تجمع الكروشات اللي ولادتهن في رمضان 1433ه

[نور العيوووووون]

معقول مالقيتي ياهيووف مفارش للسرير طيب يمكن بايكيا اقل شيء خذي القياسات وخذي القماش من ايكيا اي لون تبين بتلقين وخراام 650 الواحد يعني 1300 يمكن تلقين قياساتك با يكيا لان موجود اسفنجات الي تحشى كذا مقاس جربي

[نسمة دفا]

مساؤكم نسيم وهوا يرد الروح

.....

طالبة خذي رانتاج..لكل مشاكل المعدة..حرقان ..قرحة..وكل شي,,ترتاحي عليه

وربي يعافيكي ..ويقدرك على صيام ماتبقى لك..الحقي نفسك

بعدين صح إيش تستنين للآ ن ماقضيتي..مابقى وقت ..غير عن الحر اللي مايخليكي تخرجي من بيتك

وبتصير التكاليف والمصاريف كلها مع بعض..الله يعينك

..

أم حمادة

مبروكة مشترواتك

تتهنين فيهم..انتي والراجل ذو الشنبات

.....

هيوف


مبروكة مشتروت النونوات
ربي يحفظهم لك..ومبروكة مشترواتك

وبالنسبة للفرش ..خذي لهم جاهز..من المراكز..يمكن تلاقين..

أو على الأقل خذي واحد ..حتى تحصلي اللي يناسبك بعدين

لأنك باول فترة ماراح تحطي كل واحد في سرير..أكيد بتحطيهم مع بعض..ياقلبي صغيرين ..

...

مناير

أنا الكالسيوم ما أخذته في البكري مطلقا ..ولا الحديد...

لأن أول زيارة لي كانت في الشهر السابع وأخذت لي تهزيء..كنت خوافة..وزوجي كان مسافر..فمافي أحد يشجعني

المهم رحت الشهر السابع كتب لي حدي مضاعف وكالسيوم مضاعف ..

وزيت كبد الحوت..ساااااااااااائل ..طعمه الله لا يوريكي

..
لما دخلت التاسع وقف لي الكالسيوم وزيت كبد الحوت..

قال لي راس البيبي كبير..طبعا أنا خفت..

وفعلا طلع عيوني في الولادة..عدا عن الكباري اللي انفتحت تحت لتسهيل خروجه..

فما أدري هل الكالسيوم هو السبب..أولا..

المهم بعدها صرت آخذه وأوقفه في نهاية السابع..

والحين بخلص العلبة اللي عندي وبس..

......

نور أنا أخذت أرواب للنفاس قطعتين ميدي..بطريق الصدفة..كان عليهم تخفيض قبل ما أحمل.(الواحد بــ20 ريال..).ياليتني أخذت الثالث..وماانتبهت أن لهم فتحة رضاعة غير لما جيت البيت فخليتهم بكيسهم..والحين لقيتهم مثل الكنز ههههههه

والباقي 3 طويله للأرض
اثنين لون سكري ..واحد فاتح وواحد غامق كم طويل..للإستقبال..والشخصيات الهامة...ههههه
وواحد نص كم .
وبيجامتين وبس...

فالحقي عمرك وخذي لك كم قطعة..يوم السبت يبدأ الجو يبرد شوي..الحقي روحي..ولا في نص الشهر يكون الجو حلو عن أوله وآخره..عشان ماتفطسي من الحر

......

[نسمة دفا]

جارتي جات من مصر

وولدت قبل شهرين في مصر

والحين طالعة عندها ......يابختهم خلصوا مدارس من أسبوعين ..ربي يهنيهم

الله يعين المدرسين والمدرسات اللي دوامهم لبعد شهر..في عز الحر

الله يقويهم

[نور العيوووووون]

هلا كروشات وين عالهجده مختفين يعني مسوين الاربعاء ويكند وحركات بس مع الحررررريمدحون البيوت

[ام حماده1]

تسلمو يالغوااالي ...


اليوم العشا عاااالمي معزومين ياحريم
مادري ليش ايام الاختبارات يجي نفس لطبيخ وكشخه
واهتمام بالجمال خخخخخخ هروب نفسي

[Haif]

نور

ويني ووين ايكيا انا بمنطقه وايكيا بمنطقه ثانيه مافيني حيل اتنقل الله يعين

نسومه
مساكين المدرسين وخاصه الابتدائي الصفوف العليا خلصوا كل شيء وباقين مداومين لشهر شعبان حرام هدر الطاقات كذا


ام حماده
دايم يصير كذا وقت الاختبارات تصير حلوه الزينه والمكياج واللبس و فجاه تصيرين تحبين تطبخين وتسوين بس علشاان تتهربين من المذاكره
الله يقويك

[طالبة الدعاء]

هلا نسومه تسلمين قلبو ع الردود
نفسي اتقضى واخلص بس المصاريف الله يعين
بس باذن الله ناويه الاسبوع هذا
وش رايكم باخذ سرير صغير لانصعبه انا بولد عند امي وكيف اشتريه وانقله لبيت امي بعده اجيبه لبيتي قلت اخذ صغير وقت الولاده بعده اذا رجعت لبيبي اجيب له شي مناسب



واموله تقول طلق كاذب. كيف يعني بيستمر معي لشهر 9. ياساتر

واخبار باقي الصبايل

[نور العيوووووون]

هلا كروشات بقول لكم على طريق باذن الرحمن تسهل وتخفف الولاده وههي بداية الطلق دهني بطنك وظهرك بزيت زيتون دفيء معه حبة البركه يعني مخلوط معه حبة البركه وعقب حطي رجليك بمووويه دافيه ولن شاء الله تولدين بسرررررررعه

[نسمة دفا]

...

أم حمادة فليها..وادرسي كم درس صعب وانتي فالتها..عشان ترسخ بمخك

.....

طالبة ربي يرزقكم من أوسع أبوابه

وبرأيي ببيت أهلك اشتري سلة بيبي من الرخيصة وحطيها جنبك..وفي بيتك اشتري لك سرير

[نسمة دفا]

نور

مشكورة على الطريقة

أنا أزيدهم فيكس وجوزة مدقوقة وأدهن بطني وأسفل ظهري ورجولي..وبعدها آخذ شور دافي