دردشة بنات مصر , دردشة حوامل مصر , تجمع بنات مصر

[لارين يكن]

ربنا يخليكي يادودي والف سلامه عليه ياحبيبتي
اه صح احنا عاوزين نشوفه

[ام البنوتة]

صومي يا سمر ولو حسيتي انك تعبانة وبدوخي افطري وصومي ان شاء الله بعد الولادة

[دودى مجدى]

دة انتى حاسباها باليوم ما شاء الله
بصى يا سمر شوفى حسب ظروفك قدرتى تستحملى يبقى احسن مقدرتيش افطرى وامرك الى الله ولونى مبحبذش الاقتراح التانى لانك صعب تعوضيهم بعد كدة وهيبقى فى رضاعة وكدة فلو تقدرى احسن لك انا وانا حامل فى شيكو صمت رمضان كلو وكنت فى التانى

[لارين يكن]

صح يابت ياايناس مش حكيتلنا انت عملتي ايه فبور سعيد والجماعه عاملين ايه هناك وانت بتسافري ليهم كل قد ايه
وهتعملي ايه فعيد ميلاد منمن

[ام البنوتة]

انا برضه وانا حامل صمت رمضان كله وكنت في اواخر التاني واول التالت كده

[دودى مجدى]

انا يا ايناس بيتى عند مديرية الشباب والرياضة وبيت مامتى فى 23 يوليو
من عينيا يا سمورة ثوانى انزلك الصورة

[لارين يكن]

بجد والله صمتي وكان عادي يعني مش حصلك حاجه لاقدر الله
وكمان المغرب فمصر بياذن ع رمضان عالساعه 5 او 5 ونص ولا حاجه
المشكله انه نا بياذن الساعه 9ونص بالليل يعني بتكون الناس صلت العشا والتراويح ورجعت نامت
بصراحه رمضاااااااااااان حلووووووووو اوي فمصر ياعيال هنا الواحد مش هيحس بيه بس كفايه برد ان هبقي مع جوزي بلاش اطمع

[ام البنوتة]

المشاركة الأصلية كتبت بواسطة رودي3

صح يابت ياايناس مش حكيتلنا انت عملتي ايه فبور سعيد والجماعه عاملين ايه هناك وانت بتسافري ليهم كل قد ايه
وهتعملي ايه فعيد ميلاد منمن

كل دي اسئله ههههههه واحدة واحدة عليا
ماعملتش حاجة بنات اختي كانوا عاملين عملية اللوز وكنت بروح اشوفهم كل يوم
وبعدين منى لمت هدايا عيد ميلادها ورجعنا
وبسافر لما الظروف تسمح مش كل مدة معينة
ومش هنعمل لمنى عيد ميلاد هي لسه فاهمة حاجة العبوطة دي هههههههههه

[لارين يكن]

بنات صح بما ان سما مش موجوده اسالكو انتو ماانتو مجربين برده
انتو وانتو فالشهر التالت كنتو بتحسو بنبض البيبي ازاي

[ام البنوتة]

المشاركة الأصلية كتبت بواسطة دودى مجدى

انا يا ايناس بيتى عند مديرية الشباب والرياضة وبيت مامتى فى 23 يوليو
من عينيا يا سمورة ثوانى انزلك الصورة

مش انا من بورسعيد لكن معرفش فين مديرية الشباب دي هههههههه