تجمع حبيباتي الكروشات اللي راح يولدون بشعبان

[Miss YoYo]

المشاركة الأصلية كتبت بواسطة تحكمني قناعاتي

ابصراحة يا مس يويو ذووووووووووووووق
تتهنى النونوه فيهم
بس ماقلتي لنا كيف الاسعار؟

المشاركة الأصلية كتبت بواسطة ~* عبق الأنوووثةَ *~

مس يويو ..
يآيــــــــــــي
يدنــــــــــــــون
أموت على اللون الوردي

المشاركة الأصلية كتبت بواسطة baby`s smile

ماشاء الله مس يويو
خوقااااق وربي .. تلبسهم بالعافية يااارب

تحمست والله حلوووين مرره
انتي طالبتهم من النت والا كيف ؟!!

المشاركة الأصلية كتبت بواسطة الرحيق المختوم

صراحه ذوق تحمست ودي بنوته من وين أخذتيهن من النت
كيف الأسعار

المشاركة الأصلية كتبت بواسطة king_ro7e

ملبوس العافيه وتوصل بالسلامه يااارب

تتهنى فيهم ان شالله

المشاركة الأصلية كتبت بواسطة نونييييي

مس يويو ما شاء الله تبارك الله مره حلويييين وان شاء الله تفرحى بيهم ونونتك لابسهم وتكون احلى بنوته

الله يسلمكم كلكم مشكورين حبيباتي
يالله تلحلحو شوي وابدأو جهزو وخلونا نشوف تجهيزات بعضنا البعض
عشان نستفيد ونقلد إذا فيه اشياء حلوه

أول شي بالنسبه للأسعار .. بشكل عام الملابس في امريكا اغلى من السعوديه
يعني يمكن تشوفون شغلات قطنيه وعاديه وبالسعوديه احلى منها بكثير واسعارها تكون اغلى من السعوديه
بس هي كذا اسعارهم مانقعد نحسب وراهم ولا ماراح نلبس

عشان تعرفون وشلون تحسبون قيمة الملابس
مثلا لو قطعه عندك بـ 3 دولا كيف احسب كم بالريال السعودي
اضربي المبلغ في 3.75
قولي كذا 3 × 3.75 = 11.25
قيمته هي 11 ريال وربع

المحلين اللي انا اخذت منهم مافيه اشياء كشخه بالمره
يعني ملابسهم عاديه زي حقت سنتر بوينت وشغلات للبيت
انا اخذت منهم بس مقاسات النيو بورن عشانهم يقولون البيبي يكبر بسرعه اول فتره
فما راح اقط الفلوس على ملابس بستخدمها شهر بالبيت وبرميها
المحلات اللي فيها لبس كشخه راح اخذ لها من 0-3 شهور كذا اضمن اني استخدمها كم مره

أول شي اللي اخذتهم من كارترز
أول واحد كان قيمته 20 دولار يعني 75 ريال
بس مع التخفيض صار سعره بـ 4 دولار بس يعني 15 ريال بس

ثاني وحده طقم الأرنب اتوقع
كان بـ 30 دولار يعني 113 ريال
ومع التخفيض صار بـ 15 دولار يعني بـ 57 ريال

ثالث واحد اللي عليه الفيل
كان بـ 16 دولا يعني بـ 60 ريال
بعد التخفيض صار بـ 8 دولا يعني بـ 30 ريال

الطقمين اللي محل قيمبوري
طبعا قيمبوري ارقى من كارترز ف حتى اسعاره اغلى شوي لكنها تعتبر رخيصه هنا
أول طقم الوردي كان سعره بشكل كامل بـ 117 دولار يعني بـ 438 ريال
بعد التخفيض صار بـ بـ 110 دولار يعني بـ 413 ريال

الطقم الأحمر
كان بـ 62 دولار يعني بـ 232 ريال
وبعد التخفيض اخذت الفستان بـ 12دولار والجاكت بـ 11 دولا يعني الاثنين كلفوني 87 ريال بس
والحين صار فيه تخفيض زيادهبدل ماهو بـ 11 دولا صار بـ 8 دولار

وزياده على كذا عطوني كوبون بـ 50 دولار
وكوبون خصم 40%
ان شاء الله راح اخذها لها شغلتين من عندهم زياده
المحلين بشكل عام يعتبرون من المحلات الرخيصه هنا
جوده الملابس زيها زي ملابس سنتر بوينت بالضبط

طريقة الشراء راح اشرحها لكم في ردي الجاي