حساب الحمل مع بعض الاسئله

[أماني آل ظاهر]

أختي سمو الاحساس دخلت عشانج
أنا بالجنين الثاني ما كان واضح ابدا بس الحمد لله بعدين كان واضح
وكان عندي افرازات بنية بس أخذت مثبت وارتحت ع الآخر والحمد لله راح النزيف وألحين أنا في نهاية الرابع وعسى ربي يثبت حملي للنهاية وأفرح بشوفة توأمي
حبيبتي عندي لج دواء سحري جربته ونفع معاي وهو ( الاستغفار ) ، خذي مسبحة وعودي نفسج كلما قلقتي ع الجنين او وسوستي تستغفرين وااااايد وان شاء الله أمورج رح تنحل .
أختي أنا دائما أسمع عن قصص الاستغفار وبصراحة ولا فحياتي جربت إلا من شهرين وأخذت الطريقة من موضوع مكتوب بمنتدى ، كنت أغفل بس بالمسبحة ما أنسى وألحين ما أوقف عن الاستغفار والحمد لله ، موضوعين صعبين للحين تحققوا حتى زوجي مندهش كيف تحققن لي، فسبحان الله كيف للاستغفار دور في تفريج الكروب وتحقيق المطلوب ! جربي أختي هالطريقة وبإذن الله يتحقق مرادج .....