تجمع حبيباتي الكروشات اللي راح يولدون بشعبان

[نونييييي]

تحكمنى قناعتى بصراحة انا جربت الحكومى فى اجهاضى السابق الله يعافيكى وكرهته كره السسترات تضىلى ترنى عليهم الجرس بالساعه وما بيردوا واذا ردوا يجوا لك وهم قرفانين وما يبغوا يسوا شئ غير انى بعد ما سويت العملية ضليت شهرين ونصف انزف مع نزول قطع وكل ما اروح لدكتورة بالخاص تقولى الرحم لسه ما نضف وانى محتاجه اسوي عملية تنضيف تانى لغاية ما ربنا كرمنى بدكتورة بجدة واعطتنى دوا ومن بعدها نضف الرحم والحمد لله توقف الدم معلش حكتلك قصة حياتى عشان كده من وقتها قررت انى ما اروح الا خاص وبالنسبة لابرة الظهر استخيرى الله وممكن تروحى للمستشفى اللى بتولدى بيها وتطلبي مقابلة الدكتور اللى هيعطيها لكى وشوفى اذا بترتاحى لها او لا بس اهم شئ وقت الولادة لا تستعجلى وتروحى المستشفى غير لما ينتظم الطلق عندك ويكون كل دقيقتين يعنى لا تستعجلى بالروحه علشان ما يستعجلوا ويضعوا لكى طلق صناعى ويارب ما نحتاج لا طلق صناعى ولا ابرة ظهر ونولد ولادة طبيعية سهلة وميسرة

ام ملك الرحمن اولا الحمد لله ان ربنا رزقك بالحمل وان شاء الله ربنا يرزقك المرة الجاية بتؤم تفرحى بيهم وبالنسبة للحوض الضيق اللى انا اسمعه ان اللى حوضها ضيق 99% بتولد قيصرى وما اظن الحوض بيتغير بالكبر فى العمر ويارب يختار لكى الخير وترى لا تقلقى فى حريم كتير ما شاء الله الولادة القيصرى بتكون اسهلهم كتير من الطبيعى وكلامى هذا والله ما هو من فراغ لانى عندى اتنين من بنات خالاتى ولدوا مثلى طبيعى ولادتين والولادة الثالثة لهم كانت قيصرى وما تعبوا فيها ابدا لدرجة انهم يتمنوا ان ولادتهم الباقية تكونى قيصرى فيارب يختار لكى الخير وتكون ولادة سهلة ميسرة سواء طبيعي او قيصرى