تجمع حبيباتي الكروشات اللي راح يولدون بشعبان

[na3ooma]

المشاركة الأصلية كتبت بواسطة miss yoyo

مراحب يا حلوات

أخباركم وأخبار النونوات ؟

ادري ماعاد ارد إلا مره ولا مرتين بالإسبوع
بس مرره مشغوله ... خلاص بديت ارتب اغراضي عشان نزلتي
واشوف الأغراض اللي باخذها معي واللي بتبقى هنا
وقاعده اشيل الملابس الشتويه واحط صيفي
وكل شوي فاتحه باخذ شغله نسيتها جوا الكراتين
ومحتاره بالهدايا حق اهلي
وباقي اغراض النونو لسه ما خلصتها
وانا لحد الحين ماشريت لي ولا قطعه
وشنطة المستشفى لحد الحين ما شتريتها ولا شريت ولا غرض من الأغراض اللي راح احطهم فيها
غير شغل البيت طبخ وغسيل
بديت امشي يوميا ربع ساعه
عندنا جيم بالبنايه وصرت انزل امشي ع السير المتحرك
منها اسولف مع البنات تحت ومنها اتحرك شوي

موعدي كان يوم الخميس
ماسوت لي سونار .. عطتني موعد في المستشفى اللي راح اولد فيه
عشاني راح اعيد الثلاثي الأبعاد
فجعتني لما رحت قالت بسوي لك تحليل الجلوكوز
وانا اسمع انه لازم تكونين صايمه قبلها
قالت لا خذي اشربيه وبس من هنا لساعه لا تاكلين شي ولا تشربين شي
مواعيدي صارت كل اسبوعين عندها .. وان شاء الله موعدي الجاي راح تقول لي النتيجه

النونو .. بسم الله عليه/ـآ صارت حركته قوية بزياده
لدرجة اوقات بنص الليل يتحرك غلط او يضرب ضربه تصحيني من نومي
ما اقدر ارجع انام منها .. او يرتفع لفوق لدرجة ما اقدر اتنفس وانا منسدحه
احط مخدتي ورا ظهري وانام وانا قاعده
في شي ثاني بعد مقرفني .. رجع لي غثيان
كبدي تقلب مع كل وجبه اكلها .. هذا غير الحرقان اللي يذبح


أم جمانا وخوخه ... ماتشوفون شر
انتبهو لأنفسكم ماعاد باقي شي
حديدن سهل على مايقولون
اقضبو ارضكم وريحو كل الوقت
ربي يتمم لكم ولنا كلنا بخير يارب

هلا مس يويو واخيرا ظهرتي ,,نورتي التجمع قلقت عليكي
انا تحليلي الاسبوع الجاي بس ابغى اتصل عليهم اسأل عن الصيام لان موعدي الظهر وصعب مااكل لهالوقت
ونفس اعراضك , اتوقع لان حملنا نفس الفترة
النونو ماشاء الله مررررررررررررررررره مسوي قلق وازعاج خاصة وقت النوم وصرت احس حركته في جهتين ..الرجلين عند الضلوع واليدين تحت واحيانا يجي بزاوية . ولما امشي تشد علي مره كأنها بتطلع ههههههه
الحرقان ماصار ينفع معاه موكسال , مع اني اتعمد مااتعشى الا شوفان واخلطه بالحليب < مسوية صحية , لانه مره مريح وخفيف وفوائده كثيييير او اتعشى سيريال مع زبادي , عجبتني الحركة لما كنت في اوروبا وصرت اسويها هنا

اللي يفرق انه انا معدتي احسها خلاص مو متحملة شي وانها ضاقت , وصرت اكل اقل وقسمت الوجبات , ولو اكلت وجبتي كاملة اجلس اون من بطني وألمها ,

يلا هانت ربي ييسرهاا