طبيخ المليحي أشهر المأكولات الحورانية

[وردة سورية]

يعتبر طبيخ المليحي من أشهر المأكولات الشعبية في محافظة درعا السورية

وهو من المأكولات التي أعشقها شخصياً

وأحببت أن تشاركوني

(عليكم العزيمة )

المكونات :
برغل + كثي (جميد)+ سمن عربي + لحم الظأن أو الدجاج

يوضع البرغل المستوي بمنسف ويوضع فوقه الكثي مع السمن العربي (وهو عبارة عن مرقة تشبه اللبن) ونمرسه إلى أن يصبح طرياً ثم نضع اللحم فوقه ونصب الكثي وصحة وعافية

للتزيين :
كبة مقلية



المنسف الأول منسف أوزي

والمنسف يللي بالخلف هو منسف المليحي

يعني هاد



الشغلة مابدها خجل تفضلو وصحتين وعافية
وراح اشرحلكن عن مكوناتها وطبخها اكتر1- برغل

2- لبن مغلي ( كثي ) مع لبن جميد

3- ولحم خاروف او دجاج حسب الطلب

4- ملح

5- فلفل

طريقة التحضير:

نضع البرغل على نار هادئة وننتظر حتى يستوي

وبعد ان يستوي نقوم بدعك البرغل حتى مرحلة الهرس

ونقوم بطبخ الحم على نار قوية حتى يستوي

ونغلي البن

ثم نضع البرغل في المنسف ونضيف عليه قطع الحم

وبعد ذالك نقوم بسكب البن فوق البرغل
وعند تقديم المنسف نضيف السمن العربي فوق البرغل والحم

وفي صلصله اسمها مقطوطه اي بصل وطماطم
وصحتييييين وعوافيمن

ومن حوران هلت البشاير
.....
و المناسف ...

[نسمة دفا]

[وردة سورية]

[QUOTE=نسمة دفا;2073861]

[ام اسكندر]

شغل ايدك ماشاءالله؟؟؟

لزيييييييييييييييز من شكله مبين

[صدق الكلمات]

الله محيي كل الحوارنة و أكلاتهن و قعداتهن يا أيتها الوردة السورية
والله شهيتنينا يا أختي مبينة طيبة ومبين إنك طباخة محترفة
الله يعطيكي العافية

[وردة سورية]

حبيباتي انتو الطيبين هاد شغل الماما واختي الكبيرة
بس انا فنانة متليهم كمان

[وردة سورية]

المشاركة الأصلية كتبت بواسطة صدق الكلمات

الله محيي كل الحوارنة و أكلاتهن و قعداتهن يا أيتها الوردة السورية
والله شهيتنينا يا أختي مبينة طيبة ومبين إنك طباخة محترفة
الله يعطيكي العافية

تسلميلي يا حبيبتي الله محييكي
الحوارنة كلهم محترفين يا اختي

[وردة سورية]

المشاركة الأصلية كتبت بواسطة ام اسكندر

شغل ايدك ماشاءالله؟؟؟

لزيييييييييييييييز من شكله مبين

انتي اللزيزة يا روحي

[ام عبودي وسيفو]

ما شاء الله على هالطبخة , ان شاء الله راح اجربها بالبرغل لاني ما بعمل منسف غير بالرز ,بس بدك تقولي نوع البرغل خشن و لا ناعم
شو شهيتيني بالكبة على المنسف و يا ريت تتكرمي و تعطيني طريقتك في الكبة وطبعا طريقة الكبة المقلية والكبة المهبلة اللي على البخار

[وردة سورية]

المشاركة الأصلية كتبت بواسطة ام عبودي وسيفو

ما شاء الله على هالطبخة , ان شاء الله راح اجربها بالبرغل لاني ما بعمل منسف غير بالرز ,بس بدك تقولي نوع البرغل خشن و لا ناعم
شو شهيتيني بالكبة على المنسف و يا ريت تتكرمي و تعطيني طريقتك في الكبة وطبعا طريقة الكبة المقلية والكبة المهبلة اللي على البخار

حبيبتي البرغل الخشن للطبيخ
والبرغل الناعم للكبة نحنا بحوران منقول عن البرغل الناعم (رفيعة )واللي هي كمان بتستخدم للتبولةهلاء بعطيكي طريقة الكبة المقلية بس بدي طول عليكي شوي لانو الكبة بدها شغل


بس بدك تركزي منيح معي وتكون عيونك مفتحة وذهنك تمام اوكي
so
نبدأ بالمقادير
مقادير عجينة الكبة
- كيلو برغل ناعم
- نصف كيلو لحمة مفرومة ناعمة
- بصلة صغيرة
- ( بهارات + كمون + ملح خفيف )
والملح الخفيف لانو احيانا بيبقى البرغل اصلو مملح

الآن مقادير الحشوة
- كيلو لحمة ( إما ناعمة مفرومة أو ناعمة فقط على السيخ )
- صنوبر
- لوز
- جوز
- سمنة
- بصلة


نبدأ الآن بتحضير العجينة تبع الكبة
شوفوا
كل كيلو برغل ناعم بدو نصف كيلو لحمة ناعمة مفرومة على الماكينة
اوكي
هلأ بتجيبي البرغل فقط
وبتنقعيه بماء بحدود الثلاث ساعات ((( والزمن بيرجع لنوعية البرغل )))
يعني مو تكتريلو مي
انتبهي يعني تتبيل
حتى فقط البرغلة تصير طرية ومو تبقى خشنة وصلبة

هلأ بعد ما مضو الثلاث ساعات تبع البرغل
انتي رح بتلاقي انو البرغل صار طري
بتجيبي البصلة وبتفرميها ناعم جدا ( أو بتبرشيها )
وبعدين بتجيبي البرغل وبتخلطي البصلة معاه
وبتحطيه بالماكينة الخاصة للكبة

وبتفرميه
بيطلع عندك متل العجينة طرية
هلأ
بتاخدي العجينة وبتضيفي عليهم التوابل المذكورة بالمقادير
وبتظبطي ملحهم كويس
لانو سبق وقلت لك انو احيانا بيجي البرغل من اصلو مملح
وبتعجني كويس بايدك
بتعجني بتعجني بتعجني
حتى لو تعبتي اتحملي
وبعدين غطي العجينة حتى مو تنشف
هيك خلصنا من العجينة وارتحنا

هلأ بنعمل الحشوة
واكيد الحشوة لازم تكوني عاملتيها بالوقت يلي بيكون البرغل فيه منقوع
الحشوة
بتفرمي البصلة ناعم كتير
وبتهوسيها على الغاز حتى تحمر بسمنة
وبتضيفي عليها اللحمة وبتبقي عم تهوسي حتى تستوي اللحمة
هلأ صارت اللحمة جاهزة اوكي
بتجيبي الصنوبر وبتقليه وبتهوسيه حتى يشقر
واللوز نفس الشئ
اما الجوز بتخليه ناشف بدون تهويس
أو اذا بتحبي هوسيه
بس نحنا بنخليه ناشف
هلأ ضيفي كل اللحمة فقط فقط فقط
وبتحطيها بداخل مصفاة
حتى فقط تصفي كل السمنة يلي فيها
لسبب ؟؟
واللي هو ( انو اذا بقت السمنة بقلب اللحمة لح تخلي الكبة تفلش وتخرب
)
هلأ بعد مو صفت اللحمة كل سمنتها
واكيد اكيد بتكون اللحمة سخنة مو باردة لما صفيتيها
صارت اللحمة جاهزة بدون سمنة بتضيفي عليها اللوز والصنوبر والجوز
وبتحطي البهارات يلي بدك ياها وبتظبطي ملحها كويس
وبتحطي الها ملعقتان كبيرتان دبس رمان
((( هذا بيعطيها طعمة حامضة )))
وعلى حسب مو بتحبي الحمض حطي
يعني 2 ملعقة او اكتر حسب االي بتحبيه
هلأ صارت الحشوة ولله الحمد جاهزة وتمام التمام




صار وقت الكبكبة
بتكوري القرص وبتحشه بالحشوة
ولازم كل فترة وفترة تغسلي ايديكي
وادهني باطن كفك بماء مضاف اليه نشاء
حتى يتماسك قرص الكبة
ومن بعدها اقلي الكبات
بزيت يكون حار جدا جدافي البداية
بعد مو تحطي القرص بالزيت بعد بشوية نوصي الغاز
حتى مو تستوي الكبة من برا وتبقى من جوه نية
ولا تكتري بالمقلاة عدد كبير
يعني خليهم من اثنين الى ثلاث كبات
=
ملاحظة
1- لازم العجينة تكون كل فترة عمل الكبة مغطاية حتى مو تنشف
2- والكبات يلي كورتيهم حطيهم بصينية وغطيها بكيس نايلون من بداية الصينية
يعني مو تعرضيهم للهواء ابدا
حتى مو ينشف القرص ويفلش بالقلي لاسمح الله
3-اذا حسيتي انو القرص قبل مو تحطيه بالزيت مفلش شوي
ظبطيه بايدك وتكون مبلولة بماء نشاء عادي
وبيركز وحطيه بالزيت
وبتطلع معك احلى كبة

وهي الكبة المهبلة اللي هية الكبة اللبنية, لذيذة جدا جدا



المواد اللازمة :

2 كيلوا لبن زبادي

ملعقتان نشاء كبار مذوبتان في كوب ماء أو مرق اللحم
ملح
رشة بهار
رشة نعناع يابس
ثوم مدقوق
فنجان قهوة من الرز المصري
أقراص كبة محشية

طريقة التحضير :


نحضر أقراص الكبة و نسلقها ثم ندعها جانباً .

نضرب اللبن مع باقي المواد ( ما عدا الرز و أقراص الكبة طبعاً ) بمضرب يدوي حتى تتجانس كل المواد ثم نضعهم على نار متوسطة مع التحريك المستمر حتى يغلي المزيج .

نسلق الرز( من دون نقع ) بكوب من الماء مدة 20 دقيقة تقريباً أو حتى تنضج حبات الرز ثم نضيفه للبن .

عندنا طريقتين لإضافة الرزللبن , فإما أن نضيف الرز ( مع ماء سلقه ) للبن , أو نطحن الرز مع ماء سلقه في الخلاط ثم نضيفهم للبن , و الطريقة الأولى هي الطريقة التقليدية أما الثانية فهي حديثة و لكنها لذيذة أيضاً .

نضيف قطع الكبة للبن و ندعهم على نار متوسطة 10 دقائق تقريباً ثم تقدم مع النعناع الطازج
و بالصحة و العافية .

ملاحظات :
يمكن أن نقلي كزبرة خضراء مع كمحبه من الثوم بملعقةزيت ونضعهم فوق اللبن و يقدم
يمكن أن نسلق قطع لحمة متوسطة و بعد أن تستوي تمام الإستواء تضاف للبن و ذلك لزيادة غنى الوصفة باللحمة .
بعض الناس لا يسلقوا أقراص الكبة بالماء و إنما يضعوها و هي لا تزال نية مع اللبن حتى تسلق به , و لكن أنا أفضل الطريقة الأولى لأنني أشعر أن طعم اللبن قد يتغبير في بعض الأحيان .