تجمع الكروشات اللي ولادتهن في رمضان 1433ه

[مناير999]

مرحبا لكل الكروشاااات

كيفكم وكيف نونوااااتكم




مام
ياعمري عليك
انتي سعوديه ؟ كنت اضنك مغربيه او قصدك بالجنسيه ....

عموما حبيبتي تلحقي تخلصي الشقه قبل ولادتك واولادك مع زوجك يبقوا بالشقه ياخذ زوجك اجازه هاليومين اللي تغيبي عن البيت
وبنت خالتك لاتهتمي لامرها ورددي حسبي الله ونعم الوكيل وهو بياخذ حقك ممن ظلمك
وتاكدي ان ربك بينصرك لانك مظلومه ...اصبري واحتسبي عشان اولادك وزوجك

[ام حماده1]

نور الحمدلله اخبارك ياعسل وعلى فكره شفت صورة بنتك بسم الله عليها قمر
ولبسها ما فيه شي عااااادي بلا عقد طفله ما فيها شي يفتن

[alas]

كروشات احوالكم انشاءاالله الكل تمام امس نزلت السوق اخدت اربع بربتوزات 2ورديو2ابيض واخدت الداخلي 9قطع واليوم بروح اكمل باقي الاغراض بادن الله والله يسهل

[نسمة دفا]

آلاس

مبروكة مشترواتك

الحقي كملي قبل الحر لايشد

.........

أم حمادة ..الشايب حقنا يسلم على الشايب حقكم

حتى أنا في المجلس مرمي ما أحد يفكر فيه..بس أنا عندي مايشتغل نت لأن أولادي خربوا لي الألفا..

وما لي خلق أجيب غيرها..

......

اليوم أنا قمة في التخريف والتحشيش...

قمت أصلح غدا


طلعت دجاجة

وغسلت رز وعدس

ههههههههههههههههه

ماتجي مررة ....................

رحت انبهت لنفسي..بعد مافكت الدجاجة تقريباً

ورجعت الدجاجة للفريزر وفتحت تونة مع الرز والعدس وانتهى الموضوع ..وسلطات وبس..


..........

[alas]

نسومه اف الالم من الاعصاب انتبهي على نفسك هدا انت لسه بالسادس أجل لو وصلتي التاسع الله يرفع عنك بس كمان الادويه تخوف مع الحمل لو تدرين انا طلع لي من الشهر الرابع كيس دهني على حسب تشخيص الدكتوره تحت بمنطقه حساسه بالقرب من فتحة الشرج وانتم بكرامه لمن امشي او اوقف احس بثقل وضغط على المنطقه من تحت اكره نفسي احس شي
قوي يضغط عاد رحت دكتورة جلديه وحولتني لدكتورة جراحه والله ماتدري ربي وين حاطها تكشف تقول مافي شي اقولها شوفيها باينه كانها حبة حمص تقول ما اشوف شيء. المهم ما اعطتني شي وقالت مافي شيء ورجعت وما اتحملت الالم ورجعت اخدت موعدتاني ورحت لها علمتها كيف تكشف والله العظيم عشان تشوف وقالت اظن كيس دهني بس ايش تبغيني اعملك قلت انت الدكتوره وانتي ادرى قالت مادري مش عارفه قلت في نفسي قسم اقطع يدي اذا انتي دكتورة جراحه مو منها من اللي حاطها في دا المكان يقطعها من دكتوره ورجعت اليوم اخدت موعد عند الجلديه اروح اليوم واشوف ايش تقول الله يسهل

[نسمة دفا]

أم حمادة

الحمدلله انكم بخير
انتي وحمادة وأبوه والشايب اللي عندكم


ههههههههه

.......

بالنسبة للحركة شكلهم الأولاد حركتهم كثيرة

ماشاء الله صاروا أولادي يلاحظوا حركة البيبي ..وأنا جالسة معهم

يارب الحمدلك والشكر لك

......

أم نايلة الولد غالبا مافيه شك

بأمر الله يكون أكيد

.......

[نسمة دفا]

آلاس

تعودت على هذا النوع من الألم ..بدأ معي من الثالث..

ولاحظت ان الألم يجيني في حمل الأولاد أكثر من البنات ..الله أعلم

في حملي في عبودي وصلت لمرحلة أزحف حتى أصل للحمام (أكرمك الله)..وأحيانا يبدأ الألم وانا في الحمام

فأستنى لما ربي يقويني وأقدر أتحرك ..مرة جاني في الحمام..وما قدرت أمشي ولا أتحرك..وكنت جالسة على البدي الإفرنجي..وفضلت جاسة وأبكي ..تقريبا نصف ساعة حتى قدرت أتحرك وأوقف ,,قمت فتحت الموية الدافية ودلكت وركي وخرجت غرفتي جري...دهنت بمرهم الألم...وفتحت السشوار على مكان الألم (صديقي في الحمل )

وما كان وقتها عندي جوال..من بعدها صرت آخذ جهاز اللاسلكي معي على الحمام..لطلبات الطواريء..إذا ماكان عندي أحد في البيت

والله أنها مأساة..ربي يقوينا جميعاً ويكتب لنا الأجر

.........

[اميره باوصافها]

مساء الخير
كيفكم كروشات..وكيف النونو ان شاء الله طيبين
اما عني وعن اخباري فانا ضيق نفس وضلوعي بتتكسر خصوصا بعد الاكل
واحس اني ثقيله وتعبانه ومتضايقه ياااربي متى تعدي الشهور على خير
الحمدلله دخلت السابع ياربي يعدي على خير
باااااااااك ...صلاه

[نسمة دفا]

حذر مكتب التحقيقات الفيدرالية الأمريكي " إف بي أي" من أزمة ستحرم مئات الألوف من الدخول على شبكة المعلومات الدولية " الإنترنت" بداية من شهر يوليو القادم، بعد سيطرة مجموعة من القراصنة على أكثر 550 ألف كمبيوتر، حول العالم ، دون علم أصحابها.
وقالت صحيفة " ديلي ميل" البريطانية، أمس السبت، إن المشكلة بدأت حينما أطلقت مجموعة دولية من القراصنة، حملة إعلانات احتيالية، تمكنت من خلالها من السيطرة على أكثر من نصف مليون كمبيوتر حول العالم.
ولمواجهة هذه الحملة الشرسة، دشن" إف بي أي" منذ عدة شهور، شبكة إنترنت آمنة، مستخدما أجهزة حواسب حكومية، لتمكين الأجهزة التي تأثرت من الدخول على الشبكة دون توقف، وتم كل هذا دون علم أصحاب هذه الأجهزة.
والآن يشجع مكتب " إف بي أي" مستخدمي الإنترنت على زيارة موقع أمني، يشرح للزوار كيفية التعرف على إصابة أجهزتهم، وكيفية حل المشكلة، ويحذر " إف بي أي " أصحاب الأجهزة المصابة أنهم لن يستطيعوا الدخول على شبكة الإنترنت بعد 9 يوليو 2012.
وقالت الصحيفة: أنه في نوفمبر الماضي، قام مكتب " إف بي أي " بالقبض على مجموعة من ستة قراصنة من أصول استونية ، لكن قبل القبض عليهم، كان قد أعد الشبكة البديلة، ونقل أكثر من نصف مليون جهاز عليها، وهي الأجهزة المصابة والتي لن تتمكن من الدخول على الشبكة بعد 9 يوليو.
وعن الأجهزة التي تأثرت، نقلت الصحيفة عن مسؤولي " إف بي أي": أنه في ليلة القبض على القراصنة، كان عدد الأجهزة التي تأثرت قد بلغ 568 ألف جهاز، وبعد خمسة أشهر تم تخليص الأجهزة المصابة من الفيروس، وأصبح عدد الأجهزة المصابة الآن حوالي 360 ألف جهاز فقط، منها 85 الف جهاز بالولايات المتحدة، والبقية تتوزع على دول مثل: إيطاليا والهند وإنجلترا وألمانيا، واسبانيا وفرنسا وكندا والصين والمكسيك.

[نسمة دفا]

أميرة

ربي يتقبل صلاتك ويبارك لك في عملك الصالح

أنا بروح أنام حتى يأذن عندنا على الساعة 4 وخمس دقائق

ألقاكم على خير