رموز في الحلم بشرتكي بحملك

[امي جنتي.]

وينك يّ جوري

عسى المانع خير !!

نتمنى عودتك بإسرع وقت كثر الله من امثالك

[غيمه]

السلام عليكم كيفك ياجوري
جوري ممكن تفسرلي هالاحلام
انا عمري 25 احمل واجهض والحمدلله
دائما احلم بمكه واخر مره حلمت بماءذن الحرم وارض بور وكنت ادورلي مكان وجلست استمع لخطبة الجمعه
ومره حلمت باني جالسه على السجاده بساحة الحرم وبجنبي ولد جميل حاط ايديه على عيونه وكان الوقت خطبة العيد
وحلمت باني في سوق ورحت ادور بين الملابس لقيت تيور وردي وتيور بني خلف الملابس ولبستهم وكانو مقاسي بالتمام وكنت سعيده بانهم حلوين ومقاسي ورخيصين
وزوجي تحلم بانه اشترالي جوال ايفون
وحلم بانه مع ولد جميل كان يلعب معه يقول كانه حقيقه مو حلم
وشكرا اعتذر اذا كنت اطلت عليك بالاحلام

[ميمو07]

انا حلمت كاأني بخيمه في البر وناس كثير متجمعين وأشوف الوليد بن طلال موجود معنا ويسولف وبعدين وراني صوره زوجته وانا أعجبتني اسنانها فقلت له الله خاطري تسوي لي اسناني مثلهاةوقال ابشري وش التفسير

[فوفو85]

كيف حالك اختي جوري
انا حلمت اني لابسه اساور ذهب مره حلوه وكانت 6 اساور 2 كبار على الاطراف وفيهم كرستالات لونها احمر مره حلو و4 صغار في النص وكانت مره عاجبتني وكنت اقول انه زوجي جابهم لي شنو تفسيرك اختي جزاك الله خير

[دموعي ماركه]

انا حلمت كاني رحت للمدرسه (غريبه علي) وكانت صديقتي المقربه معاي وجلسنا باخر الفصل ومعانا ولد بعمرنا
وكان المعلمه نادت اسم بنت وانا بعدها(نسمع قران) ولما رحت للمعلمه كانت مستانسه فيني وجلست بكرسي قدامها وقالت ايش معنا كلمه النبأ(قصدها سوره النبأ) قلت الخبر السار واستانست مني....
انتهت
الدوره موعدها بكره وماني حاسه فيها وعمري 18 سنه
تكفووووووووووووووووووووون فسروها وادعولي بالحمل

[جوري الجنوب]

المشاركة الأصلية كتبت بواسطة مميزة بطبعي

مرحبا خت جوري الله يجزاك خير فسري لي هالحلم حلمت اني قاعده اعطربنات اعرفهم بس يوم صحيت من الحلم مااذكرالاوحده منهم اسمها غيثه وكئن فيه عطراعجبهم ويوم جيت اعطرهم فيه مالقيت حق الرشاش حقه وكئني ركبت له واحدثاني بس مومقاسه بس عطرتهم فيه ويوم يسئلوني عن الاعطار كئني اقولهم هذا بصراحه مو لي لقيته بشنطتك ياغيثه وكئن غيثه ماتدري عنه ولاتدري انه كان بشنطتها وكئن الشنطه كانت عندنا وقول لها يمكن احد حطه لك وبنفس المنام كئني شفت وحده صديقتي من ايام الدراسه اسمها اشواق مع وحده تسير من جماعت امي اسمها حنان وكئني سلمت ع اشواق وضمتني وكئنها شالتني ودارت فيني بعدين كئني اقول ل اشواق الي معي من ايام الدراسه انتبهي على حنان واخلي بالك عليها اولاتزعلينها مااذكربالظبط بس كئني قاعده اوصيها على حنان وانا في الواقع اشبه حنان في اشواق احسهم يتشابهون وكئني شفت اخوحنان وزوجته وهم في الكوشه وكنئهم نزلو من الكوشه وسلمت زوجته على وحده وخلت زوجها واقف بعدين كئنه جاءبيروح وكانت معه وحده ماتصيرله اسمها زي اسمي وزواجها راح يكون شهراربعه وكئنها لابسه بشت وكئن اخوها الظاهرمعهم وكئني جيت عندهم وتعديتهم وقلت لهم نتقابل بكره بزواج فلانه وكئني اخذت البشت ولبسته ورحت لقاعة العشاء بس ماكنت لابسه البشت وكئنه عطاني شي الظاهر انه بشته وكان فيه بوفيه واخذت صحن واخذت من البوفيه علمن يااخت جوري يوم قمت من النوم قالت لي امي ان فلانه كلمتني وتقول ان فلان سافر هوسافرمع زوجته شهرعسل

غاليتي انتي عزباء او متزوجه ؟

[جوري الجنوب]

المشاركة الأصلية كتبت بواسطة سحآبة فجر

حلمت يالغاليه اليوم اني في مدينة اهلي وكنا انا واخوي واقفين في الشارع وعندنا اربع اكياس ( اكياس القمامه الكبيره السوداء ) وكلها مليانه لحم غنم مو مطبوخه كلها مليانه وانه انا واخويه بنشيلها رايحين فيها للبيت وكنا قريبين اصلا من بيتنا مره المهم كنا نمشي على رجولنا ولما وصلنا عند البيت شفنا سياره جيب واقفه عند بابنا فيها ولد شاب مكان السايق يعني وعند بابنا حرمه تدق الباب يعني الولد منتظر في السياره اهلي يفتحوا الباب للحرمه ويروح قمنا تخبينا انا واخوي على جنب وانا اقول له مدري مين هذه الحرمه ابغى اهلي يفتحوا لها الباب بعدين ندخل احنا علشان ماتشوفنا واحنا جايين معنا اللحم وانا اكثر شيء ماابغاها تشوفني وشوي الف وراي الا وطلع وحده من جماعتنا (تقرب زوجي) هي وبناتها الثنتين ورانا وسمعوني انا واخوي نتكلم واننا متخبين وكانوا يضحكون كذا يعني انهم سمعونا قمت انقهرت بنفسي منهم انهم ورانا متخبين ليش طلعت الحرمه هذه جايه مع الحرمه اللي عند بابنا تدق بس انها تبغى اهلي يشوفوا ذيك الحرمه يعني ما يعرفون انها جت معها ولما يفتحون اهلي الباب هي تجي تدخل (يعني هذه نيتها) قمنا مشينا انا واخوي عنهم نبي نروح لبيتنا جو ورانا يمشون لفيت لقيت بنتينها كشفوا عن وجههم شوي في الشارع فقمت انا طالعتهم باحتقار انه ايش الحركه هذه يكشفون في الشارع بعدها دخلنا البيت كلنا وهم معنا ..

في الواقع بين اهلي وقريبة زوجي مشكله لانها قالت كلام على لسانهم عند ناس وسوت مشاكل يعني لهم وتحاول تأذينا ..
متزوجه لي 9 شهور .. مو حامل
اخوي عمره 25 مو متزوج .. قدم على وظيفه عن طريق الجهه اللي تدرب فيها يعني هم رفعوا اوراقه واتصلوا عليه من مدينه ثانيه قبل اسبوع طلبوه يسوي مقابله وراح سواها وباقي ماردوا له ..


تفسيرك رفع الله قدرك

واضح من الرؤيا ان المراه تكن عدواه لكم
حمل كيس اللحم انتي واخوك بشارة رزق وخير بيجكم اكثرو من الصدقات
المرأه تحاول أذية اهلك ولكن سينقلب السحر على الساحر وستظهر براءة اهلك وستنكشف المرأه عن قريب والله اعلم

[جوري الجنوب]

المشاركة الأصلية كتبت بواسطة ymk

السلأم عليكممم


اأنا حلمت أزور اختي وأنهأ حأمل وجابت بنت وزرتها مره ثانيه وجابت ولد ان شعرو اسود ناعم

ولكن اسمر مرهه وكنت مبسسوطه حيل وبين يدي هالولد وألعب معاهه واضحك لهه

وكأني جالسهه فعلأ بينهمم

بس كان الحلم الظهر .!


وانا مأخذه ابرة تفجير الأن

ماشاء الله بشارة حمل لكي والله اعلم

[جوري الجنوب]

المشاركة الأصلية كتبت بواسطة غلا ابراهيم

خخخخخخخخخخخخخخخخخخخخخخخخخخخخخخخ لا والله لا يشتري ولا يبيع ولا عنده ارض اصلا هع

هههههههههههههههاي ضحكتك ضحكتني الله يسعدك
الله يرزقكم بالبيت الملك
غاليتي طيب بسئلك زوجك مايخطط الدخول للمجال العقاري ؟
السؤال الثاني تفكرين انتي وزوجك تتعالجون عن تاخر الحمل ؟

[جوري الجنوب]

المشاركة الأصلية كتبت بواسطة امي جنتي.

جوري يّ قلبي ممكن تفسرين حلمي !!

تحلمت ان اختي عندها بنت تجنن ماشاء الله ماشفت زي جمالها وانا في بيت اهلي وانا شايلتها العبها وتضحك

مع العلم اختي هذي متزوجه وتعبانه تتعالج بالرقيه وليست حامل

انا متزوجه ولست حامل

اذا كنتي تفكرين بالحمل فهذا حديث نفس والله اعلم