دردشة بنات ليبيا , دردشة حوامل ليبيا , تجمع بنات ليبيا

[سورينام]

عيون حسك خوفتيني وخيتي ... اني اخر عملية ليها 5 شهور .. وعمره ضهري ما وجعني الا اليوم ... وبالنسبة للماكلة والله وخيتك ما مخلية حاجة الحمد لله والرضاعة بنتي مش معتمدة عليا 100 % دخلتلها الشيشة رضعتين ف اليوم ... وفي النهاية اللي فيه الخير ربي ايجيبه

[زهرة2000]

الله يسلمكم امين يارب ادعولى ربي يسهل عليا

[أثري في مدادي]

المشاركة الأصلية كتبت بواسطة عيون زوجي

السلام عليكم
وعليكم السلام ورحمة الله وبركاته


كيف حالكم ياغاااليااات

الحمد لله يا عز الغوالي في خيار خيرنا ،،،

شرفتينا اختي اثري في مدادي
الشرف عندي بإنضمامي لهالعويلة الحنينة النشادة ~~~
ماشاءالله اعليك شكلك فيك الخير وتستاهلي كل خير وجزاك الله الف خير على نصايحك الحلوة
إممممم ،،،، الله يبهي ايامك ويزهي احلامك ويعلي مقامك ويخزي شيطانك ويجعلها مباركة ليك وعليك من وراك وقدامك ~~~
انا ام ساره من طرابلس وانتي؟؟؟

وأنا بنت جيرانكم ،،، أنا أيضا من طرابلس ،،، { قرقارش }
وكنيتي أم شيماء يا حبيبة ،،،

[سورينام]

تي وين اضعفت ؟؟؟ تعرفي يا عيون ني كنت في قمة الرشاقة خخخخخخ قبل ما نجيب بنتي الاخيرة .. يعني بعد زوز صغار زني ماشاءالله مستقر على 60 كحد اقصى ...ومقاسي ايهبل نلبس 42 وكل شي ايجيني حلوووو ..
وتوا بعد ما جبت نور ...... يا لهوي ي ي ي علي جرااالي ... وزني في حدود 67 .. ممكن مش هلبة عندكم .. لكن الوقت قياسي 4 والا 5 شهور ... والله اتعقدت من كلام راجلي وهو يتسهوك عليا وايقولي خيرك اتبزعتي هههههههه

[سورينام]

مرحبتين وسبع مراحب .. يا فرحتنا زدنا صاحب
اهلا وسهلا بيك أم شيماء
أنا وخيتك ـ سورينا من سكان طرابلس بالتحديد بوسليم ... مواليد 82 متزوجة من 4 سنوات وعندي 3 صغار 2 بنوتات و1 ولد وتشرفني معرفتك يا احبيبه .... آنستينا

[أثري في مدادي]

المشاركة الأصلية كتبت بواسطة ام روفيدة

أختي أثري في مدادي جزاك الله عنا كل خير وبارك في نقلك ونصحك
وبارك الله فيك على ثنائك على مشاركاتي
سلمك الله ورعاك يا غالية ،،، وسدد الله مدادكـِ
ونسأل الله الاخلاص في القول والعمل ونسأله تعالى الثبات على الكتاب والسنة بفهم سلف الامة إلى يوم نلقاه اللهم اااامين

اللهم آمين ،، أجمعــــــــــــــين ،،

أما بالنسبة للريجيم راهوا قاسي بمعنى الكلمة لكن اني بنكتبهولك وانتي براحتك بتتبعيهم او لا

1: الصبح أول ما انوض نفطر على اربع كاسات ماء من الشيشمة

2: ناخد طاسة زبادي ونخلطها بملعقة كبيرة عسل وناكلها

3: تفاحة فقط للغداء

4: نشرب 4 كاسات شاي اخضر بدون سكر يوميا

السوائل كلها مسموح بها

6: انهرول نصف ساعة على السير وتوا زدتها إلى 3 ساعات يوميا

7: نأخد في حبوب الفيتامينات

مـــــ ســـــ ـتــــــ ح يـــــ ـل ،،،، ممكن نتطبب بالماء بس أهووووووووون ،،، ربي يبارك فيك على النقل المحال بالنسبة لي ،،، يعطيك الصحة ،،، ورزقنا الله من عزيمتك ،،، لو تكرمتي ،،، منذ متى معتمدة ريجيم خمسة نجوم هذا ؟؟ وكم كان وزنك ؟؟ وكم أنقصت ؟؟؟ وبوركـــــــــــــــــت

[سورينام]

وين امشيتوووووووووووووو

أم معاد وأم ورد شورهم في حوش العيلة اليوم ... ماشاءالله ربي يونسهم ببعضهم حللللوه لمه الوخياااات

[سورينام]

ليبيا قلبي ... كيف حالك انتي ونروزة وصحيتي عالنشدة ان شاءالله ما تفقدي غالي يارب

[عيون زوجي]

67 وتتكلمي يا ظالمة قولي لراجلك اسكت اسكت مرتك مازالت رشيقه شوف غيرها وقااارن ماشاءالله تبارك الرحمن اعليك ياسوري هكي قنينه ورشيقه وجسم مدام اكتر لا واقل جسن انسات فكك

اوخيتي ام شيماء اهلا بيك بيناتنا وانا ام سارة من طرابلس السكنه الفرناج عندي بنت وولد مواليد 82

عندك صغار من قبل ولا حامل وكم ليك متزوجه ام شيماء؟؟؟

[أثري في مدادي]

المشاركة الأصلية كتبت بواسطة سورينام

مرحبتين وسبع مراحب .. يا فرحتنا زدنا صاحب
اهلا وسهلا بيك أم شيماء

مشكورة على الترحاب المنعش ،،، أنعشك الله بشراب من أشربة الجنان ،،، ياااارب
أنا وخيتك ـ سورينا من سكان طرابلس بالتحديد بوسليم ...
أهلا بآل أبو سليم ~~~
مواليد 82
محسوبتك الباين ،،، أخيتكم الكبيرة أني مواليد 78
متزوجة من 4 سنوات
مش قتلك أخيتكم كان مش إميمتكم ،،، متزوجة من 12 عام
وعندي 3 صغار 2 بنوتات و1 ولد
آه الباين أني عروووووووووسة بينكم عندي وليد وحيد عمره عامين
وتشرفني معرفتك يا احبيبه .... آنستينا

وأني بزيادة يا حبيبة الله يحفظكم كلكم علي بعضكم ~~~