تجمع حوامل ليبيا

[عيون زوجي]

لا ما كلمتهاش لان موعدها مازال مع الساعه 12

[راية]

المشاركة الأصلية كتبت بواسطة يقين

رايه تي غير كيف حالك خيرك فايتيني بالطويل اني البوابه راهوا متاع التجمع لازم كل ما تخشي تشيكي اعليا

يقوووووووووووونة لا عاد علاش معقولة بنفوتك اهو رديت على موضوع الاسئلة لكن اجوبتك انت مليحة الحق في الصميم تفكري فيا بوحدة صاحبتي مش بعيد تطلعي هي

[المتفاااائلــــه]

المشاركة الأصلية كتبت بواسطة يقين

خيرا يا متفائله اني زي الاطرش في الزفه خيره شن صار قوليلي بس
وبعدين ام وسونه طيبه واحنينه مش حتزعل منك
وانت دمك خفيف واموووووووووووووووووره يا ودي ما ينزعلش منك الحق

نحكيلك شنو صار باختصار بش ما تقعديش ادوري في الصفحات .. هذا يا ستي آمش ام وسونة خشت وقالت اليوم بنت أختي جو يخطبوا فيها ناس .. والولد عجباته هلبا وبيولوا الأسبوع الجاي ... طبعا وخيتك متفائلة جوها مش مليح وبنغير جوي .. لكن شكلي والله أعلك اني اخترت الطريقة الغلط .... قلتلها حي يطلع هذا خوي حتى هوا اليوم مشينا نخطبوله وحتى هوا مهندس زراعي ومواليد ال76 زي المواصفات اللي قلتيها ... ومشيت معاها شوية في المقلب .. بعدين قلتلها راهوا مقلب وانبصر عليك وما عنديش خو بالمواصفات هادي .... مشت حرجت مني وقالتلي آني فرحت وكانت نيتي اني فرحت وقلت بكشي على الأقل نتلاقوا في الحق ... لكن آني نيتي نية وانتي نيتك نية والمقالب ماتكونش هكي ... طبعا مافهمتش شنو تقصد بالضبط على النية ...وهوا هذا اللي صار .. طبعا اعتدرتلها وعطيتها حتى بوسة صلح لكن شكلها ماقبلتهاش ...
وقررت اني ماعاااااااااااااااااااااااااااااااااااااادش بنبصر مع حد ... الله غاالب ماتطلعش عليا البصارة ...

[يقين]

عيوني اني الحق هدفي ومقصدي النسواااااااااااااان وتقصقيهن الدنيئ
لكن وراسك يا وخيتي قلبي طيب واحنينه ما يهون اعليا واحد وخاصه الشباب ما نقدرش انقصر معاهم في شي ونستضيفهم احلا ضيافه مع اني نغلي من داخل لاني متقيضه بس والله ما يدغر في داره كان الكلب حاشاكموالضيف وصى بيه الرسوا ص
بس النسوان وين ينشدن نشدتهن الحرفه نحب انربيهن هههههههههه ووووووووو نحشم ولا شوارعيه ماتغير قاعده زي فبل مانتزوج بلطجيه وقطاع طرق

[رغوده2006]

السلام عليكم
كيف حالكم متفائله ورايه عندي ليكم دواء مش عادي وجرباته بنت عمي ليها 3 سنين وحملت واختي جابت بنت ولد وقعدت 10 سنين بعدها ماجابتش وتوه حامل في شهرها من الدواء هذا وبأذن الله حتى انتم تحملوا

[عيون زوجي]

ههههههههههههههه حلوة كلمة ماتتطعش عليا البصاره
اسمعي شنو درت عشاك والسؤال لرايه ويقين

[عيون زوجي]

ربي يحفظك يا يقين
رغودة كيف حالك وشنو تعشيتي
وبشرينا شنو هو الدواء

[يقين]

متفائله معليش حبيبتي يمكن ام وسونه حساسه او عندها ضرف مضايقها هيا احنينه وقلبها طيب وانتي معاش تقولي هكي خيرك والله دمك كيف الشربات ورازنه مشالله اعليك

[يقين]

عيوني سلم خاطرك وان شالله لاباس عليك ان شالله

[راية]

متفائلة توا شفت الردود متع امس لقيتك تسألي على الدكاترة بالنسبة للدكتورة سالمة المسلاتي اللي قتلك عليها عيوني في الطبي هذي عندها يوم الثلاثاء في عيادة المختار في بن عاشور قالولي عليها كويسة واتصلت بالعيادة سألتهم عن موعدها قالتلي الفالحة اللي ردت عليا من الساعة 8 صبح ل 8 الليل ومشيت يوم الثلاثاء اللي فات وصلت الساعة 9 خشيت للاستقبال اني وراجلي نسأل عليها قلت امتى الكشف قتلي الساعة 10 تجي الدكتورة اني انصدمت وراجلي طبعا تعصب رد عليها قالها اتصلنا قلتو الساعة 8 وعطاها كلام في السنون وهي تلوي في وجهها مش عاجبها وطلعنا طبعا وراجلي متعفلق ومصارش منها بعدها قالي شوفي وحدة تانية ولا امشي للي مشيتلها قبل وخلاص