تجمع الكروشات اللي ولادتهن في رمضان 1433ه

[مناير999]

مرحبا كروشات كيفكون كلياتكون
اليوم نشره الاخبار بتاعتي:::
رحت الدكتوره وطبعا ماسويت تحاليل رافضه انا اكره الحقن بس عملت تحليل للدم ولقوه ناقص 9 عندي رغم انه المفروض من 13الى 15 الطبيعي
بس تقول الدكتوره عوضيه بالاكل الصحي باللحوم الحمراء كالكبده والبيض والاهم الزبيب اليمني الاسود بس مابيه يزيد الوزن ..
وقالت اتركي النشويات<<<قلت في نفسي بالمشمش اتركها
ايه والحمدلله بدأت المشيمه ترتفع عن عنق الرحم طبعا مازالت نازله بس تحسنت شوي وان شاءالله الاشهر الاخيره ترتفع وعقبالكم جميعا
وشفت كتكوتتي شقيه الله يحفظها وتتحرك جنيت عليها بغيت اتهور وابوس الشاشه ...
عاد فرحت الدكتوره اني فرحانه فبنتي الله يجيبها بالسلامه
قالت لي اليوم الصباح جتني وحده معها ولد وبنت وحامل تراجع بحكومي وممنوع يعلمون جنس الجنين وجايه تاخذ سونار تعرف لما كشفت قالت لها بنت تقول نزل الخبر عليها مثل الصاعقه وسكتت
بعدين تقول انها عصبت قالت انا وزوجي نبي ولد حتى ولدنا وبنتنا وتكلم الدكتوره بعصبيه
عاد تقولي انصدمت من ردها وسكت كان الامر بكيفها ومعصبه على الدكتوره وتهاوش وش ذنبها ؟!
بعض الحريم يفشلن صراحه ...انا تفشلت واعتذرت للدكتوره قلت يمكن عندها ضغوطات بحياتها ولقت شي تعصب عليه وتخفف اللي فيها
لانها مستغربه ليش اغلب السعوديات تفكيرهن جاهلي الحين عندها بنت وولد متعادلين المفروض ماتفرق ....
يارب ارزقنا شكر نعمتك ...ولاتحرمنا وارزق كل محروم يااااارب

وانا بالاسبوع 24 على حساب السونار وموعد الولاده ان شاءالله 10_9
موعد اخر دوره كانت 25_11
بس بعد الطهر صار لقاء مره واحده يوم 13 _12 وهي اللي صار منها الحمل ...
فعلى اي اساس احسب ادق ؟!

ارجوان
حلو الاسم ...
بس كيف هالصدفه بيننا اخاف انك اختي التوأم ..........هههههههه
حتى انا طلبوا مني تحاليل وابسويها مثلك هالفتره بس انا كنسلت نصها بس عملت الدم لاني ما اكل حديد ...

بنااااااااااااات تكفون سكروا موضوع السمنه ترى بفجر هالتجمع باللي فيه ناقصين هم يكفي المرايه والميزان غاثتنا ...
ام يار اا
فعلا الطول يضيع الوزن
صديقتي وزنها تقريبا 48 او 49 وشكل البناطيل مو حلو عليها عندها زوائد وتعتبر مليانه رغم ان الرقم قليل والسبب انها قصيره مره بس مدري كم طولها استحي اسألها بس شكلها فعلا مايبين انها بهالوزن ابدااا

ام مهند
قبل لاتسمي هالاسم اسالي عن حكمه اللي سموه قبل معذورين ماكانوا عارفين لكن انتي الحين تدرين عن حكم التسمي باسماء معابد الكفار ..
ابحثي عن معناه لاتسمي بنتك اسم مشبوه حتى لو حلو من ترك شيئا لله عوضه الله خيرا منه ....
وبعدين وين صور تجهيزاتك ماشفنا شي ..ننتظر التحميل الصور

بنات بقولكم لى ارز جابه زوجي امس وجربته مره ممتاز حبته طويله اعشف الارز اللي حبته طويله اسمه بوندي وقديم من 2009 انتاجه
الرز كل ماكان اقدم افضل تطول حبته وتصير ادق ...
انا معتمده ابوكاس واذا غيرنا الوليمه بس هذا غير فعلا يواجه لو عندك ضيوف وريحته وطعمه جنان ...
فحبيت افيدكم فيه

[ام حماده1]

ام مهند الله اروع شي اسم عبدالله انا ما ذبحني الا هالاسم << اسم الحبيب
دفاتري وكتبي كلها عبودي عبودي وقلوب وخرابيط متى اعقل بس ههههههههه

اليوم الجو مطؤر وروعه ام يارا انا عمري عشرين بس شكل وجهي وكان عمري 14 انقهر لما اعصب واجلس اهاوش زوجي يقعد يضحك ما ياخذ كلامي على محمل الجد ماعندي الا اني ابكي خخخ كذا اخذ حقي

مناير تصدقين انا اعترف اني اعاني من العنصريه اموووت في البنوتات الصغار بس كل ما احمل اقعد اقول ياااارب ولد ولد

[ehsas]

االسلام عليكم ورحمة الله وبركاته

[ام حماده1]

ما تلاحظون الشهر السادس يمشي على هونه
والشهيه فيه مره زايده ...

[ehsas]

جيتكم مسرعه لما عرفت بتجمعكم
باذن الله راح تكون ولادتي برمضان معكم
اخر دورة كانت 4/12 لا هنتوا احسبولي ولادتي وكم من كل شهر ادخل شهر جديد

[مناير999]

حتى انتي يام حماده عندك عنصريه ...
زعلتي بنتي منك شوفيها ترفس من الزعل لما قلت لها خاله ام حماده ماتحب البنوتات ...

الله يعين دكتورتك اذا حملتي مستقبلا في بنوته بتعصبي عليها مثل هذي


والشهر السادس احسه اهون من الرابع كان طويل وممل



حياك الله بيننا ehsasان شاءالله تفيدي وتستفيدي
عرفينا على نفسك عندك اطفال ؟؟ وايش جنس جنينك ؟؟
ولاتكوني عنصريه مثل ام حماده ترا بقتلك

[الرشا]

مساكم عسل وقشطه

اهلا فيك بتجمعنا ارجوان .. كشفتي بنت ولا ولد ؟؟

حلو اسم جوري بس مشكلتنا الناس الكبار يتريقون عليه
وخاصة ان اهل زوجي من الباديه

ميدروي الله يرزق كل محروم

نسومه لا تقول لااحد .. شكلي بوصل الميه بالتاسع ماني بعيده عنك
بس يمكن انا من كسل الغدة ولله الحمد ...

ام حماده لسا بدري على الولادة
االله يهونها بس

حلو اسم ارجوان بس الشعب اللي عندنا معقدين وه يقولون الاسماء غلط
حتى يكرهونك بالاسم
وحتى شادن اتوقع يحرفون فيه ولله الحمد

[الرشا]

حلو اسم ارجوان بس الشعب اللي عندنا معقدين وه يقولون الاسماء غلط
حتى يكرهونك بالاسم
وحتى شادن اتوقع يحرفون فيه ولله الحمد

ام يارا فيه مثل يقول كل قصير يااما حكمة او نقمه
واتقوا شر اقربكم الى الارض

[ehsas]

الله يحييك انا ابغى استفيد منكم لاني ماعندي خبرة ابد
والله ياحبيبتي ماعندي اطفال هذا اول حمل لي الله يتممه على خير
اما جنسة الى الان ماعرفته وماني متحمسه اعرفه لان هذا شيء بامر الله وفيه ايه بالقران في معناها ان افيه اشياء مايعلمها الا الله ومنها ويعلم مافي الارحام ابجيب الاية وارجعلكم باذن الله بس ابغى اتاكد منها قبل اكتبها
وانا بصراحة ماهمني بنت او لد اهم شيء الخلقه التامه وحسن التربيه اصلا الايام هذي البنت مثل الولد ويمكن بعد تكون احسن انا انقهر جدا من اللي يميز الولد على البنت نفسي انتف شعره

[الرشا]

احساس اهلا بالمشوته اسحبي فرامل
ان شالله 18-9 تاريخ ولادتك
يعني كل 18 تدخلين شهر جديد