دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[دلوعه موت]

بنات بكتب لكم رد طويييييل ابغاكم تستفيدو منه لاني انا سهرت ايام على الدردشه دي اقراها وخلصتها الحمد لله كنت خايفه موووووت من الولاده والمستشفيات واستفدت كتير من البنات اللي كتبو كل شي بخاطرهم هنا الله يعطيهم الاجر

اولا المستشفيات:
حابه ابدأ لكم بمستشفى حراء:
بصراحه مررره كويسه واخوات زوجي يمدحو الولاده ((القيصري)) فيها
وانا شفتها ايام عمليه ماما جاها ورم بالرحم ورحا تابعت حالتها الدكتوره تهاني المطرفي الحمد لله العمليه تمت بخير ومن ناحيه النضافه مرررررره نضيفين بدون مبالغه عامله النضافه كل شويه تجي تنضف ومهتمين في ماما مره بس المرافق يتعب تعبت مره3ايام وانا نايمه على الكرسي ماصدقت ارجع البيت00

مستشفى المجمع العالمي الطبي:
انا جربت دكتوره رتيبه هناك في اول3 شهور كان ينزل عليا دم خفيف نصحتني مانظف ولا اسوي شي بالبيت وادتني تحاميل تقول تقوي الرحم عدااااااب مهبليه وشرجيه الشرجيه كانت تسبب لي اسهال قوي ومغص الله يكرمكم ماقدرت اتحمل ودوخه قلت لها يادكتوره تعبت مااقدر استمر كانت تصر استخدمها في النهايه تركت المستشفى
سعر التحاليل الشامله عندهم:300ريال

السونار عندهم حلو كبير وفي شاشه بلازما وب100

مستوصف الحي تبع العزيزيه الشرقيه:

في دكتوره اسمها ماجده بصراحه كويسه موبطاله بس موحنونه تعرفو مره رحت لها ودقات قلبي180 وكان عندي ضيق تنفس شديييييييد وربي يبنات خرجتني من غرفتها وماكانت مهتمه بالوضع اللي انا فيه قالت روحي سوي تحليل دم تخيلو ينات جلست ابكي عند غرفه التحليل من قوه ضربات قلبي وسحبو لي دم بعدها غمى عليا طحت بالسيب حسبي الله عليهم والحمد لله كان ربي كاتب لي عمر طلع عندي مشكله بالقلب هي تقولي عندك نقص حديد قبل كم يوم جاتني نفس الحاله ورحت التونسي طواري جابو لي دكتور قلب قالي دقات القلب عند نقص الحديد توصل 110اقصى حد مو 180 والقلب لواستمر فتره بشكل دا ممكن يتوقف في اي لحضه

علوي تونسي:

لما دخلت الطواري بعد ماحطوني في الملاحضه ساعتين كنت عاوزه الحمام الله يكرمكم الله لايوريكم الحمام رييييحه المفروض يهتمو اكتروالولاده كتير مدحوها بزات دكتوره تهاني سعر الولاده فيها 5500 على ماسمعت


مستشفى الاهلي:

كتير مامدحوها بس انا جربت دكتوره غولنارفيها زوجي يقول الدكتوره كويسه والله اعلم
سعر الكشف:100بالسونار وكله
لمعرفه نوع الجنين:يخلوكي تسوي اشعه تلفزيونيه ب250

مستشفى بخش :

كتيييييييير مدحوها بس يقولو يطلبو تحاليل مالها داعي
سعر الولاده :4500

مستشفى السلام:

في بنات مدحوه وانتو فيكم الخير والبركه تزودونا بمعلومات اكتر

[أريج العطر]

المشاركة الأصلية كتبت بواسطة معنى الغرام

انا تمام ياقلبي الحمدلله
السكر النبات انا كمان ماما كانت
تعطي ولدي منه وهوا صغير واي شي اشربه ياه
زي الينسون وهذي الاشياء دايم كنت احطه عليه
بس الصراحه مدري ايش السبب ماجاء في بالي اسال<<<<وحده دايخه

مشكووورة معنى ... ممكن تسألي أمك متى نعطيه الطفل ؟ هل بعد الولادة مباشرة ؟

وعشان أيش يعطى ؟. وكيف طريقته ؟ هل ننقعه في ماء أو مطحون ؟.

[دلوعه موت]

اشياء البيبيهات :

بصراحه اناافكر اشتري البانيو من بوارث سعره 45 وبرضه بروح القي نضره عليه لاني ابغاه يكون معاه اسفنج يمسك البيبي اخاف تتزحلق من يدي لاسمح الله
سرير البيبي ابغا اشتريه بادن الله من سنتر بونت حلوه وجامده
واللي تبغا سرير صغير لاستقبال الضيوف في فمحل اسمه الفضل اللي في الستين ب220

اشياء الام:

الارواب حقت الولاده في في فلور وحلوه ب200ريال فلور موجود بضيافه


مفارش النفاس:
في محل اسمه اطفالنا غير في العتيبيه يسوي مفارش نفاس بس بصراحه ماعرف كم اسعارهم

التوزيعات تبع البيبي:
في في النقلي
وفي محل اسمه ارنوب اللي في الستين جنب الهواري
الكرستال

تزين غرفه الولاده:
الزمزمي اللي بالرصيفه مسجد الامير احمد الشارع اللي قبالو يزين الغرف ب200


للي خلصو حمل عقبالنا:
في مشغل دعاء الخنساء الشارع العام امام مجوهرات البدر جوار قرطاسيه غدير
الفرع التاني شارع الحج ابراج المروه جوار المستهلك يسو حمامات مغربيه

[دلوعه موت]

بنات انا في السابع وعندي الم في منطقه المهبل وتحت البطن الممممممم له اسبوع هل هدا طبيعي ولا لا

[أريج العطر]

دلوعة ...مشكوووورة على المواضيع اللي نزلتيها بخصوص المستشفيات وأشياء البيبي

الله يقومك بالسلامة ..

سؤال بنات ... الحين بالتاسع عادي يجي مغص ويروح وأحس أني بحاجة أروح للحمام( الله يعزكم ) كل شوي وألم كأن حاجة تضغط على بطني في الأسفل زي السكين <<<ياسلام على الوصف

[صفاءالروح]

ارووجه انا كمان نفس الاعراض عندي
الله ييسر لنا ياارب

[أريج العطر]

آآآآآآآآآآمين صفاء

أنتي زيي في التاسع ؟ وموعدك 20 / 1 وإلا لا ؟؟

من كثر ما اقرأ البعض تجيهم ولادة مبكرة أو ببداية التاسع أقول يمكن طلق وأنا أصلا ما أعرف أيش هو الطلق خخخخخخخ

[فليك]

السلام عليكم ، صباحكم ياسمين :)
ماشاءالله عليكي ( دلوعه ) ماااا قصرتي كفيتي و وفيتي ، الله يسهلك ولادتك و يفرح قلبك بشوفة جنينك و يبعد عنك كل أذى يااااارب ، حابه أضيف عن محلات شوكولاين عندهم توزيعات للضيوف بأشكال مرا حلوه ، استفدت كتير من الي كتبتيه الله يجزاكي كل الخير يا غاليه .
( أريج ) السكر النبات تحطي منو حبتين في الرضعه للنونو انا دائماً اديه لاولادي و هما صغار يريح لهم أعصابهم .

[كوكب زحل]

حوامل التاسع باذات الى راح يولدون في محرم انا مافي اعراض ولادة لسة بدري اقول ههههههه ان شالله اولد في التونسي عند تهاني ان شالله راح استخيري

[دلوعه موت]

المشاركة الأصلية كتبت بواسطة أريج العطر

دلوعة ...مشكوووورة على المواضيع اللي نزلتيها بخصوص المستشفيات وأشياء البيبي

الله يقومك بالسلامة ..

سؤال بنات ... الحين بالتاسع عادي يجي مغص ويروح وأحس أني بحاجة أروح للحمام( الله يعزكم ) كل شوي وألم كأن حاجة تضغط على بطني في الأسفل زي السكين <<<ياسلام على الوصف

عادي ياقلبي لانه قربت ولادتك بادن الله اش حال انا من السادس اااااااه المغص مبهدلني