تجمع لحوامل شهر جمادى الأولى 1433

[Koka2012]

ماشاء الله عليكي يامخمليه انا دكتوري قلي نعطيكي مهله بس مارضيت حددت موعد للطلق الصناعي بولد زي الأخت وايت في نفس المستشفى بس انا عند الدكتور رائد حاولت اصبر اكتر عشان وزنه يزيد بس خلاص مره تعبت الربوع بروح يعملي تحفيز انا اصلا مفتوح واحد ونص واذا مانفع السبت موعدي للطلق الصناعي بس إبرة الظهر كل شويه اجننه فيها قلي بس يفتح اربعه على طول نحطها وان شاء الله خير

طيب ليه دكتورتك ما تعملك تحفيز لعنق الرحم قبل الطلق الصناعي

[Beso]

الحمدالله الحمدالله ولدت يوم الخميس
بعملية قيصري

وجبت بنوتة تززززنن مرة ماشاء الله

اخبار مخمخ ..؟؟

[المخملية]

واايت .. كوكا
ماني عارفة ايش فيني
احس مرررة مترددة
ساعات اقول دكتورتي بس تبغي تعطيني طلق وتولدني
وساعات لو صبرت بتجيني الطلوق
وساعات اقول البيبي نبضو راح يضعف
وساعات اقول لا لسى فيه حركة وجالس يتحرك البيبي
ومرة بروح وعشرة لا
احس تعبت من التفكير
دحين قررت استخير واروح اليوم الاثنين
بس افكر اروح صباح والا بعد الظهر والا عصر والا مغرب >>~ تفكير وحدة تتهرب
شربت خروع وشربت منقوع تمر مع قرفة
ومااافي اي الم او مغوصة صغيرة
هالشي ارعبني قلت القرفة ماسوت شي وهي معروفة انها خطيرة علي الي رحمها مقفل
كيف الطلق راح يطول فيني علي كذاا
ياارب رحمتك
انا للان مانمت مدري متي حأنام عشان اروح

لا اله الا انت سبحانك اني كنت من الظالمين
اللهم ياخالق النفس من النفس ومخلص النفس من النفس ويامخرج النفس من النفس خلصني مما انا فيه
يارب رحمتك

[المخملية]

ياقلبي يابيسو
ولدتي بعملية
ياحياتي
ماتشوفين شر
والحمدلله علي سلامتك
ومبروك ماجاك
تتربى بعزك هالبنوتة القمر

[الامل الموعود]

ربي يسهل عليك يامخمليه
ويعطيك ساعة السلامه
وماضاقت الا فرجت
اكثري من الاستغفار بنية تسهيل امرك
والله معاك

[noni]

بيسؤووووووو
ألف ألف مليوم مبروك
وتتربى بعزكم القموررررة
ألله يحفظهااااا

مخمخ
ؤربي معدوره لو ترددتي
هذي ولاده مو لعبه
ألله يسهل عليك ولو رحتي طمنينا عليك وعلى البنوته إلي جالسه تتغلى عليناااا

[Koka2012]

مبروك يا أخت بيسو وتقومي بالسلامه انتي والقمر ان شاء الله
أخت مخمليه الله يعينك ويريح بالك يارب مدري ليه أحسك مره خايفه لا تحسي بخوف مافي اوسع من رحمة ربي وانتي عارفه دكتورتك شاطره والمستشفى ممتازه لا تخافي وقوي نفسك بالاستغفار وفي النهايه اللي تبغيه يسير تبغي الحقيقة انتي تقدري بكره تروحي وتولدي وتخلصي او بما انه الحمد لله النونو وضعه ممتاز والمويه كويسه تاخري الموعد قد ماتبغي راجع لقدرة تحملك انتي وبس الله يكون في عونك ويسهلها علينا أجمعين

[توليب الطائف]

مخملية على حساب الدورة تخلصي
التاسع يوم 4/ 6 يعني الحين لك
خمس ايام زيادة واعرف حريم يجلسون
10 ايام زيادة ع التاسع لاتستعجلي دام
نبض البيبي وحركته تمام
والله يكتب لك الساعة المباركة ،،،

[noni]

مشاعر ان شاء الله تولدين قبل نهايه المهله
بولاده شهر ميسره
أنت ومخمخ وأم لمااار

قلوبنااا معااااكم حبيباتي

وايت ؤينك مختفيه مع فروسي
كيفه بشري ختنتيه وإلا لسئ
أنا ولدي كمل أسبوع والحمد لله

بس أنا إلي ذبحني الأمساك
وشكيت ان غرزه انفكت
طبعا من كثر الوسوسة والخوف
بس البنات الله يجزاهم خير قالوا لي استخدم ملين
والحمد لله خف الأمساك كثير

بس تصدقون للحين أحس بالغرز

[مشاعر أنثى]

بنات صبحكم الله بالنور
احب اقول لكم ولدت وجبت ولد فجر هذا اليوووم

مخمليه دعيت لك ربي يسهل عليك