بالتاسع ودمي نازل مررررره ...

[Um Dana]

هلا حوامل شلونكم ...


امس كان موعدي مع الدكتورة .. بعد التحليل طلع دمي 10 ..

تقول الدكتورة مو زين لك بتنزفين كثير .. تحتاجين دم اكثر ..

وانا ما ابلع حديد قبل يسبب لي امساك ..

المهم الغلط علي .. والحين بديت اخذ الحديد ..

وانا اكل كويس خصوصا الغدا ..

بس وشو تنصحوني فيه بعد ... ؟

يعني فيه اشياء واجد ما حب اكلها .. وهي مفيدة لي .. بس ماحبها ..



انتطركم

[همس الانين]

كلي الزبيب الاسود بلية في موية من الليل ولما تصحي اخلطية في الخلاط وفي خلال يومين يرتفع وكمان كلي البنجر معروف مرررررة

[فليك]

اهلا عيوني
انا ما نفع معي لرفع نسبة دمي الا " الكيوي " استمريت على اكله و شربه خلال اسبوع ارتفع من 7 الى 11 و نص .......
جربيه و باذن الله رح تلقي نتيجه ترضيكي
و انصحك ان ما تراجعي المستشفى كتير لانهم يطلعوا فيكي كل بطال على الفاضي
اهم شي توكلي على الله و لو صار معك شي غريب او قوي ساعتها راجعيهم
الله يقومنا بالسلامه يااااارب

[Um Dana]

ما احب الزبيب ولا البنجر ... احب الكيوي .. بجيب لي وباكلة ..

مشكورين ..

[نسمة دفا]

استمري على حبوب الحديد ..وخذي حبة الصباح وحبة في الليل

خذي فروز ف بالشوكولا..ماتسوي إمساك..وكلي كيوي وموز وتمر..الطماطم..البقدونس.السبانخ.كلها غنية بالحديد

ربي يقومك بالسلامة أنتي والبيبي

[so0oso]

حبيبتي لا تتهاوني واضغطي على روحك لاتقولي ما احب (التمر-عسل قصب السكر- الزبيب الاسود- البنجرممكن تخلطيه في الخلاط وتصفيه وتضيفي السكر وتشربيه بارد وممكن مع السلطه-السبانخ-الملوخيه-الجرجير- الكيوي- الطماطم-الكبدالمشويه)
الله يقومنا بالسلامه قولي امييين

[وردة الأمل]

تبوله اعملي لك تبوله

[(( مدلعه ))]

ماتشوفين شر يا قلبي و الله يبعد عنك الشر.. البنات ماقصروا قالوا لك عن اشياء كثيييره ومفيده .. وانا نصيحتي لك عن تجربه (( التمر والزبيب الاسود و الكبده و الفلفل الاخضر البارد..)) خاصه انك بالشهر التاسع بيفيدك التمر في الدم وفي تسهيل الولاده بإذن الله .. و الله يتمم لنا على خير وهون وسلامه .. طمنيننا عليك

[Um Dana]

مشكورين خواتي ..

الله يسهل علينا يارب

[شوكلاطة]

مثل ماقالو خواتي ,, التمر واحب ازيد

وعسل القصب مفييييييييد جداَ انا دمي كان نازل جدا واستمريت على العسل الأسود عسل القصب ملعقتين أو ثلاث فاليوم وماشالله والحمدلله ارتفع

وبعد استمريت على

عصير التفاح الطبيعي اخلطيه مع عصير البرتقال
( الحديد في عصير التفاح وفيتامين سي في عصير البرتقال ) ودايما ينصحون بفيتامين سي مع الحديد لأنه يعززه ويساعد الجسم على امتصاص الحديد

والتبولة ,,
الحديد فالبقدونس وفيتامين سي فالليمون والطماطم

وحبوب الحديد اخذيها مع كوب عصير برتقال أو اكلي بعدها برتقال ,,

وان شالله بيرتفع ,, وماتشوفين شر