دردشة بنات العراق, دردشة حوامل العراق , تجمع بنات العراق

[فوفو العراقية]

شكرا حبي ام ايهومي طمنتيني والله
جنت قلقانة وهم اخاف من الطبيب وخصوصا هنا ماعدهم اهتمام للبنت ومو مثلنة
وممكن حتى يسوولها فحص بهيج عمر عدهم عااادي
وهم العلاجات تخووف
الله يريح بالج يارب.

[فوفو العراقية]

صار يومين اشكي من الم جهت اليمين اسفل البطن
وخايفه كلش تكون الزايده
منو منكم مجربتها او سامعه عنهة ؟
الالم يجيني لما اوكف ويروح ويجي وكأنو انتفاخ
وخصوصا لما احس الطفل يتحرك قريب من المكان
لان صاير بالعرض والراس جهة اليمين
عفية كولولي شسوي؟
يحتاج اراجع من هسة لو انتظر لو زاد الالم وصار قوي كلش ومستمر؟

[مجنونة بحبها]

هلا نجوله شلونج وشلون ايهومي


فوفو عن بنتج عاد تتخربط بالبدايه

وعن الالم ماتج اسفه مامريت بهيج حاله ان شاء الله البنات يفيدوج

[فوفو العراقية]

شكرا حبي أمونة
الله يجزيج الخير ويطمن بالج
الله يبعد عن الجميع اي الم وأي مرض
ولا يراويكم اي سوء بجاه الحبيب محمد (ص)

[مي &]

هلو بنات شلونكم شخباركم مشتاااااااااااااااااااااااااقتلكم
ام بنونه مشتاقين والف مبروك لبنونه ويارب فرحتج تكمل يوم الي تخاووها

ام ايهومي شلونج حبي وشلونه حبيب خالته ايهم والله ايعينج على الدوام وانشالله اتكملين بخير وصحه وسلامه

فوفو حياتي كلش عااااااادي اني جنت هيج اول ما اجتني الدوره اجتي مره وبعدين راحة 7اشهر يله اجت مره ثانيه امهاتنه ايكولون عليهه اتحج لتوديهه دكتور خطيه بعدهه صغير تره والله تخترع وبلنسبه للالم اني جانت الصفحه اليسره توجعني كلش هوايه بس مااعتقد اكو اشكال معين يمكن هذا بسب الحمل ومابيج غير العافيه حياتي

هباااااااااااااااااااااااااااااوي شلونج حياتي مشتاااقين تعاي كولليلنا شلونه الحمل وياج

اممممممممممممممممممممممممم اروح اقره بااااقي الصفحات واجي
باي مؤقتا

[مي &]

رحوبه حيات شلونج وشخبارج واني همين والله مشتاقه اسولف وياج بس للاسف اوقاتنه مختلفه واني صاير تواجدي قليل بسبب
ابرار مشغوله وياهه
وبلنسبه لسؤالج عن ام الق فهي مسافره لبغداد وديالى حتى اتشوف اهلها يارب اتكون اتونست ويارب ترجعنه بسلامه

[زينب السعدي]

يمة صدقة لعينها لبرورة تجنن حياتي عين الحارة باردة عليها بوسيلياها مي فدوة لو يمي جان عظيتها خخخ
لج فوفو انشالله بشارة خير ماطول الم وخدر باليمنى انشالله ولد بحيل الله هسه شوفي مي لان كامت بنيه كانت باليسرى
واني اسم الله عليج من كنم حامل كان بي ولد وكان كله الالم والخدر باليمين انشالله خير لتخافين
بقية الحيايب شلونكم لكم مااكدر احك راسي من الشغل مشتاقتلكم مممممووووووووت

[توتايه]

فوفو اني اجتني اقل من هالعمر و6 اشهر يلا رجعتلي يسموها اهل قبل غيبوبه وهيه تنتظم من وحدها هنا بالعراق اذا تعدت ال15 سنه ومنتظمت او ما اجتي عدل يجيكوها تحاليل ويشوفون ليش تتخربط خليها على راحتها


هلو مياوي فديت القمر اني


قموره منوره حياتي وين هالغيبه

انشاء الله يوم الفرحه الجبيره امونه

زنيبه شلونج عيوني اني هم جانت رجلي اليمنى حتى من جنت اروح للدكتوره جنت ما اكدر افتحها حتى تفحصني

[نورس دجلة]

مساء الخير بنات كيفكم
ام نورهانه كل الاشياء الي كلتيهه هم مرت عليه بالضبط وبالنسبة للتلقيح في اول الخامس واول السادس

[حبيبي]

المشاركة الأصلية كتبت بواسطة مي &

رحوبه حيات شلونج وشخبارج واني همين والله مشتاقه اسولف وياج بس للاسف اوقاتنه مختلفه واني صاير تواجدي قليل بسبب
ابرار مشغوله وياهه
وبلنسبه لسؤالج عن ام الق فهي مسافره لبغداد وديالى حتى اتشوف اهلها يارب اتكون اتونست ويارب ترجعنه بسلامه

الحمد الله اني بخيررر والله يساعدج على ابرار صايره عروسه مشاء الله بوسيهاااا
زين طمنتيني على رويده الله يرجعها بسلالامه ويااارب تنبسط وتنفتح شهيتهااا صايره كلش اضعيفه ما امبين عليهاا حامل هههههههههه بطني اكبر من بطنهااا