تجمع امهات التوام حياكم

maha8181 · 04-01-2012, 01:33 AM

شكله كل الاطفال مرضى اليوم كنت باخذ موعد لعيالي وكل الاطباء مشغولينن
وياحياتي صارلهم ثلاث ايام حرارتهم 38 ولا راضيه تنزل واخذهم للطوارئ يقولي الدكتور هذا فيروس ولايحتاجون علاج وبلاعيهم محتقنه ومايقدرون ياكلون ولايشربون
الله يعينا احنا الكبار مانستحمل شلون الصغار

الأميرة جوري · 04-01-2012, 07:04 PM

السسسسلام علييييييييكم
حورالعين
الحمدلله ع سلامه بناتج وانتبهي لهم عن الحوادث الله يحفظهم
احسسساس روعه
اذا امورك تمام انتظري اسبوع ع الاقل والاسبوع 35 أوكي بسسس أهم شي الاوزان تكون أوكي
مها
هلا الغاليه سلامة عيالج مايشفون شر الله يشفيهم تغيرات الطقس تلعوز الأطفال الله يعينهم
انا الحمدلله بخير والعيال بخير بسسس التسنين تاعبهم وبنتي عندها التهاب المنطقه بسس الحين الحمدلله بخيييييييييييير

رضاك ربي · 04-02-2012, 09:50 PM

هلا وغلا مها حبيبتي حمدلله البنات تمام تسلمي على المعلومة واللي بالصورة جنى سبحان الله كانت ندوش احلى منها الحين الكل يعشقون جوجو بس ترى الصورة قبل ماتمرض حمدلله رب العالمين

حور العين تسلمي حبيبتي وسلامتهم الحلوين انا اول اكسندنت يصير كان يوم الجمعة ندوش وقعت من الكنبة للارض وخافت وصارت تبكي بس المسافة بسيطة حمد لله الله يسترنا من اللي جاي

عطر فواح · 04-03-2012, 04:21 AM

صباح الخير يا غاليات.
وربي بديت اقلق عيالي باقي لهم كم يوم ويكملو سبع شهور وباقي ماانقلبو ولا سننو ولا يجلسو هل هوو طبيعي للتوام احس عظامهم رخوه. بعرضهم ع الطبيب احس يحتاجو فيتامينات

رضاك ياعسل بديتي تحطي بناتك بالمشايه العربيه لاني بجيب لهم احسها تساعدهم في شد عظامهم وش رايك
افيدوني ياامهات بخبراتكم

نونة العسولة · 04-07-2012, 09:42 PM

مساء الخير شلونكم ماميز وشلون التوائم الحلوين؟؟

ا

نونة العسولة · 04-07-2012, 09:48 PM

مها سلامتهم عيالج مايشوفون شر

عطر فواح احسن عرضيهم للطبيب ان شاء الله مافيهم الا العافيه

انتي ولدتيهم مبكر ؟

احلى توينز وباقي الماميز ان شاء الله تكونون بخير

انا عني اليوم دخلت السابع وحييييل احس روحي ثقيله وتعبانة مافيني شدة اسوي شيي

الله يسهلي الباقي من الحمل على خير

رضاك ربي · 04-08-2012, 11:26 AM

اقتباس:

المشاركة الأصلية كتبت بواسطة عطر فواح

صباح الخير يا غاليات.
وربي بديت اقلق عيالي باقي لهم كم يوم ويكملو سبع شهور وباقي ماانقلبو ولا سننو ولا يجلسو هل هوو طبيعي للتوام احس عظامهم رخوه. بعرضهم ع الطبيب احس يحتاجو فيتامينات

رضاك ياعسل بديتي تحطي بناتك بالمشايه العربيه لاني بجيب لهم احسها تساعدهم في شد عظامهم وش رايك
افيدوني ياامهات بخبراتكم

حبيبتي والله للحين ماتجرأت احطهم فيها الا دقايق لان اذكر ابن عمي تقوست رجوله من المشاية

نـــــــارا · 04-09-2012, 11:32 AM

شلونكم مامات
انا دايخة هذي الخدامة الثالثة تجيني خلال اقل من سنة ادعولي تثبت عندي تعبت من زود ما ادرب ويطلعون مو زينين
بناتي يحاولون يتكلمون الحين وكله لغوة مومفهومة

رضاك ربي · 04-09-2012, 04:39 PM

نارا لاتشكيلي ببكيلك هههههههههه

انا صرلي بس 5 ايام بالبيت الجديد ومن ثاني يوم الشغالة قررت ترجع بلدها وتخيلي اللي صاير بحالتي كانت معنا مثل العسل وعالبيت الجديد انهبلت يارب تساعدني وتقدرني على اداء واجباتي من الصبح وانا ادور جلاية صحون وخايفة ماتوفق فيها حل مؤقت حتى تشرف البديلة عنها

maha8181 · 04-10-2012, 05:50 AM

رحت ورجعت ولسه بنفس الصفحه ياحياتي امهات التوام من جد مجاهدات
احلى تونز ورضاك ونونه وعطر فواح ونارا وباقي الامهات شلونكم
عطر فواح لاتخافين طبيعي مع التوام يتاخرون ويمكن انتي والده مبكر بعد بس احرصي على قطرات فيتامين د

نونه هانت الله يهون عليك ويتمم لك على خير

نارا الله يعينا مع هالشغالات احسهم يشوفون توام ينحاشون انا اهلي يقولولي جيبي ثانيه لاني موظفه بس صراحهاحس تكاليف واجد

اخر اخباري اني نقلت سراير الاطفال لغرفتهم تمهيدا انهم ينامون لحالهم وماعطاني قلبي اخليهم فصرت انام معاهم ابي اعودهم ينامون متواصل والله يعيني على الصراخ والبكا
وابي اقطع عنهم الرضعات المتواصله باليل
ادعولي الله يقويني والله احس التربيه صعبه هذا وهم لسه ماكبروا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل الكويت - دردشة بنات الكويت - تجمع حوامل الكويت	سمو الغيم	إستفسارات حوامل من الشهر السابع إلى الشهر التاسع	968	12-27-2011 07:13 PM
صور بناتي التوام	كاتمة الاحزان	منتدى حوامل الطبي	294	06-05-2011 10:45 AM
تجمع الحساويات .... حياكم الله ..... يالله ندردش ..(((2)))و((3)).	احبك ماما	إستفسارات حوامل من الشهر السابع إلى الشهر التاسع	12133	09-19-2010 11:22 PM
تجمع امهات المستقبل بأذن الله	om Roha	منتدى علاج العقم و تأخر الحمل	24	06-20-2010 09:06 PM