اللي اخذت ابرة الظهر تدخل بليز

[noona 28]

السلام عليكم ورحمة الله وبركاتة
ياقمر أنا ولدت قريب
وأخدت إبرة الضهر

راح أقلك كل الي أعرفو عنها بما إني جربتها

أول شي جلسوني على السرير ومسكتني ممرضه عشان ما اتحرك وطلبت مني انزل راسي على تحت وثبتته ليا
وحطو على ضهري زي اللصقات مكان الابرة

وجا الدكتور المسؤل انو يعطي الابرة واعطاني هيا
مافي ألم أبدن وقت اخدتها زي ألم اي ابرة تاخديها
طبعن انا ماني شايفة شي بوصفلك بس على الإحساس

طبعن اتخدرت من تحت كلي
ووقت الدفع ماكنت حاسة بأي شي الدكتورة تقلي ادفعي وانا بدفع ومني حاسة اني بسوي شي
وفجاءة شفت بنتي قدامي
مــــــــاحسيت ولا بشي لما خرجت لاني مخدرة تماما

طبعن إن شاء الله كل ولاداتي الجية راح أخذها

ملاحظات :

1- قبل ما أخدها سألت دكتورتي وطمنتني من ناحيتها وقالت انها لها سنين تولد ناس اخدوها
وحالتين بس الي انعكست سلبي عليهم بس والله مني فاكرة ايش قالت بالضبط
وانهم هنا في امريكا يعطو ابرة الضهر من قبل 30 سنة ومامنها خطورة

2- إبرة الضهر مامنعت عني الألم بالعكس حسيت بألم الطلق طول الوقت يمكن عشاني أخدت طلق صناعي .. ما أعرف والله بس زي ماقلت لك فادتني وقت خروج الراسي ماحسيت ولا شي

3- صحبتي بالعكس تقول خفف عليها الألم ( ألم الطلق ) لكن وقت خروج الراس حست فيها عسكي انا يعني يختلف من وحدة لوحدة

4- دي الايام بيجيني ألم في ضهري من فوق كدا تحت الكتف بشوية
ما ادري هل هوو بسبب الابرة ولالا .. وان شاء الله لما اروح موعدي للدكتورة بعد الاربعين راح اسألها

ونصيحة مني لأي وحدة مترددة .. إنها تستخير الله أول شي
وتاخدها ..
أنا طول عمري أسمع انها خطيرة وإنها تسبب شلل لو اي حركة صارت ..او انضربت الابرة غلط وكـــــلام

لكن حسيتو كلوو مبالغة ومو صح .. يعني زي ماقلتلك اهم شي الوحدة ماتتحرك وقت مابتاخدها .. وأكيد الدكتور الي حيعطيكي هيا حيكون متمكن من شغلوو

إن شاء الله اكون أفدتك في الموضوع .. ولاتنسيني بدعوة حلووة