التحاليل والاشعة المطلوبة:
مواعيد الحمل كيف المفروض تكون على مستوى العالم..
في كل موعد راح ياخذون لك الوزن والضغط قبل تدخلين على الدكتوره
او عندها بغرفتها ولو عندك مشاكل بالبول يعملون له تحليل وفحص لبطنك
أول شيء الزيارة الأولى تكون من الاسبوع الثامن للدورة للتأكد من وجود
الحمل
وبعدها الزيارات تبدأ تحسب من الاسبوع الـ12 ، بمعدل 12 زيارة طوال
مدة الحمل ،
بحيث تكون زيارة في الاسبوع 12 + 16 + 20 + 24
وبعدها تزيد لزيارتين في الشهر وتكون في الاسبوع 28 + 30 + 32 + 34
ومن الاسبوع الـ36 المفروض اسبوعياً زيارة وحدة الين تولدون بالسلامة
في الثلاث الشهور الأولى بشكل عام، لازم ينعمل لك تحليل دم + تحليل بول
واشعة (التراساوند) عشان تعطي تصور لوجود البيبي والمشمية بوضع صحيح
وتسمع النبض
بالنسبه للنبض راح تبدين تسمعينه من الاسبوع 8 وفوق
وبالأسابيع الأولى لازم تكونين شاربة موية كثير عشان يبين كيس الحمل بالاشعة..
في الثلاث شهور الثانية، برضو التراساوند ثانية عشان تبين لنا نبض البيبي
هالمرة وتحليل للسكر وتحليل للمناعة عندك لو كانت فصيلة دمك سالبة
وكالعادة تحليل دم & بول "مرة بهالثلاث شهور كفاية لو كل شي عندك اوكي"
في الثلاث شهور الأخيرة تنعمل اللتراساوند لنتطمن ع البيبي وبرضو تست
لالتهاب الكبد بي
وفحص يعملوه نهاية الحمل اسمه Group B streptococcus screening
وهو فحص للالتهاب البكتيري ع اساس
يعطونك مضاد قبل الولادة لو هو عندك لانه ممكن ينتقل للبيبي اثناء الولادة
وتحليل البول والدم الاعتيادي
هذي الأساسيات وهنا موقع للي حاب يبحث بالتفصيل فيه كل أنواع الفحوصات
الي ممكن تنعمل:
Lab Tests Online: Welcome!
عادة نادراً ما يسوون اختبارات الجينات المذكورة بالأول، بس باقي
الاختبارات من المهم نفهم ليس يسوونها.
بمعنى(الدكتوره تحدد لك زيارات الحمل الثانيه على التاريخ الي بتعطيك
اياه لدخولك كل شهر مثل تقولك كل تاريخ كذا من كل شهر تدخلين
شهر جديد
انتي تصير مواعيدك نفس هاليوم او بعده بكم يوم افضل
والمواعيد من بدايه الحمل الى الشهر السابع مره كل شهر - والثامن مرتين
بالشهر - والتاسع كل اسبوع)
تحليل السكر:
لازم تكونين صايمة 8 ساعات حتى مويه ماتشربين, بعدماياخذون سحب دم
منك تشربين المحلول حقهم لونه برتقالي وطعمه قريب من الميرندا بس حالي
ولازم تشربينه بمده اقصاها ربع ساعه وبعد ساعتين تجين وتحللين مره ثانيه.
05-02-2012, 12:31 AM
رد: تجمع الكروشات اللي ولادتهن في رمضان 1433ه
ميدوري 
جديد منتدى إستفسارات مرحلة الولادة
العرض العادي
