تجمع حوامل سوريا-دردشة ورود سوريا-دردشة الغاليات

سرووءة · 02-13-2012, 04:44 PM

رنومة الحمددلله انك اطمنتي
وشكلة الجنين مستحي وعاملكن مفاجئة يلا المهم انو بخير

نادو ههههه
عنجد احبانا الطبخ بملل وصحة وهنا عالمعكرونة طيبة كتير بحبا

هدولة ههههه امك معها حق
لان بتعرف ان اذا اجتك الدورة راح تتعب نفسبتك انتي
بئ توكلي عالله ولسا بكير انتي عروس ^^

سيلا ههههه
انا ماقصدي خوفك بس نبهك
لان انا متلك زوجي عملي محاضرة وقت شربت مرة
وبالنسبة للطبخ معلش صح عم اتعب
بس انا اول 6 اشهر ماكنت هيك نشيطة واطبخ
لان كان وحامي كتير صعب ومااقدر ارفع راسي
وزوجي مسكين يمشي حالو اول 4 اشهر
بعدين بلشت اطبخ عالخفيف
وزوجي لهلا مابخليني اطبخ
زوجي من النوع كتير يسر من هالناحية الحمدلله
بقلي طبخة طبخة تضل على يومين تلاتة او لاتطبخي ابدا
منمشي حالنا باي شي او جاهز
بس وقت بلاقيني طابخة وومكترة وطبخة كبيرة
بيفتحلي محاضرة طويلة بقلي انا ماطلبت منك شي
بقلو خلص تركني عراحتي انا وقت بلاقي حالي خاسنة مابقصر
وقت مابكون حاسنة مابطبخ
وانا بيني وبينك مابدي اتعود مااطبخ
لان بعرف وحدة طول حملها ماتطبخ وولدت وعمر ابنها شي 9 اشهر وهي بتستصعب تطبخ يعنس تعودت ماتطبخ
واذا طبخت بتساوي يامعكرونة يابرغل عبندورو يعني كل اسبوعوطبخة
ووفت يلي بتعمل طبخة كبيرة بتقوم قيامة المطبخ وبتتعب ومابتنام منيح
يعني قصدي متل مابتعودي حالك بتتعودي
ولو الوحدة زوجها يسر ومابدقق كمان نحن ماحنكون قليلين زوء ونستغلن
يعني هنن ليش تزوجو ههههه الرجال بيجي تعبان من شغلو وجوعان
وانا زوجي لابحب يفطر ولايتعشا ابدا
العشا اكتر الاحيان فواكةاو شي هيك نقرشات وقليل يتعشا
مشان هيك بقول لازم يعوض بالغده
هههههه ولي شو حكيت اليوم

نادو · 02-13-2012, 04:46 PM

شو قصة البيبسي وانا هون صايبني ادمان عليه بعرف انو بيئذي بس بدي اشرب هههههههههههههههههههههه

سرووءة · 02-13-2012, 04:47 PM

بتعرفو يابنات وقت مابكون الي خلق اطبخ او ماحاسنة دغري بتزكر امي
لما كنت ارجع من المدرسة او الجامعة ومالاقي الطبهة خالصة لان اني بتكون انشغلت بالبيت
وتاخرت عالطبخ او انها ماحاسنة تطبخ
كنت جن جنوني وعيط
شايفين وقت بتزكر بقول يبعتلي حمة قلبي شو قاسي
بس كلنا كنا هيك
عنجد كنت اجي مهرية جوع واتفشش بامي ههههه
بكرا والله ولادي مايساوو معي هيك لاخنئن
الله يهدينا ماعرفنا ايمت امهاتنا حتى تزوجنا

silla · 02-13-2012, 04:48 PM

عبورة وسرووووءة يسلمو حبيباتي ...
بس ان شالله مجرد ضغطي عم ينزل ما بظن فقر دم بس رح قلها للدكتورة ع كل حال ..
وبدي قلها كمان ع فيتامينات عبورة يعني مو معقول ضل هيك بلا شهية ع شي

وعبورة يعني اخيرا صار عندك كرووووووووشة ؟؟؟ وبلشتي تشتري بلايز حمل وفساتين ياااااااي ههههههههه

رنومة حبيبتي يلا الف الحمد لله المهم انك انت وهالبيبي بالف خير وان شالله يارب بتقومي بالسلامة ولا بتتعزبي بولادتك ولاشي

جوري اقعدي عاقلة وخدي احتياطاتك ابنك لساتو صغيرووووون ههههههه ديري بالك

silla · 02-13-2012, 04:54 PM

ااااااااااااه ياحبيبتي ياامي
والله انا من اول حملي وكل ما تصير معي قصة
اتزكر امي عالساكت لا تحكي ولا تشكي
صرت لما حكيها قلها ياقلبي حقك علي والله ماكنت حس فيكي
لا بوجعك ولا بتقلك ولا بنفسيتك
الله يسامحنا بس ...
كنت اتكاسل كتير بمساعدتها وهلئ ميتة ندم ...
تقبريني ياامي الله لا يحرمني منك ويطولي بعمرك شتقتلها موووووووووت
يبعتلكم دمعت عيني سروءة امي نقطة ضعفي ياريتني ماقريت هالكلمتين اللي كتبتين فتحولي جروحاتي

نادو · 02-13-2012, 05:11 PM

يا قلبي يا بنات وانا متلكن بس انا ببكي دغري سرووووءة بالذات شغلة الطبخ وانا هيك لما تساوي مامي اكلة ما بحبه خانئ وعصب بس هلئ كل ما اتذكر بزعل وببكي كمان و بحاكي ها وبئلها سامحيني يا حنونة انتي اي والله هي قصتي توتي توتي خلصة الحتوتة واذا تذكرت برجع بئلكن هههههههههههههههههههههههههههههه

سرووءة · 02-13-2012, 05:22 PM

لك سيلا معناتا كلنا هيك
لك والله والله وقت بتزكر مواقف مساويتها بامي
بجي لاقتل حالي
وبصير ببكي وبقول انا مافيني رحمة
عنجد بحس حالي كتير ندمانة
خصوصي بهالغربة
وانا متلك نقطة ضعفي امي
احيانا بالليل لحالي بتزكرا وببكي
خصوصي وقت بتزكرا اديش حنونة علي
ولما كنت ماتوحم ابكي كتير
لان اتوجع لحالي بالليل وزوجي نايم
قول وينك ياامي لما كنت حس بوجع ببطني تركد ركد
وماتخلي شي ماتساويلي ياه
وكانت حنيتها كتير علي
صح احيانا الزوج مابقصر بس مابيتحمل متل الام
عنجد ماعرفنا قيمت امهاتنا لحتا تزوجنا وبكرا بس نولد راح نحس بقيمتن اكتر والله
الله لايحرمنا منن
امي طاير عقلا لاني بنتي اول حفيدة عندا
امي ماعندا غير بنت ةاخي اكبر مني بس
ولما تزوجت وسافرت امي كتتتيييير عانت ونحفت ومرضت
مع ان كنت قاسية عليها كتير
وكنت كل ماانزل عالشام زيارة وارجع لما تودعني تطق بكا علي
والله لهلا بتزكر وقت عرسي اديش بكت ولهلا الفيديو مبين اديش عم تبكي
اخ ياامي الله لايحرمني منك وشوفك عن قريب
بتصدقي سيلا لازم انا كل يوم احكي مع امي
بجن اذا ماحكيت خصوصي بهالاوضاع عم خاف عليها كتير

نادو · 02-13-2012, 05:26 PM

سروووءة انا بحب الرقص كتيييييييير برافو عليكي والله يعطيكي العافية اساسا الرقص بيفرغ شوي بالذات اذا الواحد معصب وانا برقص مظبوط يا جكركن ههههههههههههههههههههههههه

نادو · 02-13-2012, 05:31 PM

حكيت عن الرقص مشان تبعدوا عن حديث الام والاحساس ترا انا واقفة على نكشة مشان الله تعوا نحكي على الرقص والطبخ شو قصة الي تعودت على قلة الطبخ والله صعبة يعني قد ما كان زوجها مساير وظريف ضروري الوحدة تخنها و تقضيها طناش ثقيلة مو يا بنات

سرووءة · 02-13-2012, 05:34 PM

نادو
مافي احلا من الرقص بس مو نصيحة وانا بالشهر التامن هههههه
اي والله يانادو الوحدة متل مابتتعود بتصير
يعني عودي حالك وزوجك انك تطبخي
ووقت مابتكوني حاسنة لاتطبخي وقتا زوجك حيقدر انك موحاسنة
لان بالايام العادية الوحدة مابتقصر
بعدين شو ذنب هالرجال فوق ماعم تشتغل وتصرف عهالبيت ههههه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
تجمع حوامل سوريا-دردشة ورود سوريا-دردشة الغاليات	jorri sham	إستفسارات حوامل من الشهر السابع إلى الشهر التاسع	791	07-07-2012 04:03 AM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM