دردشة حوامل مملكة المغرب - تجمع بنات المغرب

[aymae]

المشاركة الأصلية كتبت بواسطة نفسي أكون أم

السلام عليك كيدايرين لباس إن شاء الله كلكم بخير يآآ رب .انا ا حبيبة كنت مشييت عند الطبيبة و طلبت منها ندير تحاليل و مكانتش باغية قالتلتي انتي مازال صغيرة و 100% مغيكون عندك لكن مع اصراري درتهم و المفاجئة لقيت الپرولاكتين طالع ل 52 و انا ما عمري سمعت على هاد الهرمون المهم قالتلي ما شي مشكل غي تاخدي الدواء ينزل انا خديت الدواء لمدة شهرين و باقي ما حملت و باقي ما مشيتش عندها و الله عييت منها .انا دابة كناخد السالمية و مرددوش قريت عليهم قالك ا لالة مزيانين على مولانا يجيبو نتيجة.و سمحيلي طولت عليك .تهلاو

سلام احبيبة نفسي اكون ام
فعلاالسالمية والمرددوش مزيانين حتى انا كنديرهم نصيحة اختي مني ليك خصك تبعدي على القلاق وتوتر النفسي النرفزة اوياك منها هي الي كطلع لبرولاكتين فالجماع خصك تنساي الحمل مدريهش فبالك الى درتيه فبالك ماشي مزيان نفسنيا كياثر نتمنى رابي يفرح قلبك احبيبة

[الحالمة بطفلها]

المشاركة الأصلية كتبت بواسطة aymae

سلام اختي انا عندي مخلبطة ولاكن عندي برولاكتين حتى انا شربت هذا الدواء مزال مجابش الله نت اختي معندكش لبرولاكتين انشاء الله يكون الخير رابي هو الي كيرزك عبادو رابي يفرحك بالذرية الصالحة انشاء الله سلامي

أختي مانعرف ولكن شنو هو البرولاكتين وكيفاش كيكشفو عليه وشنو هو الدور ديالو وسمحلي لا طولت ببغيت نقولك شربي السالمية كيقولو مزيانة أنا ديت نشربا

[aymae]

المشاركة الأصلية كتبت بواسطة الحالمة بطفلها

أختي مانعرف ولكن شنو هو البرولاكتين وكيفاش كيكشفو عليه وشنو هو الدور ديالو وسمحلي لا طولت ببغيت نقولك شربي السالمية كيقولو مزيانة أنا ديت نشربا

سلام احبيبة
هو هرمون الحليب الكشف ديالو تحليل دم الى كان طلع بحال المراة الي كتردع متقدرش تحمل
الي يكون عندها طلع بزاف كيكون عندها لحليب في الثدين الى بغيتي تعرفي معلومات كثر ديري هرمون الحليب فقوقل
شكرا بزاف السالمية كنشربها احبيبة رابي يفرحك ؤيفرح جميع المحرومات امين

[نفسي أكون أم]

مشكورة حبيبتي على هالدعوة بارك الله فيك و يارب يرزقني و كل محرومة يا رب و شكرا على النصائح و لهلا يحرم شي مسلمة يا رب

[مدام نسنس]

السلام علييكم مرحبا بالاخوااااات الجدد منورات التجمع و لي حاملة الله يسهل عليها يارب ولي باقة كتستنى الله يفرحها عن قريب...اختي عاشقة متعملشي فبالك ربي كبير غير ماتنساشي الدعاء دائما..وانشاءالله ربي يرزقك بذرية صالحة يارب..ايمااء نتينا لي منورانا بوجودك الله يحفظك..فاطمة الزهراء اشخبارك كنتمنى تكون لاباس عليك..ام مرام سمراء ام عبودي وام عبد الرحمان. ام هبة..فاين مشيتو غبرتوا فدقة وحدة كنتمنى تكونو لاباس عليكم...

[أم هبة]

المشاركة الأصلية كتبت بواسطة fatizora

نورتينا ام هبة كبرات الكتكوتة شوية ؟؟؟ كيف بقيتي ؟؟؟
اختي بغيت نعرف واش كاين شي فوط صحية خاصة بالنفاس اعزك الله
والا عرفتيهم. فين كيتباعو ؟؟ واشنو سميتهم؟؟

أهلا أحبيبة

منورين بوجودك

أنا بخير الحمدلله غير شوية التعب و قلة النعاس

أنا كنستخدم غير أولويز الماسية الجديدة و عجباتني و لكن أنا ولدت قيصرية متيكونش الدم كمية كبيرة

[أم هبة]

المشاركة الأصلية كتبت بواسطة lallasalma

السلام عليكم بنات بلادي ،كاين شي زحام ولا نديرووووووه ههههه، هادي اول مرة نشارك فهاد المنتدى نتمنى نلقى صحابات ،انا حاملة فالشهر الثاني الله يرزق كل وحدة الذرية الصالحة يا رب.

عليكي السلام

مرحباااااا بيك معانا

الله يثبت حملك و تولدي على خير

[أم هبة]

المشاركة الأصلية كتبت بواسطة aymae

سلام حبيبة ام هبة وجنة الحمد الله لراك لباس اشخبار لبنيات واش كيان شي غيرة بنتهم

الله يحفظلك حتى نت بنياتك يرابي ويكونو ذرية صالحة ويكون عندهم مستقبل زاهر انشاء الله


اما بناتي لمياء 16 سنة
ايماء 15 سنة
الله يبارك فيهوم وينجحو في دراستهم انشاء الله هذه هي الامنية الي كنتمناها نتمنى رابي يحققهالي دعيو معاي احبيبة ,
محيت بغيت نزيد نولد رابي معطنيش هو قادير على كلاشي الحمد الله على كل حال

السلام أحبيبة

الحمدلله احنا بخير

ما شاء الله , الله يحفظهم و ينجحهم و تشوفيهم كيف تتمناي

الله يفرحك و تحملي مرة أخرى

[عاشقة الأمل]

السلام عليكم ورحمة الله تعالى وبركاته
الله يفرح الجميع ويحفظك يا أم هبة وخ عاد نفستي تبارك الله عليك مكتنسايش حد ربي يحفظك ويخيلك بناتك
الله يتبت حمل لي حاملة ويسهل ولادة يلي غدي تولد ويرزق لي مزال محملش في هاد اليوم المبارك
مساكم طيب وربي يحفظكم لي

[نفسي أكون أم]

السلام عليكم بنات بلادي المنورات جمعة مباركة و ما تنساونيش في الدعاء و لكن بالمثل نهاركم مبارك