هنا تجمع حوامل الشهر (الاول والثاني والثالث)

[قصآيــد]

يسعد اوقاتكم أخوآتي

أخبآركم كيف التعب معاكم

منو أستخدمت حبوب قآطعة الوحم سمعت فيهآ لها ضرر و الا ؟

هل هي نفسهآ حبوب نوفآدكسين > اظن اسمها كذآ ؟؟

[!!أم ناريس!!]

هلا حبيبتي قصايد انا عندي نفس المشكلة واعطتني الدكتورة هذا العلاج نوفادكسين وقالت تاخذية باليل قبل النوم عند الضرورة القصوى بس
الله يسهل علينا كلنا هذا الحمل ويرزقنا ربي بالذرية الصالح

[na3ooma]

صباح الخير كيفكم جميعا ان شاء الله تكونو في أتم صحه وعافية
انا الحمدلله وضعي طيب , امس كله كان سخونة وكمادات وتكسير عظام بس الحمدلله اليوم صحيت احسن
من جد نزلة مفاجاة , الجو هاليومين محمل بأمراض الله يجيرنا .

حواء , مس يويو , مرافيء , خوخة وباقي تجمعنا طمنوني عنكم
وتسلمي ام حماد الشر مايجيك يارب

قصايد النافيدوكسين عادي خذي كل ليلة حبة مالها مشاكل
بس البعض نفعت معهم والبعض لا , واحيانا تسبب نعاس ونوم زياده بالنهار

انا تقريبا استخدمها لما مررره ما اقدر اتحمل لانها تنومني ,
بس مالها اضرار كل الدكاترة يوصفوها

[Haif]

سلامتك نعومه ..

[غلآ]

اهلا فيييكم الف الف مبروك للحوامل الجدد
وحيااكم الله ويانا

مسس يو يو لا ماعرفت وش تقصديين
گيف وش ادخل علييه ؟؟

[مريوم الحلوه]

كيفكم حوامل
كيف الوحاااام
معاكم
اخباري ان للاسف الجنين توقف نبضه ولله الحمد من قبل ومن بعد سويت سونارداخلي وبالبطن
واكدوا لي موووت الجنينونسبه الهرمون الحمل نزلت
بالبدايه يوم شاكه مااقول لكم بصرحه انهرت وبكيت والكل يقول الله بيعوضج ومن هالكلام
انا خبركم ماحملت الا بعد سنه و8 شهور تقريبا
طبعاااا ماصار الجماع او الادخال الا بعد مرور 8 شهور من زواجي يعني بعد سنه بالضبط حملت
وعشان كذا بكيت بحرقه بالذات ان بكري واخاف اطول مثل المره الجاي مع العلم مااعتبره تاخر كثير
لكن سبحان الله بعد ماقلت لي الدكتوره الاشعه الجنين ميت 100% وشفته بالسونار الداخلي والخارجي جاني احساس مختلف جداااااا عن قبل وجاتني راحه نفسيه
وقلت ي ذاتي الحمدلله من قبل ومن بعد وماصار من نصيبي اكيد في مصلحه يوقف نبضه الحين ولا بعد مااتعلق في وبعد مايكبر بشهور الاخيره
بس حابه اسال اي وحده من كم سقطت هل عملتوااا تنظيف وهل تايدون التنظيف
انا للحين مانزل دم وانتظر متى ينزل عشان اروح المستشفى
بس تركت المثبت ومن تركته واحس باعراض الدوره حيل ومغص بالبطن
هل انتظرمتى ينزل الدم واروح ولا اروح قبل طبيبه الاشعه قالت لي بسوي لج اشعه يوم الاثلاثاء الجاي بشوف اخر فرصه مع العلم خلاص هو بينزل واثقه ميت بس هم مايبون يتسرعون حتى لو تاكدوا
قالت بعدها اختاري تنظيف نسوي لج او نعطيتج تحاميل او حبوب وش الافضل
في نااس تمدح التنظيف اكثر بس ماادري
انا بعدي ماشفت الاستشاري بكره موعدي
عملت تحليل تخثر الدم ومادري وش التحليل الثاني عشان نشوف سبب توقف نبض الجنين
وهل تنصحوني امانع مانع طبيعي طبعا 3 شهور بعد الاجهاض عشان راحت الرحم والظهر ولا عادي مع العلم ودي امانع
والله يعووووض كل من فقدت جنينهاااا ويثبت حمل كل حااااامل يارب ياكريم

[na3ooma]

مريوم الله يعوضك يارب بتوام سليم معافى
واطمنك الحمل الجاي بيكون اسرع ان شاء الله

انا كنت حامل شهر 4 الماضي بعد سنة كاااملة انتظار وبعد منشطات وابر وتعب
واجهضت لما توقف نبضه شهر 6 وقالت لي الدكتورة شهرين كاملة لازم امنع الحمل
وفعلا منعت شهرين ..
وبعدها ارتحت الشهر الثالث وفكرت لما تبدأ رابع دورة بعد الاجهاض اروح ارجع اتابع واخذ منشطات وابر علشان ابدا مشوار المعاناه حق المستشفيات

لكن اللي حصل انه ما جت الدورة الرابعه وطلعت حامل وبدون منشط ولا ادوية
شوفي كيف ربنا كريم ورحيم ,, والله انه مو مصدقة كيف بكل سهولة حصل وانا قبله سنة تعب مع المستشفيات
لا تيأسي ورحمة ربي اوسع وراح يعوضك قريييييييب مره ويختار لك اللي فيه الخير

انتبهي على نفسك هالشهرين ولاتوقفي ابدا الفوليك اسيد استمري عليه لحد الحمل الجاي

[na3ooma]

مريوم بالنسبة للدم انتظري , بعد الاشعة ب 3 ايام نزل علي الدم
وكتبت لي الدكتورة عملية وكنت ابغى اجهضه في البيت
بس العملية احسن واسرع ..الالم تعبني ورحت المستشفى ونوموني
ورابع يوم من الاشعه عملت العملية , سهله وبسيطة مره
وميزتها انه بعد التنظيف الدم راح ينزل اسبوع ويوقف
مو زي اجهاض البيت يستمر شهر لان التنظيف بيشيل كل دم الحمل
ولا راح تنزل عليكي لا كتل ولا انسجه , بس دم نظيف وخلاص ..
والعملية 20 دقيقة بس وماتخوف ,,انا كنت مرعوبة على الفاضي والله ..

وارتاحي شهرين او ثلاثة ولا توقفي ابدا الفوليك اسيد لحد الحمل الجاي

[حواء مثالية]

الله يعوضك خير حبيبيتي عسى ان تكرهوا شيئا وهو خير لكم

الحمدلله على كل حال

[مريوم الحلوه]

مشكوره والله يجزاج الف خير نعومه انا الحمدلله حملي هذا من دون لا منشطات ولا علاج
وان شاء الله الحمل الجاي نفس الشي ع الرغم من اشهر اخذت ع الرغم ماكنت عندي مشكله بالتبويض بس اخذت ولا حملت وبعدها تركتها وحملت عادي طبيعي
اانااا بعد ودي اعمل تنظيف لان مااقدر ع اني اشوف الدم ابدا وعشان يكون الرحم انظف
بكره بروح عندي موعد للاستشاري وبشوف وش راح يقول بسوي سونااار مره ثانيه وبعدهااا ع قرار الطبيب بشوف وش راح يقول الله يعوضني خير يارب ياكريم
مشكوره حواء المثاليه وجزاج الله الف خير