ساعدوني في تنظيف بيتي يالسنعااااااات

[sarah84]

الله يعينك ويعين كل حامل انا كمان عم عاني في التنظيف من يوم حملت لليوم والشغل الي كنت اعمله في ساعة صرت اسويه في اربع ساعات بس بنظف حتى واكنت تعبانة وادعي ربي يسهل علي التنظيف لاعم حس حالي ثقيلة وبصعوبة اتحرك

[4يو]

جزاكم الله عنها وعني كل خير
انا مريت بهذي الحاله ابموت من الكسل ابكي وانحرق بس متحرك مي دائما تخصمني
تخيلي عندي اربعه اطفال انظف بس ارتاح شوي الا البن ولا جاك المويه ولدي كبه في الثلاجه والارضيه اموت من القهر الحمام الله لايوريكم لازم غسيل على طوال عذاب جبت شغالات بس مرتحت معاهم موذيك النظافه الي ابيه
والحين جبت شغاله تجي يوم ويوم لا ارتحت من هم الكوي والغبار
بس اليوم الي مافي شغاله يحوسنه عيالي الله يصلحهم لو الله ثم زوجي يساعدني كان مت
بس انا الحمد لله نسبه الحديد ممتازه طيب وين المشكله فيني
والله زعلانه من نفسي كثير اموت في النظافه ولا اقدر اسويها وانا حامل نشاط مو طبيعي بيتي نظيف احسن من الحين

[4يو]

يبيلي اشغل صوره البقره

[سماء الاحساء]

الله يسهل امرك وش تقولي عني اربع عيال وزوج والبيت كبييير وكل يوم نفس الشغل لاتقولي يوم كوي ويوم مخصص للغسيل
لااااااااااااااااااااااااااااااااااااااااااا كل يوم غسيل وتنظيف وكوي والمطبخ ماشالله بروحه عن شغل البيت كله وغير العيال ومذاكراتهم وظهري منكسر حااولي تنظمي وقتك وتسهل عليك صدقيني او حاليا جيي وحده من خواتك او من اهلك تساعدك بالتنظيف وفي يوم تخلصيه والله يسهل امرك وبالعزم تعلوو الهمم

[عمري فداء ولدي]

مشكووورين الله يسعدكم ويعييننا ع هالبيوت ..

[قلبي كسرني]

السلام عليكم
حبيبتي الله يعطيكي العافية والقوة ويعينك على تنظيف البيت انا مشكلتي الصحون من اشوفها بالمجلى يجيني غثيان ومدري كيف احسها تتكاثر لوتركت ملعقة وحدة ارجع الاقيهم اثنين واتصور الصحون واحد ينادي الثاني حتى لايملوا ويسلوا بعض بالمجلى
اقلك كيف اسهل الامور على نفسي
اعمل طاسة ماء دافي وصابون جلي صحون واحطها على المجلى واحط اسفنجة الصحون فيها وكل ماوسخت شي اغسله وابدل الماء مرة او مرتين بالنهار
يوميا قبل ماانام (احاول) ارتب المطبخ وامسح السطوح الي فيه انا شارية مناديل ديتول وحاطتها تحت يدي
وارتب المعيشة مكان جلستنا والم الالعاب المنثرة وارتب القنفات وحاطة عليه كوشات ملونة ارتبها
احاول الم اي شي مرمي في طريقي وبعدها اروح انام
لما اجي للتنظيف الرسمي يعني لو صارلي ظرف معين وتركت البيت شوي اجيب كيس زبالة كبير الله يكرمك وافتح الثلاجة وارمي في الكيس كل الي منتهي وبعدها اخذ الكيس معي ووين مارحت باي غرفة الم الزبالة وارميها في الكيس وبعدها افرغ سلات الاوساخ الي في الغرف واضل كل ماشفت شي زبالة ارميها في هالكيس
في كل غرفة ادخلها اجمع كل الاغراض والملابس وكل الي ملخبط واحطهم في مكان واحد على السرير مثلا واجلس اعزلهم وارتبهم مجموعات مثلا الثياب اعزلها واطويها المجلات والكتب اجمعها مع بعض واحمل كل شي لمكانه والثياب الوسخة ارميها في سلة الغسيل او في الغسالة مباشرة ولما اخلص كل الغرف تبقى بس الارض كنس وتنطيف وبعدها امسح الاخشاب
غسالتي اوتوماتيك اشغلها في الليل لما انام واسكر باب المطبخ وفي الصباح انشر الغسيل

[قلبي كسرني]

تعرفي انا ايش الي يضايقني في شغلت مالها مكان مثلا بطارية صغيرة مفتاح مو عارفين لمين شريط صغير لعبة صغيرة من توزيعة ولادة جارة او قريب لك زر اخضر اوبرتقالي مدري من ملابس مين هذول تشوفيني حاملتهم ودايرة فيهم واخرها ارميهم في اي درج قدامي اقول (ارجع لهم بعدين)

[عمري فداء ولدي]

يووه الله يعييين ,, والله الحمدلله صرت اضغط ع نفسي بالقوه عشان مارارجع للحياه اللي كنت عايشه فيها بس هالحمل والثقل والله هد حييلي صرت ماقدر اقوم الا غصب واتعب والنوم طاااااااااايح فيني من يوم دخلت التاسع مدري ليه ؟؟
والمطبخ نظييف صارلي اسبوع ماطبخ زوجي الله يرضى عليه يجيب من برا وارتحت شوي بصراحه ..

احيانا اقول حياتي عند امي احسن تعبت من المسؤليه بيت وحمل وثقل واذكر حبي لزوجي واقول لا , حياتي معاه احسن , والله نفسيه ..!!!

[kyot]

الحياة يبغالها صبر انا ماكنت اعرف الشغل عند أهلي خدامة ورأ الثانيه ولما تزوجت تعبت كثير بس صبرت وحاولي لماتبدين بالتنظيف شغلي قران او نشيد تحبيه او نشدي انتي عشان تحسي انه يروح الوقت ونظفتي وانتي مستمتعه ولا تضغطي نفسك كل يوم سوي شغله او ثنتين اهم شي لا تراكمي الشغل اول باول

[عمري فداء ولدي]

لا الحمدلله الامور كويسه .. شكرا ع المرور