تجمع لحوامل شهر جمادى الأولى 1433

[متغربه]

سروؤه.. لا تخافي حبيبتي أن شاء الله كل شي تمام، والاشعه الرباعيه يقولي الدكتور عنها أنها مجرد تسليه يعني مو ضروري ان الحامل تسويها ألا إذا طلبت الدكتوره الشي هاذا، لأن بالأشعه العاديه يبان إذا كان فيه مشاكل، بالنسبه لي بسويها على حسابي في عياده خاصة بالأشعه بس الدكتور ما طلبها مني، ودائما تفائلي بالخير سروؤه وما يجيك ألا الخير أن شاء الله.. الله يعينك على الحموضه أختي تعاني منها كثير وقت الحمل أشربي حليب بارد وان شاء الله ترتاحين..

[سرووءة]

انا متفائلة بربي
بس دايما لان اول طفل الكل يخاف
وخصوصي ان انا وزوجي اولاد عم اللزم
وانا لما سالت الدكتورة قالتلي ماصروري تسويها
قلتلها معلس انا وزوجي حابين نسويها
قلتلي تفائلي خير
بس عشان اطمن واريح قلبي
..

[قمر .]

صباااااااااااااااااح الخير جميعاااااااا
اخباركم اليوووووووم .. ودي اعلق ع كل وحده بس مالي خلق
من مثلي يحس انه عنده اكتئاب الحمل الله يكفينا شره
وربي طفشاانه باخذ شووور ورجع وان شاء الله اكوون مصحصه واشووف احد اسولف معه

[قمر .]

المشاركة الأصلية كتبت بواسطة سرووءة

انا متفائلة بربي
بس دايما لان اول طفل الكل يخاف
وخصوصي ان انا وزوجي اولاد عم اللزم
وانا لما سالت الدكتورة قالتلي ماصروري تسويها
قلتلها معلس انا وزوجي حابين نسويها
قلتلي تفائلي خير
بس عشان اطمن واريح قلبي
..

صباااااااااااح الخير يااقلبي
الله يعينك ع الحموضه ويقومك بالسلامه
سرووءه مادريت انك موسوسه مثلي ...
لا تحطي هالموضوع في بالك وتفااائلي يااقلبي ان شاء الله كل الامووووور طيبه
انا حالياا ودي اخذ اجاازه من الوسوسه واللي الله كاتبه بيصير
توكلت عليك ياارب

[قمر .]

سروووووءه نسيت اقووول توووقيعك خقه جوناااااااااان
داااااخل مزاجي بقوه الله يهنيك فيه ^_^

[قمر .]

المشاركة الأصلية كتبت بواسطة متغربه

آخر أخباري..
أمس رحت شريت باقي أغراض البيبي، محبس وهو مقسم راح استخدمه سرير لحد ما يكبر شوي، وشريت عربيه معاها كرسي للسياره وخلصت اغراضه الباقيه خلاص..
اليوم رحت الدكتور عندي مراجعه والحمد لله كل شي تمام، وسألته عن حمض الفوليك قالي عادي كمليه ما راح يضرك والبيبي، وراح اسوي الأشعه الرباعيه قريب لانه يقول هذا الشهر من افضل الشهور اللي تسوين فيها الاشعه، من الل سوتها منكم؟؟ وايش رايكم فيها؟؟..
طبعا هو دكتور ما كنت ادري انه رجال يوم رحت للعياده تفاجئت، بس وش اسوي كلمت كم عياده وما فيه احد يستقبل لآخر الحمل لازم من أوله، عشان كذا قلتله ابي حرمه حتى لو ممرضه تولدني، ووعدني خير والله يسهلها يارب..
سألته عن الخياطه قلت ابي تجميليه قال انها تكلف مبلغ اضافي ولازم تسوينها بعد ما تخلصين النفاس، يعني نفاس ثاني والواحد يبي يخلص، قلت خلاص خياطه عاديه والله يسهل علينا بس ويعينا، اليوم تذكرت الولاده وآلامها يوم سدحوني عشان بياخذون عينه عشان يكشفون عن السرطان والالتهابات الله يكفينا الشر جميعا، وهذا كشف روتيني عندهم.. سبحان الله نولد وننسى الألم بعد ما نشوفهم الله يحفظهم لنا يارب ويرزق كل محرومه..

صباااااااااااااح الخير او مسااء الخير ع حسب توقيتكم
اخباارك ياقلبي .. الله يعينك ع الغربه تصدقي اهلي اغلبهم
راحوا يدروسوا برى بس في بعضهم رجع ماكمل واللي كمل سنتين وطلعت رووحه
تدري صديقتي تقول خلينا نبتعث وتالي انخطبت الى واحد يدرس برى ونفسيته زفت هونت قالت مابي ادرس قلت لها فرصه لانه هو هناك بس مي قابله قالت عن هلي ابرك اياام الرياض خلصت ما ابي اعيدها والزواااج لاحقه لو بعد 100 سنه << جابت العيد 100 مره وحده

ويتهنى يااقلبي بالاغراض ويقويك القوووي
صار خاطري اتسوق بس اللي عندي داايم مشغول الله يعين
و ع المشفى والله موقف صعب رجال يولدك بس الله يسهل عليك وان شاء الله ماتحتاجي الا الخيااطه التجميليه
بس اسمع عنها كثير الى هالدرجه الوحده فينا تتشوه من الولاده والله خفت
وخصوصا انوا هذا بكري يعني الحيااه قدااامي
بس حلووو التحاليل اللي يعملوهاا الواحد يطمن ع نفسه

[قمر .]

المشاركة الأصلية كتبت بواسطة ((ام ليان))

صباح الخير
توني صحيت ما شاء الله عليكم تعبت وانا اقرا اللي فاتني
عادي يا ام رزان التورم خاصه في الشهور الاخير
اخر مراجعة اعطتني الدكتورة سي دي تمارين للحامل بس يوم شفت
قلت لو اسوي مثلهم على طول ولادة اتعب من ظهري

يسعد صبااااحك قلبووو اخبارك وكيف اموورك ان شاء الله طيبه
وكيف مريضكم ان شااء الله تعافى
ع طاري التمارين متى انسب وقت لهااا ؟؟ بس حلو يعطويك سي دي
والمدربه حااامل يالله تشيل نفسهااا خخخخخخخ
واللي يتمرنو معاااها اردى منهاا
كل وحده تقوول الزود عندي << معليش اتخيل
بس ياقلبي حاولي تسووي قليل ولا تهلكي رووحك والولاده لاحقه عليهااااا
يامسهل والله ودي افتح عين وغمض عين واشوف روحي ولادانه مااا ابي اتخيل الولاده ابي ع الجاهز ولدت خخخخ

[قمر .]

المشاركة الأصلية كتبت بواسطة عصفورة القلوب

السلام عليكم
كيفكم صبايا ومشكوريين على الترحيب الحلو :) ... والله اني فقدتكم اليوم ماحبيت انام وانا ومامسيت عليكم (f)
ممكن تساعدوني بترتيبات الولاده .. بالنسبه للبيبي الحمدلله خلصت بس كيف ارتب اموري لان احتمال اني اولد ببيتي ومافي احد عندي :( .. او اني اروح عند اهل زوجي وانا ماني حابه اتعبهم معايا وخاصه انه عندي ولد عمره 3 ونص فياريت اقتراحاتكم

ياهلا .. والله ودي بس انا بكريه ماعندي خلفيه
بس اللي هنا مايقصروا بس من راااي روحي الى اهل زوجك
ودللي روحك هو كل يووم بتولدي وخصوصا عندك طفل صغير يبيله
والله يسهل امورك يارب

[قمر .]

المشاركة الأصلية كتبت بواسطة أم رزاان

هلا سهاد قلبي
فعلاً يالغالية بناتي التوأم ولدتهم على الاسبوع 27
وكثير اطباء قالوا ربي كاتب لهم عمر سبحان الله لنهم كانوا في بداية السابع وتوأم !!
والحمد لله الآن عمرهم 18 سنة عرايس :)
والثلاثة الباقين برضوا ولادة مبكرة بس على الثامن

بس تبغى الصدق أنا مو من الناس اللي يداروا انفسهم وقت الحمل !
وبتحرك كثير واسافر واحياناً اجهد نفسي مررة !
مع انو الآن عندي شغالة وبناتي الله يحفظهم كبار
بس تلاقيني طالعة نازله طوال اليوم لان غرفتي فووق
ما اركد إلا إذا شفت زوجي ابلع العافية واعقل هههههههههههههه

^_^

يؤ يؤ يااقلبي سلامات الاخت في عالم ثاني
بس اتوقع من الحركه انتبهي الى روحك وانا خلاص بكلم ابو العيال
واتفق معاه يقول الى لبنات اذا تحركتــ امكم كثير يكلموه حتى يكلمك وتعقلي
انتبهي الى رووحك يالغلا والتورم طبيعي زوجة اخووي من الخامس واذا مشت تتالم
الله يسهل عليكم امس اختي قالت لي قصه وحده معاها في الدوام انوا جاء ها طلق مبكر تخيلوا هي في الشهر السابع ونص بس ان شاء الله ماتولد وتقووم بالسلامه الى الشهر التاسع وتولد براحتهاا ويكوون النونو كمل نموه ع خير

[قمر .]

احس فيني النووم بروح انام كم سااعه حتى اروح بيت اهلي
اليووم الخميس تجمعنا .. اشوفكم ع خير ..