تجمع حوامل ليبيا

[يقين]

متفائله تو نوريك باهي حرجت منك كيف تطلعي وتخيني بروحي اصلا اني توا نعاقب فيك ونكتبلك بالخط المنملل يعني زي النمل باش عيونك يحوالوا وما تقدريش تقريه هكي سحنه فيك توا الفضول بياكلك ماكله تبي تعرفي شلي مكتوب بس لالالالالا مش حنقولك شنهوه

[ღॐ آية ღॐ]

ياقين ايوب معادش بي ينوض من قدام الاب توب وتوة يعيط
داير مشكله تعرفي علاش ؟؟؟
"
"




:

::




"




"


||




على خاطر صورة البيبي الي عندك في التوقيع
يبيني نخليها باش يتفرج عليها ههههههههههههههه معادش عرفت نكتب "

[يقين]

ايه ههههههههه يا روحي عليه يحب الصغار ان شالله يجوه 10 خوت ولاد يااااااااااااارب

[يقين]

آيه تعرفي اني اول ما حملت بفروتي مادورتش شنش نوعه كوني نتمنه في بيبي وخلاص لين سمعت دوه من عمتي انها تبي ولد مع انه ولاده وبنتها عندهم ولاد بس وجعني خاطري وتوا نتمني اللي في بطني اوليد عالاقل راجلي يساوي هوا وخوته كلهم ولاد وخوتي برضوا مشالله كلهم عندهم ولاد وتوا راجلي خاطره فوليد ادعولي بوليد كلكم بالله عليكم

[يقين]

ايه تعرفي حاجه اسمها الجول الصيني قريت عليه في النت تعرفيه

[يقين]

اهو غيرتله الصوره باش ينوض من حداك هههههه

[يقين]

السلام عليكم وينكم يا عويله

[ميراس]

يقونة شن الغزولة هادي يا فيها عضة ام قصي عندي ليك وصاة من ام وسونة تبي منك الوصفة اللي كاتبتيها بخصوص الدوالي او التشوهات مش عارفة بالضبظ المهم انت داكرتيها احدي مشاركاتك وهي تبيها ضروري المهم اتسلم عليكم كلكم وهي تعبانة هدا بيش ماخشتش

[المتفاااائلــــه]

المشاركة الأصلية كتبت بواسطة يقين

متفائله تو نوريك باهي حرجت منك كيف تطلعي وتخيني بروحي اصلا اني توا نعاقب فيك ونكتبلك بالخط المنملل يعني زي النمل باش عيونك يحوالوا وما تقدريش تقريه هكي سحنه فيك توا الفضول بياكلك ماكله تبي تعرفي شلي مكتوب بس لالالالالا مش حنقولك شنهوه

اهلا يقونة .... تي باهي به ياشريرة الأشرار توا نوريك .... على كل حااال قريت اللي كتبتيه بسم الله ما شاء الله على عويناتي .... هههههه

يقونة نبي نسألك اليوم ماعادش في هلبة الشوائب او الشعيرات البيضاء زي آمس آمس كات بشكل مش عادي واليوم طلعت لحوش امالي راجلي وروحت ... معليشي سامحيني في الوصف ... لكن ماعنديش الا انتوا سامحوني .. المهم لقيت افراز شفاف كأنه اميه وفي الوسط حاجة بيضة قريبة من اللبن ... حاجة بسيطة مش هلبة ... زعما هادي الدورة بتجي .... ياااااااااااااااارب فرحني يااااااااارب ..

[المتفاااائلــــه]

المشاركة الأصلية كتبت بواسطة ღॐ آية ღॐ

نعترفلكم بي حاجة اول مرة نقولها تصدقو تمنيت ما نجيب غير اولاد
نحب الولاد من صغري ولما تزوجت تمنيت يكونو عندي تلات اولد
بعد ما جبت ايوب حملت مرة تانية وتمنيته ولد بيني وبين نفسي بس انقول لماليه
عادي الي يجي الحمد لله"هو صح في الاخير الحمد لله على الولد والبنت .
في الشهر الخامس شفت بي السونار قالتلي الدكتورة حامل بي ولد فرحت
وروحت بنطير بلفرحة وكنا مخترين الاسم ألياس..وبعد شهر في السادس مشيت
لي موعدي مع الدكتور احمد زروق وكانت المفاجئة قالي بنت بصراحه انصدمت
من اول ما ركبت لسيارة قالي زوزي خيرك فيك حاجة قلتله لاء عادي
وفي الحوش قلتله حامل بي بنت هوا عادي فرح بس انا بصراحه لاعند شهري
كنت نتمنه ولد ...لا كن بعد ما جبتها والله اختلفت المشاعر وبدت تنافس في ايوب
في الغلى والحب"يقولو الولد يجي في الكبد طول وبعد ما يكبر يطلع منها
والبنت تجي برة الكبد وبشوية تخش فيها وهادا الي صار معاي توة اسولة
متعلقه بيا هلبا اكتر من ايوب ترقد غر في حضني وتبيني انا وبس وعلى قد ما تحبني
نحبها والله اكتر من بوها وخوها غر راكم تقولو هدا سر كبير هههههههههههه

ماشاااء الله ربي يحفظهملك يا آية ويقر عينك بيهم وكلهم نعمة من عند ربي الحمد لله رب العالمين ... ان شااء الله ربي ما يحرمني من هالنعمة ياااارب ...