دردشة حوامل أهل القصيم - دردشة بنات القصيم - تجمع حوامل القصيم

[أم ابني]

مرحبا .. كيفكم .. الله يهوون علي وعليكم يااارب .. انا بالشهر التاسع ودخل التاسع من يومين بس من زمان يقولون لي ولاده مبكره ولاولدت وكثير معي الم الدوره والافرازات ..كانت دكتورتي اللي اراجع عندها تقول بالثامن بتولدين لان التحجر مستمررر معي .. واللحين احس الم بس بظهري مدري هو ظهري او كليتي لاني مليانه التهابات بالمسالك ولافاد فيها مضاد او غيره ..
س// ان شاء الله يارب بولد في سليمان الحبيب لاني مجربتهم من سنتين ونص والحمدلله تجربه مقبوله .. بس دكتورتي اللي ولدتني مو موجوده اللحين ..
والمره هذي ماراجعت فيه بروح وقت الولاده بس ادخل عليهم واستدعي الدكتوره اللي ابي ..
سمعت مدح كثييير للدكتوره انصاااف وساجيلا وعائشه .. بس سبحان الله احس مرتاحه لانصاف مدري ليه ..
بسالكم اللي تعرفون ولدوا عند انصاف وساجيلا وعائشه كيف خياطتهم ؟؟ كيف البنج وش يعطونك .؟
وعندي خووف كبير من انه يدخل ولدي حضانه طبعا لانهم لهم فتره يتكلمون واشاعات انهم يستغلونك في الحضانه بحجة ان الطفل محتاج حضاانه .. امممم انا اخذت ابرة اكتمال نمو الرئه طبعا لمخاوفي من ولادتي المبكره واللحين باول اسبوع من التاسع يعني اذا ولدت يكون طفلي طبيعي او يحتااج ؟؟
كثير هرررجي :( وووومدري ابي احد جربهم هاليومين بتعاملهم وقت الولاده وكذا ؟؟ وهل عادي استدعي الدكتوره لو هي مو مناوبه ولو انا ماراجعت عندها .. لاني عندي تقرير بحالتي من دكتورتي اللي اراجع عندها ..وووو رشحوا لي افضل دكتوره من ناحيه الخيااطه والتعامل وقت الولاده مع انها ماتجي الا اخرشي بس ابي اتطمن .. والميسر والمهون الله ان شاء الله تهوون ..
كثير كلامي بس هذا كل مايدوور ببالي ..

[لياليـ]

السلام عليكم
كيف حوامل القصيم ،،،،
احب ابشركم اني ولله الحمد ولدت ورزقت بولد يوم الثلاثاء

[d&s]

ماشاء الله الف الف مبروك يتربى بعز والديه والحمد الله على سلامتك فرحت لك مره

[d&s]

ليال وين ولدتي وكيف كانت ولادتك

[Alih]

كللللللووووولوووووووششششش الف الف مليون مبروك ياليال
الله يجعلة من حفظة القران وينفع بة والدية وجعلة قرة عينن لكم

[Alih]

ام ابني انا كثثثثير من معارفي ولد بالحبيب
سجيلا مممممتااااازة والخياطة روعة بس عادي تكون مزحومة وتحولك علئ دكتورة الطوارئ اذا صرتي ماتابعين عندة اللي يتابعون لهم الاولوية
انصاف يمدحونها بس يقولون انها خشنة بالتعامل معك اثناء الولادة خياطتها ممتازة
عايشة ناعمة ومعاملتها حلوة وماتوترك اثناء الولادة والخياطة ممتازة

الطفل باذن الله ماتوقع ان علية ضرر من الابرة لانها ابره احتياطية وجرعتها تعالج وماتضر باذن الله

توكلي علئ الله واستخيري*

[اشتياق]

كل عام وانتم بخير
الله يجعلها سنة خير وفرح ومسره علينا جميعآ ..

مها نجد .. حصلت المشد الاندونيسي عند عطار الرسيني بعنيزه
ليال .. الف مبروك والحمدلله على سلامتك يربى بعزك
عقبالي يارب وكل الحوامل ..

[بنت عز]

سلا ا ا ا ا م يسسعد صبآحــكم قصيميات كيفكــم .. اشوف كل النـآس هابه في الحبيب غريبه !! مع انو كل الولادات عندهم قيصري حسبي الله عليهم كثير من قريباتي ولدوهم قيصري عجلين بقووه
انا بإذن واحد احد راح اولد بالوطنــي مقتنعتن فيه اكثرر صراحه مع اني بكريــه

[ام ميتو]

الف مليووووووووووووووووووووون مبروك ليال
:(
خنقتني العبره من الفرحه الله يخلي لك ابنك ويتمم عليك بالعافيه ياااااااااااااااااارب

[ام ميتو]

بنت عز
صديقتي ولدت بالقصيم الوطني
تسبهم سب تقول يسهجونك لين يقرب يطلع الراس ومافي عناية بعد الولاده وخياطهم مش ولابد
وانتي استخيري والله ييسر لك