تجمع الكروشات اللي ولادتهن في رمضان 1433ه

اميره باوصافها · 03-25-2012, 08:03 PM

مرحبا بنات
جتنا امطااااار بالاحساء والجو يهبل غسل عنا الغبره
ام حماده ...كم صايرلك غايبه عن المدرسه هااااا يلا ترجعي بالسلامه

اميره باوصافها · 03-25-2012, 08:22 PM

ترقبو قريبا تجهيزاتي للنونو

مناير999 · 03-25-2012, 09:16 PM

اميره باوصافها
حتى احنا عندنا امطار بالرياض بس خفيفه لكن فرحنا فيه الحمدلله ملينا من الغبار والحر...

وبانتظار مشترواتك واكيد ذووووووووق مثلك

كروشات شوفوا هالاغراض عند تويز ار اص اعجبتني تفرجوا عليها

هذا يقولون نظام متطور للتخلص من الحفاضات اعزكم الله بس مافهمته شرحوا لي كيف هههههههه
لكن سعره حلو 35

Toys"R"Us

وهذا المحبس مع طاوله تغيير 209 ريال
استغربت سعره لانهم غالين هالمحل ويكفي البيبي الى سنتين ...

Toys"R"Us

,كيس حامل للطفل 119
سهل تشيلي البيبي فيه

Toys"R"Us

,هذا احست شي
بانيو بلاستيكي بطبقة من الفلين قابل للتعديل من جهة الرأس و القدمين ، قابل للطوي و سهل التخزين و مناسب لحديثي الولادة
79 ريال يتعدل زي ماتحبين ترفعي الراس او الارجل بدل ماتمسكي البيبي

Toys"R"Us

ام سينا · 03-25-2012, 09:37 PM

اخوي عنده شغل أسبوعين بجيزان الله يعينه

مناير حلوة الصور الجهاز مره شفت شرح له بس نسيت المهم هو انك تدخلي الحفاظ ويصير لونه فضي كانه يلتبس خخخخخخ

يعني شرحتاك هههههه

زوجي عنده صاحبه عالمباراه ومحتارة شو يبي عشا بس اتوقع بسوي كبسه بلحم

من حملي وانا صرت متوحشششششه كنت ماهتم باللحم بس الحين يمييييييي

ام حماده1 · 03-25-2012, 10:12 PM

رجعت ماتهنيت بصراحه احس نوني يرفس تحت مره اخذت تكسي ورجعت
ورغم ان تسوقي كان سريع لاكن راحت علي 450 ريال وين مادري

مناير مين قالك حياتهم بدائيه لو تشوفي جازان المدينه فنادق ومولات واسواق ومطاعم
ولا بيوتهم فلل وعمارات وبصراحه شوارعهم انظف واوسع من جده والبحر انظف يمكن قصدك القرا الي فيها مادري
انا ساكنه بالمدينه حتى الحين جالسين يشطبو مستشفى خاص مره كبيره يارب يخلص على ولادتي

بس المشكله ماعرف احد فيها عرفت كم جاره بس احسهم اكبر مني مالقيت وحده من سني متزوجه وزوجي مايخليني اطلع بجده عادي اروح اجي مشي بتكسي هناك محبوسه

اميره الدنيا اجازه ياحلوه اي غياب ....

الحمدلله اخيرا جبنا كرسي الترويش

ام حماده1 · 03-25-2012, 10:17 PM

ام سينا الحال من بعضو انا بس لحم لحم الحين جالسه اكل سنبوسك لحم مع شاي حبق << محششه
وتخيلو بس وش جايه نفسي فيه عصير شعير مادري فيه بالحاره عندنا وووه ماقدرت انزل

مناير برسلك الذره ارسلها بالبريد ولا فيدكس ههههههههه

الرشا · 03-25-2012, 10:54 PM

مساء الخير كروشات
شخباركم ..

ام عبدالرحمن969 · 03-25-2012, 11:38 PM

اهلين بنات تو رجعت من سوق غرناطه رحت لان زوجي يبي اغراض له ملابس وكذا
وتخيلوا زوجي يسرررع في السووق وهو يمشي وانا منفكه رجلي لان امس عندي عزيمه في بيتي هو عازم اخوه واهله ولاعندي خدامه
المهم منفكه رجلي من الكرف وظهري يعورني وجلس يهاوشني يقول ليه تمشين شوي شوي اسرعي مارحمني قال حامل وتعبانه من العزيمه ويوم ركبنا السياره جلس يهاوشني كسر بخاطري ونزلني في البيت يقول سويلي عشا
مادري ليه يعاملني كذا عمره مارحمني دايما يقسى علي الله يسامحه
خساره بس ذا الاجازه ماتهنيت فيه منطقه في البيت اهلي مسافرين ولا اطلع من البيت
واليوم مطر يجنن وانا جالسه في ذا البيت اطبخ وانظف واصيح

ام حماده1 · 03-26-2012, 12:12 AM

ام عبدالرحمن والله انقهرت ليش زوجك قاسي كذا عاتبيه بدون تكشير
عندي حل قولي له انت حبيبي المفروض اكثر واحد يحن علي ليش تكسر بخاطري
وتحسسني اني مضايقتك انت لو انك تعبان بحطك بعيوني وكم دمعه وسكتي
وبعدها قولي الله يسامحك بس

وقومي من عنده بس وانتي تكلميه وطي صوتك بلا عصبيه يعني انتبهي تحطيه بموقف دفاعي
واذا حاول يراضيك لاتتغلي ارضي بسرعه

ميدوري · 03-26-2012, 12:40 AM

كيفكم كروشااات ؟

ام عبد الرحمن

جد يقهر زوجك

لكن في رجال جد ما يفهموا و ما يعرفوا شي عنا
بحكم التربية و هيك

انتي لازم تتكلمي معه و تفهميه باسلووب حلووو
علشان يحس و يقدر

مثلاً تحكي له قصص عن حامل سقط جنينها لانها تعبت نفسها بشغل البيت
او اجهدت نفسها و هيك

احكي له ان الحامل لازم ترتاح
و تتعب كثييير

و ان نفسية الحامل بتاثر على الجنين
فلازم تكون مروقه و مرتاحه

احكي له كيف ان الحمل وهن
كيف نبضات القلب بتتسارع و قت الحمل و بتصير بضعف سرعتها
و كيف الحامل بيضيق تنفسها بسرعه و تحس بكتمه من اقل مجهود
و كيف الرحم يضغط على اعضاء الجسم من معدة و امعاء و غيره
و هيك اشياء

مثلاً لو تعرفي معلومه احكي له قرات كذا او ماما قالت كذا
او حتي افتحي اشياء كذا بالنت و اقريها و هوا معك و احكي له عنها

يعني خليها سوالف في اوقات متفرقة

انا احاول اسوي كذا مو بس بالحمل
في كل شي بحياتي معه

لو شي ضايقني احاول اصارحه و حتى لو ارسل له على الواتس اب خخ
و لو شي عجبني احاول ابين له علشان يتشجع و يكرره او حتى يحاول يسوي احسن
و حتى لو الي سواه بسيط احاول ابين له انه واااو

مو كل مره تجيب نتيجه و يمكن الموضوع يتطلب وقت
بس نحاول قد ما نقدر

و ربي يحنن قلوبهم علينا
و يفرج كربنا

ام حماده

حتى انا يرفس تحت و يضايقني
ودي يرتفع شوياات و يبعد عن هالمكان

اميره

ننتظر الصور يا عسل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع الكروشات الينبعاويات حياكم	تاج الحورية	إستفسارات حوامل من الشهر السابع إلى الشهر التاسع	19	04-16-2012 05:03 AM
تجمع الكروشات اللي موعد ولادتهم شهر * رمضآآن * 1432	ابغى نونو بحضني	إستفسارات مرحلة الولادة	42975	09-01-2011 06:36 AM
تجمع الكروشات الي بيراجعوا وبيولدو في مستشفى الاطباء المتحدون	aro0ora	إستفسارات المستشفيات و عيادات نساء وولادة	8	02-07-2011 06:23 PM