دردشة حوامل دولة الجزائر- تجمع بنات الجزائر

[AMAL JADID]

المشاركة الأصلية كتبت بواسطة شمس الجزائر

امل ياك نقدر نبعتلك فالترونسبور نورمال هك ندير انا والمازة كي خيطتلها قندورة بعثتهالها فالكار راحت للسانتيفي هزاتو

انتي منين بابضبط ؟

[شمس الجزائر]

امل علابالك كان يصرالي هكاك بصح كي سقسيت الطبيبة قالتلي هاداك دليل على انو المبيض تاعك يخدم مليح يعني سليم برك ماقالتلي والو اوخر يعني متخافيش المبيض تاعك نشيط المشكل فالحيوانات برك ربي يسهلك يارب

[شمس الجزائر]

امل انا من تبسة نسيتيني ؟ نقتلك اليوم

[AMAL JADID]

المشاركة الأصلية كتبت بواسطة assia

أنا من خنشلة اختي وماعندناش بزاف مني لي بدينا نروحو للطبيب اختي والله قاعدة نخم ليل ونهار ربي يقدر الخير برك قالولي بلي لعسل وغذاء الملكات وطلع النخيل بلي مليح صح يأمل بلي مليح وقادر يتحسن قوللي الصح ربي يعيشك والا كانش حاجة ولا دوا مليح غير دلوني

ايه صح يتحسن بالدوا عرب

من خنشلة نعرفو ناس تماك نقدر نوصلك فطر الهندي ينشط الخلايا و بزاف رفدو بيه

ايه قوليلو العسل السدر و غداء الملكات انا راجلي رطل برك زادلو من 20 ل 50 مليون في شهرين و حتى لوكان مكاش خلاص قتلك متضيعيش وقت و روحي ديري الخزعا يديرولو اوبيراسيو و يشوفولو الحيوانات


شاف ادا عندو دوالي دم و لا ما محجر في عروق تاع كيس الصفن ؟؟؟

[شمس الجزائر]

المشاركة الأصلية كتبت بواسطة assia

أنا من خنشلة اختي وماعندناش بزاف مني لي بدينا نروحو للطبيب اختي والله قاعدة نخم ليل ونهار ربي يقدر الخير برك قالولي بلي لعسل وغذاء الملكات وطلع النخيل بلي مليح صح يأمل بلي مليح وقادر يتحسن قوللي الصح ربي يعيشك والا كانش حاجة ولا دوا مليح غير دلوني

ايه اسيا راهم ملاح تع الصح مجربينهم انا نعرف وحدة عشر سنين مولدتش كي دارو طلع النخيل بالعسل والله من شهر حملت ودرك عندها ولاد الله يبارك

[AMAL JADID]

المشاركة الأصلية كتبت بواسطة شمس الجزائر

امل انا من تبسة نسيتيني ؟ نقتلك اليوم

ههههههههههههههههههههه قصدي فين بالضبط نقدر بالاك نجيك انا

[شمس الجزائر]

امل انا من تبسة سونتر فيل

[Assia]

دار ليزاناليز تاع الغدد لقاهم شويا طالعين حتي الورقةوالله ماعلبالي وين حطها باه نقولك واش فيها
مي كيمايقولو الدوالي مكانش وكيما قلتلك ماعندناش بزاف منين بدينا نداو يو

[شمس الجزائر]

اسيا متضيعيش الوقت وابداي العلاج لراجلك ابدي بالعلاج النفسي اولا قبل كلش قبل متبدي بالدواء باش راجلك يتقبل الموضوع عادي ويكون يداوي بمورال طالع خاطرش كي يهبطلو المورال مينفعوش الدواء نفسيتو فهاد المرحلة هي نصف العلاج ومن بعد روحي ديريلو كيلو تع ذكار بالعسل كل صباح ياكل مغرفة وفالليل مغرفة ودرك تشوفي يبدا فالتحسن والصفر هاداك يتحول بسرعة وشوي شوي ربي يشفيه ان شاء الله وخلال هادا كلو كثري من الصلاة والدعاء واكثري من الصدقة والاستغفار والصدقة بنية الانجاب وربي حنين كريم

[شمس الجزائر]

امل راني وصيت سلفي قالي غير تطلع النخل ننحيلك ونجيبهولك جديد
علابالك عندو ميتين نخلة الله يبارك هاد العام نشبعكم طلع هههههههههههههههه