سـ ـ ـ ـوالـفـ ـ ـ سوالف خكري مع امه ..لاتفوتكم

[زوجي كل حياتي]

اليــوم جـايـبه لـكـم
سـ ـ ـ ـوالـفـ ـ ـ سوالف خكري مع امه ..لاتفوتكم

رطوبه
رطوبه
حررر طفشش
خلاص
تعبانه
يؤ
قصدي
تعبان
العجوز .. اقول ياجعل عيني ماتبكيك ورا ماتتمرجل مع الرياجيل
وتغدي ذيب
نعن ابو فررتك انت طالعن على من؟
انا يوم اني بسنك كنت اقود قطيع من الغنم واقود قبيله مثلك

yay: ماما اش معنا غنم ؟؟ .. اييه قصدك الخروفه
العجوز:اييييييييييييييييه ياويحي تقول خروفه ها
ياحره تسبدي
ابوك يوم كان بسنك كان يطارد ورا الاسود يبي يصلخ جلدها ومن ثمن يبيعها ..يدور ورا رزقه
انت لو يطب في حظنك (شبث) =عنكبوت انكسر حوضك
yay: ماما يعني بابا كان زي ماوكلى؟
العجوز :نعن ابو حيك الى يسمع سوالفك يقول عمرك ثلاث سنوات وانت ترا جالس تبحر بالعشرين
اقول تقلع من قدامي لا تخليني اتخلى عن انوثتي وارتكب فيك جريمه
ترا مو ماسكني عنك الا صله القرابه ..
yay :خلاص ماما بروح انام
العجوز: نم ياجعل تنام فوق ظهرك تريله .. ربها تقسي عظمك يالرخله
yay:ماما ؟ ليش انتي عدوتي ليش انتي دايم تحاولين تحطمين مشاعري
ليش انا مو دلوعتك يؤ قصدي دلوعك انا مو ضناكي الى تخافين
عليه
العجوز: تصدق احرجتني بكلامك تصدق حمرن خدودي وبجلس ادق راسي اسفا للى سويته فيك
وراك والله ماذقت عقال ابوك وهو على ظهرك
yay: ماما تدرين وش اتمني ..
العجوز: وش تتمني يا هيفا
yay: اتمني بس تشوفين حليمه وتاخذينها قدوتك
العجوز: وش انتي ياحليمه ؟
yay: بنت بولند ياماما
العجوز: اقول ليت والله تاخذ اخوك خلف قدوت(ن) لك مع انك اكبر منه بسنه
هذاك والله الى شعر شنبه اكثر من الشعر الى بجسمك
هذاك والله الى زنده يوقف عليه التيس .. انت لو تلبس ثوب شتوي ثقيل جاك الغظروف
هذاك عزوتي .. وسندي
العجوز: يااي
yay: يس مام
العجوز: وش يس ذا جعل تيس ينطح ذنبك .. يالسفنجه
انت من الى علمك الهرج ذا
قل لبيه يمه سمي يمه
لو طب علينا حرامي وش بتسوي ياروح ماما
yay: بشد شعره وبقوله عيب عليك
العجوز: لاتكفى ارحمه مسكين
وانت تفكر الحرامي مخلي شعره مثلك ياباربي????
الحرامي يجيك في وجهه شطبه سكين اعرض من يدك
yay: يووه لا تخوفيني ماما اجل بقوله حوحو خذ كل شي الا السكيتنج حقتي واغراضي من بدي شوب خلها لى الله يخليك
العجوز: الله... وانت منت بمسويله شي ؟
yay: وش اسويله ياماما بقوله لا تسرق ترا السرقه حرام
العجوز: بس
yay: يس
العجوز: الله يخلف على امن جابتك بس
((على دخلت خلف من الشارع ))
العجوز: تعال خلف تعال
خلف: سمي يمه لبيه
العجوز: هلا بعزوتي وبسند ظهري هلا
لو دخل علينا حرامي ياخلف وش بتسوي فيه.. امتعني سمعني اطربني
خلف: بكسر ظهره ثمن بدعس على رقبته واقطع يده وافك ركبته... واعلقها على باب الشارع عضه وعبره لغيره
yay: يووء بتسوي فيه مثل ماسوو في بطل فلم الحريه مسكين
خلف : سكين والله تقطع اذنك ذي الى كنها كليه فار
yay: يو ترا ما استحمل الكلام ذا ترا ما اعرف انام اخاف..
بروح انام احسلى من الجلسه معاكم يا عيال دراكولا؟
العجوز: دراكولا يمص دمك هذا لو عندك دم ماطلع الى بجسمك عصير دناو
احد يقول عن امه تسذا؟
yay: خلاص ماما سوري
العجوز : سوري يهابدبك بجدران دمشق قول امين
yay: ماما ترا بروح بعد ما الشمس يخف زعلها محل نكتار بشتري لى بعض الحاجات مخلصه من عندي
العجوز: وش يخف زعل الشمس ماخبرت الحتسي ذا ؟
yay: يعني يماما لمن تبرد اشعه الشمس يعني بعد المغرب
العجوز: وراك ماتطلع بالضحى ياجعلي اضحي فيك العيد الجاي... قصدي والشمس زعلانه
yay: لاماما اخاف على بشرتي تتعور
العجوز: لاعاد تقول ماما ياجعل مومياء تحضنك ...ياللأنثى
وبتروح مع من ؟
yay: بروح مع اصحابي وائل ولؤى وهيثم
خلف يطمر من بعيد ويقول :على فكره حبيبي يااي اخبار وائل وشلونه هو
yay: وليش تسئل عنه؟
خلف : بس اسئل عن حاله
yay: زين تمام وتوه ماخذ شهاده في رقص الباليه
خلف: والله انا الى برقص من الفرحه لو استفرد به
yay: وشو ماسمعتك
خلف: لالا سلامتك توكل بس
yay: ثانكس بباي
العجوز: اقول خلف وش جالسن تثرثر به انت وخوك المايع مهيب عوايدك
خلف: لا ..بس اخوي واشوفه لايكون يمشي مع دشير ولا شي خايفن عليه
العجوز: ليته يمشي مع دشير ولاهو جالس يتمكيج قدام التسريحه كل يوم
خلف: والله يايما كان سمعتي عن قصه برجس ثانيه
العجوز: وشو
خلف: سلامتك يالغاليه..
العجوز: اقول ياوليدي ورا ما ندخل اخوك ياي العسكريه ربه يترجل
خلف: وش عسكريته يما والله ان يرجعلنا الولد كوبري
العجوز: وش كوبري ذا
خلف: انسي انسي الموضوع هذولا عسكر جياعه والله ليشوفونه يحسبونه اليسا تتمشي قدامهم بلبس عسكري
((وبعد ان خف زعل الشمس وجا وقت المغرب))
yay: مامي انا طالع
العجوز: وين رايح يا سالى ؟
yay: يؤ مامي نسيتي بروح نكتار
العجوز: ايه ذكرتني طيب وانت راجع جب معك خبز
yay: ليش مام
العجوز: .. بتعشي ياجعلى اتعشي يوم عرسك...... مهما كنت ولدي وابي افرح بك
مدري انت الى بتخطب ولا هم الى بيخطبونك ياحسرتي بس
yay: لامام بجبلك كلوب هاوس
العجوز: كلاب والله تعض خصرك ذا الى كأنه خاتم
yay: وبعدين مام انا بتزوج تشلسي
العجوز: وشو ذا
yay: بنت كلنتون
العجوز:وش لبتن ذا
yay: هههه مام ضحكتيني لا بنت رئيس الولايات المتحده الامريكيه السابق
العجوز: وشوتقصد.. عمريكا؟
yay: ايه شيكا بيكا هههه
العجوز: وتضحك بعد ايه خبري بك راعي شكشكه
yay: ايه مام وش احلى من اني العب بخصري واهز وسطي
واتزوج حبيبتي تشلسي
وبعد ما اتزوجها .. اكلم ابوها واقوله اطلع من العراق وكلم اسرائيل وخلها تنسحب من فلسطين
ولا ترا بزعل تشلسي ولا راح اشتررريلها ايس كوريم
العجوز: وهذا الى تقدر عليه ياكبده امك تزعلها ولا تشتريلها عسكريم
انا ابوك يوم زعل على اعطاني طلقتين بالشوزن في ظهرى
ــــــــــــــــــــــــــــــ ــــــــــــــــــــ ـــــــــــــــــ

[عاشقة طيور الجنه]

ههههههههههههههههههههههههههههههه

يالبى خلف

[حنين الجنة]

هههههههههههههههههههههههههههههه

yay يهبل ههههههههههههه

[مامي نور]

ليش انا مو دلوعتك يؤ قصدي دلوعك
سكين والله تقطع اذنك ذي الى كنها كليه فار


هههههههههههههههههههههههههههههههههههه

كتير بيضحك مع إنو تلت الكلام ما فهمتو
هيدا بأي لهجة؟؟

[روح الورد]

هههههههههههههههه
يسلموووو

[rose]

يسلمووووووووووووووو
في جمل مافهتمها والله بس احسها تهلك ضحك

[زوجي كل حياتي]

اسعدتني ردودكم
(اتوقع)هذي لهجت اهل الرياض واللي حولها

[^_^اســـيـــل^_^]

ههههههههههههههههههههههههههه
ههههههههههههههههههههههههههه
ههههههههههههههههههههههههههه

يعطيك العاااااااااااافيه يابنت العم

[زهرة الألماس]

هههههههههههههههههههههه
yay طنط خخخخخ روووعه بضحك
ولا العجوزة هههههههههههههه
يسلمو حبيبتي على المووووضوع

[زوجي كل حياتي]

نورتو يالغلا صفحتي