلكم كلكم كلكم

ام روفيده كيف حالك ياغاليه وربي يثبتك على عقيدة التوحيد ويزيدك نور في نور ديمة منورة وكيف حال العزري وبدي يتكلم ولا لا محمد بدي يعرف معظم الكلمات لكن مايركبش جمل بالكثير جمله من كلمتين زي تعالي ماما او نبي شيشه ماما اخخخخخخخخخخ

وكيف حال الحمل واي شهر حاليا وربي يثبته وينبته وبشرينا لو عرفتي جنس البيبي مش ادسي علينا ردي بالك
وبعد الخضرة خشيتي عالبروتينات واللحوم ولا مازااال


كل البناااااااات خايفه نسئل بالوحده يسقط اسم بالسهو ولهذا عسااااااكم كلكم طيبات وحلوات


انا ولد عمي مواليد 83 مات يوم الجمعه ضربه ولد خالته ب 4 رصاصات على رجله الساعه 3 الفجر وهرب ماسعفاش مات من النزيف وزوجته حامل في الثامن بكره خسرت البيبي انا لله وانا اليه راجعون

وجيراننا ولدهم مواليد 89 احتمت بيه مراه تسوق قالتله في شباب يجروا وراء سيارتها يبوا يخوفوها اوقف قدامهم باش يحمي المدام طلعوله بمسدس وقتلوه قدام حوشهم هذا يوم الاتنين الفات بعد صلاة المغرب

اللهم اغفر لهم وارحمهم وصبر اهاليهم الشباب يلي ماتوا الزوز يتامى بلا اب[/quo

السلام عليكم ورحمة الله وبركاته

اهلين بالغالية ام سارة كيف حالك يا حبيبة وكيف حال سرورة وحمودي وبوهم إن شاء الله كلكم بخير ونعمة واني الحمد لله بخير ونعمة والحمل الحمد لله ماشي تمام وبالنسبة لجنس البيبي مازال في الخامس إن شاء الله واني توا في بداية الرابع واكيييييييييد مش رح اندس عليكم ورح انبرشكم بجنس البيبي اول ما نعرف إن شاء الله
وبديت ناكل في البروتين من اسبوعين فاتوا لأني تعبت هلبة من قلبي ايتعب فيا في الحمل حتى في حملي بحازم تعبني لكن في الشهر الثامن لكن في الحمل هدا من بداية الثالث بدي ايتعب فيا وتبدا دقات القلب ضعيفة هلبة تعرفي مرة من حوالي شهر فات في يوم صليت الفجر وجيت بنتكى بنرقد في فراشي فجأة بدي قلبي ينبض بشكل بطيء هلبة وبديت انحس في الدنيا كلها جنبي تتحرك ببطء وما عاش قدرت انحرك اطرافي وسودت الدنيا في عيني خلالالالالاص صكرت عيوني وبديت انشهد اقسم لك بالله كيف ما حكيتلك غمضت عيوني وبديت انشهد و قلت هادي نهايتي خلاص حتى ابو حازم ما قدرتش انوضه قعدت امتاع 3 دقايق ومشت وصارتلي بكري امتاع نصف ساعة فاتت فأني شاكة إنه عندي ضعف في عضلة القلب لأنه ما يوجعش فيا إلا في الحمل والاسبوع الجاي إن شاء الله بنمشي لموعدي وبنقول للدكتورة اديرلي الفحوصات اللازمة إن شاء الله فماعاش قدرت قلت ضروري نبدا ناكل في البروتين لأن يمكن من قلة الاكل لكن الرياضة الحمد لله قعدة نتمشى يوميا.

وحزومي الحمد لله يتكلم ايركب في جمل مش صح لكن مفهومة ونفهمه شنوا يبي والكلمة يلي يسمعها ايعادودها وما شاء الله تباك الله على حمودي بي يحفظولك ويفرحك بيه وتشوفيه من أحسن الناس دينا وخلقا وفي كل شيء اللهم ااامين

وعظم الله أجرك في ولد عمك ولله ما أعطى وله ما أخد وكل عنده بأجل مسمى فلتصبروا ولتحتسبوا والله يرحمه هو وولد جيرانكم ويتقبلهم برحمته وجميع اموات المسلمين اللهم اااامين

[سورينام]

المشاركة الأصلية كتبت بواسطة ام روفيدة

فتاوى ابن باز

154 - السنة للمصلي
أن ينظر إلى موضع سجوده حال القيام


س: أين يكون نظر المصلي في الصلاة ؟

ج: السنة أن ينظر في موضع سجوده حال قيامه، وهكذا حال ركوعه، أما في حال الجلوس فينظر إلى محل إشارته إذا جلس للتشهد أو بين السجدتين ينظر إلى محل الإشارة كما جاء في السنة عن النبي صلى الله عليه وسلم.
س: في حال الصلاة في الحرم أيهما أفضل النظر إلى الكعبة أم محل السجود؟
ج: المشروع في جميع الصلوات، وفي كل مكان النظر إلى موضع السجود ؛ لأن ذلك أخشع للعبد وأجمع للقلب، إلا في حال التشهد فإن السنة النظر إلى موضع الإشارة. والله الموفق.

السلام عليكم وكيف حالكم جميعا ...
أم حازم يارب ايكون في ميزان حسناتك وربي اينور عليك زي ما اتنوري اعلينا ... يعني تبحتي واتجمعي واتجيبيلنا في الفائده جااااهزة .. غير استفيدو بس
ربي ايباركلك في زوجك وفي ابنك ويرزقك شوفه اهلك عن قريب يااااارب .. وطبعا يرزقك ويرزقنا الجنه اللهم آميييييين
سؤال : أني ما فهمتش شن هو موضع الإشاره؟؟ وضحيلي اكتر لو سمحتي الله ايبارك فيك

[ليبياقلبي]

هلا ام حزومي وام السنافر وسوري

[أم السنافر]

شنو اخباركم كلكم وحال الحمل معاكم

ان ششالله تمام

[ليبياقلبي]

انا حالي الحمد لله بس انما مش حامل

[أم السنافر]

اها ليبيا قلبى عندك صغار ولا مازاااال