تجمع حوامل ليبيا

ام وسونة · 12-04-2011, 05:52 PM

خلي نمشي نستشور ونرجعلكم ههههه

المتفاااائلــــه · 12-04-2011, 05:53 PM

السلام عليكم ورحمة الله وبركاته :

أول حااجة كيييف حاااكم كلكم .... وتوا انرد عليكم وحدة وحدة ... وشكرااا لكل اللي سئلوا عليا واللي طمنوني واللي فاولولي بالخير ... وان شااء الله يااارب ربي يستجيب لدعائنا ياارب ويطمني ....

طبعا صاحبتكم ماعندهااش صبر بكل بش تستنى .. واليوم الصبح عاودت درت تحليل منزلي وطلع سااالب والحمد لله ... تنكدت شوية كنت نتمنى نفرح ... وبعدين قلت مالياش الا اني نكلم الدكتورة ونقوللها وكان قالتلي تعالي نمشيلها ... كلمتها وقلتلها دكتورة آمتى يطلع حمل بعد ماتغيب الدورة واندير تحليل دم ... قالتلي " على الأقل عشرة ايام " قلتلها آني درت تحليل منزلي والدورة متأخرة ثلاثة ايام قالتلي لالا بكري مازال .... بعد مايفوت عشرة ايام ديري تحليل دم ... وهذا اللي بنديره ...بإذن الله في حالة انها ماشرفتش بعد العرس هذا كله

وبالنسبة ليا قاعدة مانزلتش الدورة الحمد لله ... وآلام أسفل الظهر تمشي وتجي مع تشنجات في المنطقة الحساسة يعني انحس كـأن الدورة بتنزل لدرجة اني نخش للحمام ونقعد نمسح بكلينكس نحسها انها نزلت ...

وان شااء الله ياااربي خيييييييييييير ... وربي يفرحنا كلنا يااارب ..

المتفاااائلــــه · 12-04-2011, 05:54 PM

اقتباس:

المشاركة الأصلية كتبت بواسطة ميراس

حقا متفائلة انحس حامل حسب الاوصاف اللي قلتيها هادي حالة وحدة حامل والله اعلم انشالله ربي يسخرلك ويفرحك

ميراس : كيف الحال حبيبة ... وربي يسمع منك ياااارب .. ويفرحني ... وصحيتي هللللبة ..

المتفاااائلــــه · 12-04-2011, 05:55 PM

اقتباس:

المشاركة الأصلية كتبت بواسطة ليبياقلبي

اول شي متفائلة يارب يكون حمل يارب العالمين وبالنسية لعمرك حتى انا زيك انت وايوتة بس انا اصغر منكم انا 30_7_1987ههههههههههه نفس السنة

إن شااء الله ياربي " ليبيا قلبي " نكون حااامل يااارب .. وبالنسبة ليك انتي هكي أكبر منا لأني آني شهر 9 وأيوتة شهر 19 وانتي شهر 7 ...وان شااء الله العمر كللله يااارب شكله بيطلع تجمع مواليد ال 87 .. ههه

المتفاااائلــــه · 12-04-2011, 05:57 PM

اقتباس:

المشاركة الأصلية كتبت بواسطة saly.me.91

السلام عليكم يا احلى صبايا بدون ما نسمي حد لاني قاعدة ماحفظتش الأسماء قاعدة نيو... كيف حالكم كلكم .. يقين بنسألك انتي فأي شهر توا.. ومتفائلة شن صار معاك خبريني .. وبالنسبة ليا انا غدوة ممكن بيرقدوني فالمستشفى باش بيربطولي عنق الرحم بعد اسبوع

سالي طمنيني انتي عليييك والله نفكررر فيك هلبا وانقول اشبح كيف حالها وانشغلت عليك كيف ماخشيتيش قلت ان شااء الله خير ...وشني يعني بيربطولك عنق الرحم .. يعني بش مايصيرش اجهاض ... ؟؟ وديما طمنينا عليك ...واللي صار معاي كتبته في المشاركة اللي فاتت .. وان سااء الله خير ..

يقين · 12-04-2011, 05:57 PM

ام وسونه طيبت موسمي ايه دجاجه في الكوشه ورز بالخلطه وبابا غنوج ولبنه ريتي موسمي موسم شوارعيه خخخخخخخ غدوه بندير هريسه تعرفيها متاع الشعير هديكا

المتفاااائلــــه · 12-04-2011, 05:58 PM

اقتباس:

المشاركة الأصلية كتبت بواسطة ام قصى محمد;1709283
[i

متفائله شن صار معاك ردين نقرا فى الصفحاتومازلت ماعرفت شن صار معاك طمنينى[/i]

والله ان شااء الله خير ياا أم قصي .. وتوا على كلام الدكتورة بعد مايفوتوا عشرة أيام بندير تحليل دم في حالة انها مانزلتش وان شااء الله خيييير يااارب ..

المتفاااائلــــه · 12-04-2011, 05:59 PM

اقتباس:

المشاركة الأصلية كتبت بواسطة رغوده2006

كنت حامل وكيف جبت ولد زي القمر ادعولي ربي يخليه

مااشاااء الله .. ربي يحفظهولك كوان شااء الله عقبالي يااارب كيف نقول جبت وليد زي القمر ... ادعيييلي .. وأهلا وسهلا بييييك بيناتنا زي وخيتنا ..

يقين · 12-04-2011, 06:01 PM

سالي كيف حالك وحال البيبز
هيا سلام المغرب اذن بنفطرووووووووووووووووووووووووا

المتفاااائلــــه · 12-04-2011, 06:02 PM

اقتباس:

المشاركة الأصلية كتبت بواسطة رغوده2006

قتلكم مبروك علينا النصر خيركم الباين كلكم مؤدين

الله يبااارك فيييك يااارب .. والحمد لله على هالنعمة ربي فكنا من وجهه .. والله لا يعودها ايام الأيام السود امتاعه واحني هنايا كلنا ثوريين للنخاع .... ومن هوا المهبول اللي بأيد واحد زي اللي كان ...

ياااااااااااارب اجمع كلمتنا على الحق ياارب وولي علينا خياارنا واكفنا شر شرارنا ... وألف بين قلوبنا .. ومن أرادنا وأراد بلادنا بسوووء فرد كيده في نحره واجعل تدبيره تدميره ... ياارب العالمين ..