بنات كلنا نعيش مشاكل بالحياه ادخلي وفضفضي وقولي لنا مشكلتك

[حبيبة جاسم]

انا مشكلتي ان زوجي ما يحترمني و لا يقدرني ولا يراعيني ابد وانا حامل
مع اني والله مب مقصرة معاه في اي شي لكن للاسف بدون اي مقابل
ما اسمع منه الا كلام مثل السم بس عشان ينكد علي و يزعلني
احس مايحب يشوفني مستانسه ابد
وهالاسلوب زاد اكثر عقب ما حملت ... كنت اتمنى بس يهتم فيني شوي او حتى اذا تعبانه يقول لي سلامتك
لكن ما اسمع منه الا الشماته اذا شافني تعبانه او يقولي انتي مش مهمه اهم شي بنتي اللي في بطنج يا ويلج اذا قصرتي معاها اذا كنت تعبانه وما اقدر اقوم اسوي لي اكل ... اتمنى لو بالغلط اسمع منه كلمه حلوة ... مرات اقعد بروحي و اتخيل انه يعاملني عدل .. تخيلوا يا بنات صرت احلم احلام يقظه عشان اتخيل انه يحبني او اتخيل ان عندي حبيب يحبني و ما يقصر معاي بشي ...
حتى اذا كنا في مكان عام عادي يصرخ علي و يهاوشني قدام الناس ... مع اني يا بنات انسانه هاديه و طيبه وكل الناس تحبني حتى اهله ما عدا اهو ... انا كثير مكتئبه ... يوم اشوف اثنين متزوجين في مكان عام و الا حتى في التلفزيون و الا حتى حماي و مرته يتكلمون و يسولفون مع بعض عاادي .. احس بغصه في قلبي و ماحس الا دمعتي نازله
الله المستعان