تصرفي صحيح ام لا ؟؟؟؟؟؟؟؟؟؟؟؟؟؟تكفون تكفون يابنات ارشدوني تكفون

[هيفاء11]

بنات انا تعبت نفسيتي ولاادري هل هذا الشي فعلا يستحق ام انا صرررررررت حساسه بزياده

انا متزوجه من سنه تقريبا اول شهرين كنا في مدينة اهلي واهله لين شهر 8 جينا في الرياض ومن شهر 8 الى اللحين وهو مسكني بشقق مفروشه تجيب الهم غرفه وصاله وحمام ومطبخ ماهو كامل كاونتر والقز كهرب صغير بدون فرن وثلاجه اصغر مقاس والدولاب صغير وملابسنا اكثرها في شناط والغرفه كلها شناط واكياس على الارض .. مااااااااااااافي مكان احطها فيه
صرت ماعزم احد لانها تجيب الهم ووصخه وقديمه وكل شهرين او شهر يوديني وحده ثانيه وكلهم نفس الشي .. وكل شهر يوعدني انه يوديني الشهر الجاي لشقه سنويه وكبيره وانا اللي اثثها ويطلع كلاااااااام فاضي
انا ابي مشورتكم انا قررت هالشهر اذا جدد في الشقق المفروشه اروح لبيت اهلي اللي في مدينة ثانيه واجلس لما يحط لي شقه زي باقي الحريم طبعا بدون مشاكل بقوله اني ابي اغير جو واذا رحت هناك اقوله وش رايك تاخذ سنوي واجي مره وحده ؟. هل تصرفي صحيح ام لا تكفووووووووون يابنات ارشدوني.
لاني استشرت صديقتي وقالت لا تتركي زوجي وبنات قالو تصرفك صحيح انتي ساكته له

[هيفاء11]

ملاحظه / زوجي مقتدر ماديا وراتبه مممتاز جدا

[هيفاء11]

هذا ثاني موضوع انزله ومافي احد يرد علي
مشكورين ماقصرتو

[ام عاصم2]

ادا كان مقتدر ماديا ليش ساكته كل دي الفتره لازم تحكي معاه وبعدها روحي عند اهللك بس بالاول تحكو مع بعض الوحده تقدر زوجها غصبن عنها ادا كان ما معه شي تتطر انها تتحمل لاكن بموقف دا لحد امتى رح تتحملي الله يكون بعونك اتلحلحي وفكي لسانك الله يوفقك وبشرينا بشرينا بماهو جديد

[الريميه]

تكلمي معاه بكل هدو قوليله متى ياحبيبي نسكن بشقه واسعه وناثثه براحتنا ونرتاح من هااتنقل
قوليله انا محتاجه استقر ابي مطبخ يريحني ابدع فيه بطبخي ومن هالحكي واسمعي رده وشوفي ايش ظروفه وبنا على كلامه انتي تحكمين اذا تتحملين او تقولي لاهلك

[زاهية]

يمكن انه ينتظر الترقيه وينتقل من الرياض عشان كذا موراضي انه يتكلف بتأثيث شقه وهو ماراح يستقر بالرياض (يعني عليه حركات بخل ويحب يوفر للأيام السودا )

سؤال هل هو يحبك ؟؟ هل لايستطيع ان يستغني عنك ؟
هل اذا ذهبت لزيارة اهلك يستعجلك بالرجعة اليه ؟؟ويعبر عن اشواقه لك ؟؟ ويكثر من مهاتفتك عند غيابك عنه (بحكم انكم لسا عرسان )؟؟

اذا كانت الاجابه بنعم اصبري وانتظري ان يفي بوعده لك

ان كانت الاجابه بلا فهو لايريدك تعيشين معه ولكنك لم تفهمي حتى الان !!!

[مشاعل الدوسري]

لا تروحين بيت اهلك ..

و لا شي امسكي ارضك ...

و افهمي منه ليه مو راضي يأخذ شقه ..

و قولي له اذا انتي تحاتي مصاريف تأثيث الشقه ..

من الحين نجمع كل شهر شيل الف ريال من راتبك


مستعده اصبر الى سنه قدام بس المهم تتحرك ..

كل شهر الف و اي مبلغ مو محتاجه عطني ايه ..

انت عاجبك وضعنا اكيد لا مو عااجبك ..

انت مخلينى هنا مؤقت ولا ايش قولي اللي يدور براسك ..

لازم اعرف لان مو قااااااااادره اتحمل الوضع حوسه و اغراض بكل مكان ..

و بس انتي نااااااااااااااقشيه اصبري سنه و السنه تعدى بسررررررررررررررررررعه

و قولي له مهما كانت الاسباب ..
انا راح اصبر سنه ..
يا تنقل شغلك لمكان ثاني نستقر ..
و بس لا تتهاوشين معاه حاااااااااااااااااااااااااولي تفهمينه اكثر من انك تهاجمينه بسبب ..
السكن و بس الله يسهل عليك ..

و انشالله تتوصلون لحل

[أسيرة زوجي]

حبيبتي بما أنّ زوجك مقتدر ماليا و الحمد لله ، ليش بيبخلك و يتعبك ؟
أولا بما أنكم توكم عرسان جدد احكي معاه إنك تعبتي من كل مرة تغيير شقة جديدة
و قوليلو إنك مانك مستريحة نفسيا ، و هذه المشكلة راح تسبب لنا مشاكل و إنك مانك حابة تعملي معاه مشاكل
ثانيا خبريه إذا ما وجد هذه المرة شقة بايجار سنوي ما يتعب حالو ويجيب شقة بشهر لأنك راح تخففي عليه العبء و تقعي عن بيت أهلك لوقت ما يلقى شقة سنوية
و قوليها له و إنت هائة تماما

و الله يفرج همك و يبعد عنكم كل شر يا رب

[زوزي]

تفاهمي معاه يوديك شقة اذا انتو استقريتو ومو بالسهولة يلاقي شقة اجارها كويس
وكم تطلع في السنة وخبرية انك لازم تتعرفي ع جيران يونسونك وتجينهم ويجونك والله صعبة الشقق اذا بيعدلها وياثثها احسن لمن تلاقون شقة وتنقلون اغراضكم بعدها بالتفاهم لا تهاجميه

[سموة الشوق]

ماشاء الله الاخوات كفوا ووفوا

جلسة واياه

والتحدث عن كيفية تفكيره ببناء حياتكما السعيدة أختي وحينها تحكمين بالرأي الصائب

مااتوقع انه ماخذ الموضوع سبهله
أكيد له تخطيط ياالغالية لبعيد

بس اجلسي واياه وتحدثي معه واجعليه يحدثك عن خططه المستقبلية بكل أريحية

الله يديم بينكم الحب والوئام والحياة السعيدة الهانئة..