مربى الورد البلدي لاحلى وردات حوامل

demoshka · 06-17-2010, 08:56 PM

مساء الخير يا صبايا

اتصور ما في حدا ما يحب مربى الورد وخاصة بالصيف والصبح مع خبز والجبنة

كرمال هيك اليوم جبتلكن طريقة عمل مربي الورد البلدي
على فكرة اهل حلب مشهورين بمربى الورد

لانو انتو غاليات عندي كثير حبيت اعمل واعزمكن كلياتكن واتمنى انو يعجبكن

منو صعب ابدا واذا ماعرفتو تعملوو بس ابعتو فاكس على منتدى حوامل لعيونكن المربى بيكون عندكن

كل الشي الي نحتاجو بس تقطعونا ورد بس تكون بريحة والباقي علينا

المقادير

500غرام اوراق الورد بدون نقع /والورد فيكي تفرميه او لاحسب ما تحبي بس انا افضله مفروم يعطي جمال افضل للمربى
5 كاسات سكر /يعني لكل 100غرام من ورق الورد نحتاج كاسة سكر

4 حبات ليمون

ماء بارد/يعنيي من الحنفية

طريقة العمل

ناخذ اوراق الورد ونفرمها ناعما ونضعها في طنجره ونغمرها

بالماء البارد ونضيف عصير 1 ليمونه ونترك الورد

في الطنجره حتى يتلون الماء وبعدها يصفى الورد من الماء

واذا لم تستطيعي الحصول على وررد لونه غامق بامكانكي اضافة قطرة من صبغة الحلويات لون

احمر الى الماء الموجود فيه الورد ليعطي لون غامق قليلا

في هذا الوقت ناتي بالطنجرة وناخذ نصف كاسة اوكاسة حسب من ماء المنقوع فيه الورد ونسكبنه بالطنجرة ومن ثم

نضفنا السكر ونستمر بالتحريك السكر والماء المنقوع حتى يصل الى درجة الغليان

وبعدها نحسب 5 دقائق بعد الغليان وبعدها نضيف اوراق الورد ونحركه وعندما يبدا بالغليان نخفف

تحته ونتركه من 20 الى 30 دقيقة حتى يتعقد القطر مع الورد

بعدها نضيف ثلاث ليمونات الباقية ونحركه ونتركه على الناروعندما يبدا الغليان نحسب

5 دقائق وبعدها نطفئ تحته ونحاول ان نضعه في وعاء ليبرد وبعدها تعبا في برطمانات

هذا ورد غيرمفروم

هذا ورد مفروم

هون نضيف الماء لننقع الورد

هون نضيف ليمون واحدة على الورد عند التنقيع

هون حطيت نقطة من الصبغة لانو الورد ماكان لونو غامق

يصفى الورد من الماء

نسكب نصف كاسة من ماء المنقوع

نضيف السكر

نتركه حتى يبدا بالغليان

نضيف الورد

نتركه حتى يبدا بالغليان

نضيف الحامض

نسكبه في وعاء ليبرد

~~لحن الحياة~~ · 06-17-2010, 09:53 PM

يمي يمي
شكلو بشهي يا كوكو
ولله شهتينا العروسة قبل ما نطلع على الدوام
يسلمو ايديك ياعمري

marwa · 06-17-2010, 09:59 PM

شكلو كفايه مااعرف طعمو كيف بس شكلووو رووعه
توام ارحميني حرام عليكي تراني طفسه ومجوعه اي شي اشوفو ابغا اكل منو

demoshka · 06-17-2010, 10:54 PM

ملكة روحه · 06-17-2010, 11:40 PM

يسلمووووووووووو يا البي اناا

دئتها مرة وحدة بحياتي لما كنت بسوريا

كانت كتير طيبة بجد لهلأ ما بنسي طعمتها

اااااااااااااااه لو يصلحي برتمان منها يااااااااااي

يسلمو يا الغلا علي الطريئة

demoshka · 06-18-2010, 01:02 AM

خلص ملكة شكلك هاي السنة مونتك من عندي لازم قملك من كل شي شوي واخبيلك

اهلا وسهلا

Wteen · 06-20-2010, 07:51 PM

يااااااااااااعيني ماشاء الله
ريحة الورد في كل زاويه من المنتدى
تعرفي توأم انا عندي مشكله في المربيات
مره عملته ورد مع فراوله بس قللت
السكر عشان الكالوريز
مده بسيطه وعفن
انا قرأت عن ماده يضيفوها وتقللي السكر
اسمها بكتين المشكله مالقيتها عندنا
ولقيت طريقه كيف تسوي بكتين طبيعي من التفاح لسى ماجربتهااا
ياليت تفيديني في الموضوع لو عندك فكره عنه او موجود عندكم
نازله فواكه الصيف ودي اعمل مربى بيتي
سامحبني طولت ما صدقت الاقي احد مهتم بهالموضوع

demoshka · 06-20-2010, 08:46 PM

ههههههه

حبيبتي وتين ماما بتعمل المربيات كلها سكر قليل ومابتحط بكتين ولاشي

بس بتغليها زيادة على النار واول ماتسكبيها بالمرطبان حطي طبقة زيت دوار الشمس خفيفة ودغري سكري منيح الغطا

وهيك بتما متل ماهي

لاتعذبي حالك ودوري على البكتين وغيروووو

وصحة وعافية

ام الحبايب الصغار · 06-20-2010, 09:55 PM

تسلم ايدك
تحياتي لك

Wteen · 06-20-2010, 10:20 PM

هما يضيفو ورق مشمع ويغلو البرطمان
عشان سحب الهوااا
طيب الزيت لو كنت حخزن المربى. اما استخدام على طول مااضيف زيت وفي الثلاجه ومده استهلاكه اسبوعين صحيح هيك لانه بدون ماده حافضه

طيب التخزين انا قرأت انه يكون في مكان جاف ومظلم
والمده سنه اكيد مايعفن لاني راح اسوي كميه واخزنهااا

اموووت بالمربى البيتي لانه مافي سكر كثيرر وفواكه اكثررر
استنى ردككك وحدعيلك انا وزوجي لانه هو كمان يحب المربى البيتي