حامل للمرة الأولى....شاركينا تجربتك

[مملكيه]

هاذي اول مشاركه لي..

انا ماشاءالله تبارك الرحمن.. حملت في شهر العسل..

وللحين ماكانت عندي فكره عن اعراض الحمل لان كنت اتقرى بس عن العرايس وشهر العسل ماقريت شي عن الحمل.. عشان جذي يوم كنت في شهر العسل حسيت باعراض الدورة وجان اخذ حبوب بروفين للاسف الشديد..

رجعت ديرتي وتاخرت الدورة وابد ماهتميت لان كنت متوقعه تتغير الهرمونات بعد الزواج واصلا دورتي تتاخر حوالي اسبوع كل مره الشي طبيعي..

حللت يوم تاخرت 5 ايام طلعت مب حامل..

وام زوجي تقولي حامل .. استغفر الله كنت احلف اني مب حامل وثقت بالفحص واعراض الدورة ملازمتني من الم صدر وبطن..

بعد ما تاخرت الدورة 10 ايام فحصت مره ثانيه وطلعت حامل!

كنت من الصدمه اقرى تعليمات الفحص المنزلي اكثر من مره ومو مصدقه وقعدت ابكي من الفرحه لاني اكثر انسانه تحب الاطفال..

وبعد ساعه من الفحص المنزلي طلعت المستشفى بروحي وسويت تحليل دم وتاكدت اني حامل وصفولي فولك اسيد وهاوشتني الدكتوره اني كلت بروفين .. بعدها صحت من الحزن والخوف عالبيبي ..=(

رجعت البيت وبالمسا خبرت زوجي الخبر ومايحتاي اوصف شعوره لانه نفسي يحب الاطفال وايد =)

ثاني يوم وداني زوجي لدكتوره غير وطمنتني من ناحية البروفين.. الحين انا فالاسبوع السابع بس احس حساب الدكتوره غلط لاني تزوجت بعد ماطهرت بكم يوم وهي حسبت على الدورة.. هل الحساب صح؟


سمحولي طولت عليكم بس اول مره اشارك احد قصتي الكامله بهالشكل=)