تكفووون ردوااا علي حدي متازمه

[ريمان2012]

السلام عليكم ورحمة الله وبركاته
بدخل سيدا بموضوعي بنات انا كاتبه من قبل انا دورتي متاخره طيب يوم الاحد جالي الم مو طبيعي باسفل بطني دقيت ع دكتورتي وقلت لها بجي الحين عنك ابغي اسوي تصوير ورحت عنده وشرحت كل شي وسوت التصوير قالت لي بطانة الرحم متهيئه لحمل وسماكتها ثنين سانتي تقريبا قالت احتمال يكون حمل بس ماراح يبان الحين تعالي يووم السبت عشان اعيد لك التصوير ونحلل لك طيب انا فررحت مره واستبشرت الا قالت لي بعدين عندك تضخم جهة المبيض اليسار صاير مره اكبر من اليمين قلت لها عدل انا الالم من جهة اليسار صرت مااقدر اتحرك قالت هذا يانك تكونين حامل ولابسبب احتباس دم الدوره والحين انا محتاااره مررره خايفه من هالشيء تضخم بالمبيض حد صار معها كذا ياليت تفيدووني
اكيد احد مر بهالحاله وقسم جالسه اكتب وانا اصييح من الالم والخووف

[غربة]

اختي لاتخافي عسى خير وان شاء الله تكوني حامل سلمي امرك لله بس انا والله ماعندي خلفية عن تضخم المبيض
ربي يرزقك الذرية الصالحة

[همسات ام]

لا اله الا الله والله ماعرف شنو اقولك
طيب هل انتي واثقه في هذي الطبيبه؟ اذا ماكنتي واثقه منها راجعي وحده ثانيه باسرعوقت
انا ماريد اخوفك لكن الالام القويه اسفل البطن في احد الجنبين مع وجود تضخم في جدار الرحم يوحي بحدوث حمل هو احد اعراض الحمل خارج الرحم لازم حسب ما اعتقد تعملي تحليل حمل رقمي واذا كانت نسبة الهرمون منخفضه فهذا دليل اخر اعملي بحث في النت عن الحمل خارج الرحم وشوفي اعراضه
يا رب مايكون ضني صحيح لكن لازم تراجعي بسرعه للتاكد من عدم وجود الحاله
ربي يشفيكي ويبعد عنك الشر ويرزقك بالحمل السليم المعافى *

[ريمان2012]

اختي غربه مشكوووره ع الدعوه ربي يسمع منج واكوون حامل وماتطلع لي اسباب ثانيه حديي خايفه اليوم حجزت عند عياده وبروح بعد شوي وبجي ابشركم دعواتكم

[ام الزين كله]

ريمان الله ييسر امرك ويطمن بالك

[ريمان2012]

همسات ام مشكوره ع الرد يارب مايكون خارج الرحم لان حتى انا قريت انا هاذي من الاعراض بس متوكله ع ربي ان شاء الله مافي الاالخير

[ياجرح لاتكبر]

ماعندي فكره
ربي يشفيك وماتشوفي شر ان شاء الله تكوني حمل ربي يرزقك ويرزقني هدالشهر

[ريمان2012]

ام الزين مشكوره ع الدعوه الطيبه

[سحابة الماضي]

ان شا الله خير حبيبتي

جربي دكتورة تانيه وشوفي شو بتحكيلك

وان شا الله حامل

[وردة الاردنية]

الله ييسر امرك ويطمن بالك