تجمع الأمهات اللاتي سيلدن بشهر *ربيع الثاني* 1433

[شهرزاااد]

لموني انا ماني خايفه من الالم بس ما ابغاها تسويس شي يعجل بالولادة واتبهذل لو ما فتح الرحم والا يكون لسى مو وقته
وانا حملت 4 مرات ولا احد كشف عليه قبل الولادة

[لموني]

هو مو تحريض طلق هو تحريض عنق رحم يعني بيفتح العنق بعدين يجي طلق بعده..انتي مو تقولي تتأخري بالولاده خلي تعجلك احسن..

بس عالعموم اذا مو مرتاحه هذا رايك تقدري تقولي لها لاااا

انتي مو تقولي دكتوره شاطره اتوقع مو معقول تسويلك تحريض ذحين لأن التحريض بيسووه للي عدت الأربعين اسبوع عالأقل..
اكيد تبغى تتطمن بس..

انا زيك اتأخر بالولاده اعدي الأربعين اسبوع..وكل ولاداتي مايجي الطلق الا لمن تحرض الدكتوره عنق الرحم يعني تدخل يدها اللين تطلع دم<<<بس والله ارتاح لمن تسوي كذا واتحمل لأنه اقول فرجت خلاص بأولد...

بعدين التحريض ببكري اعطوني طلق صناعي..وببنت سوتلي الدكتوره التحريض وقالت امشي ساعتين ولا تجلسي <<ومشيت ساعه وتعبت مووووت قلت خلاص ما اتحمل ورجعت البيت نمت وصحاني الطلق..وبولدي الأخير بعد التحريض كتبتلي خروع بالنعناع قالت اشربيه مع ينسون دافي..ونفس الشئ نمت وصحاني الطلق ..

الله يستر من هالمره اكيد قصة جديده <<<<معليش سولفت كثيييير اليوم

برووح اتجهز لموعدي....في امان الله

[همس شعوله]

صباح الخير
كيفكم اليوم ان شاءا الله تمام
ان بكره ان شاء موعدي الله ييسرها


ام عزوز سلامتك ان شاء الله تروح الاللتهابات باسرع وقت
اب تو مي. مستعجله هههههحاسه فيك انا عكسك ابغى اولد متاخر. عشان زوجي يكون فيه.
لموني ماشااء الله عليك تبغيها تكشف لاحقه عالكشف انا شايله همه مرره يتعب مااحبه
جهين هلا بك اللي صبرك الفتره اللي فاتت يصبرك الكم اسبوع ادعي لانه ربي يفرجها عليك

[ام سهــــــــاد]

صباااح الخير بنات

أأأأأأأأأأخ بس يارب لطفك ؟؟

وش السوات بنات اسناني متعبتني مرة ولافي شي نفع معي يارب رحمتك..

عادي اشرب بنادول او لا؟؟

[همس شعوله]

ام سهاد
سلامتك اتوقع عادي اذا كان موقادره. تتحملي الالم
وجربي القرنفل ( المسمار)؟ ما ادري له اسم ثاني بس نقعيه بمويه دافيه شوي واتمضمي فيه مسكن الالم الاسنان
ريحته ترى بعد التنقيع زي بنج الاسنان

[bnbona]

صباحكم عسل *_*

[bnbona]

شهرة اسم بيلسان حلو احلى من جومانه

ورد الفل مشكورة عالنصايح ربي يديكي العافيةومبروك على حافز

ام جنى الله يعينك ان شاءالله وينزل الراس تحت

لموني مبروووووك تفرتيكيها بالعافية ان شاءالله

ام شوق عقبال ماتتاهلي ان شاءالله ويكون وجة النونو حلو عليكم والتحجر ان شاءالله يكون عادي حتى انا يصير معايا كذا الله يعيننا

وجود شكلة حلو مرا ان شاءالله تلاقي اللي يعجبك

ام عزوز سلامتك ماتشوفي شر ان شاءالله

اروى لا تسكتي عالالتهاب لازم تروحي للدكتورة

جهين الله ييسرلك بس لازم تقولي للدكتور اي شيء تحسي في يمكن يكون في علاج للشيء اللي تشتكي منو وتحرمي نفسك عشان مستحية
بالنسبة للخلطات مااعرف فيها شيء

اب تو مي الله يسهلك وتولدي بوجود زوجك وربي يفرح قلوبكم بشوفة فروسي

لموني ربي يسهلك طمنينا

شهرزاد استخيري الله الله يسهلك ان شاءالله

همس شعولة الله يسهلك موعدك طمنينا

ام سهاد ماتشوفي شر اذا حتاخذي بنادول خذي القديم اللي كرتونو ابيض لان في الشهور الاخيرة مايضر ان شاء الله
وروحي لدكتور اسنان افضل الله يشافيك

[سحـآب]

صباح الخير

كيفكم ان شـآء الله طيبين

الكل ينتظر ساعه الفرج الله يجعلها في ساعه طيبه مباركه يارب


كان موعدي اليوم حق الاشعه وسويتها

الحمدالله كل شي تمام

بس اللي فر لي راسي أنو الدكتور قالي انتي في الاسبوع 38 ع كلامو بس كيف مدري

الدكتوره ع حسابها انو كل 18 في الشهر بالعربي أخلص شهر وادخل شهر جديد والحين أعتبر في الاسبوع الثاني باذن الله

بس اللي مجنني انو ع اي اساس قال 38 هل ع اساس القياسات حق البيبي او شي ثاني

او هل ممكن اكون غلطانه في حسابي مع الدكتوره ويكون حملت قبل ومضيعه

ماني عارفه بالضبط الفكره

المهم انو كل شي تمام الحمدالله وراس النونو تحت الحمدالله وقالي ممكن تولدي اليوم او بكره في حد اقصى اسبوعين ع كلامه

وزن النونو ماشاءالله 3 وشي


الله يسخر لنا اللي في خير ويستر علينا ويرزقنا ولاده طبيعيه ويسهل لنا كل صعب

بكره راح يكون عندي موعد ان شاءالله عند دكتورتي باذن الله وبسالها تفهمني الوضع كلو


ام عزوز سلامتك والحمدالله انك اكتشفتي بدري


سهـآد عادي تاخدي بندول ابيض والله يعينك عاد الم الاسنان شي لا يطاق

[bnbona]

سحاب ربي يسهلك ويسهل للجميع
والحمدالله انك اطمنتي
والسونار يكون على حسب حجم البيبي
وربي ييسرلنا ويفرح قلوبنا ولايضيع لنا تعب

[ام سهــــــــاد]

تسلموا بنات ... والشر مايجيكم ... الحمدلله خفت شوي الالام وربي اذا راح الالم احس بسعادة مو طبيعية...ربي لك الحمد...