تجمع حوامل ليبيا

أم مُحمد · 11-23-2011, 12:49 AM

شنى رقدتى اخره ام وسونه شكله الوحم بدي بكرى

ميمونة · 11-23-2011, 01:31 AM

صباح الورد من موجود

ميمونة · 11-23-2011, 01:49 AM

[[/IMG]

لطريقه ":
عجينة البيتسا العادية متعك اتديريها وتخليها تخمر ,, وتاخدي ربطتين سلك وتقرضيهم وتاخدي طاوة واتدبلي ممكن 6 روس متوسطات بصل اخضر فيها مقرض طبعا ولما يدبل تحطي السلك متعك وتغميها ممكن 5 دقايق تلقيه كله دبل اتبليه بملح وفلفل اكحل وتخلطي كويس وتفردي عجينتك دائرة وتحطي الخلطة هذه متعك ومتكتريش هلبا وتحطي عليها شرايح جبنة تكون قنينة بنتها وتلفي زي السويسرول وادهنيها من فوق وحطي في الكوشة اتطيب نفس زمن البيتسا الملفوفة .. وممكن اضافة حكتين تن صغار ليها قبل ماتلفي وتطلع اتهبببل وانا نسيت التن من دهاب شيرتي وممكن تحطي بدل التن دجاج مفترش طايب طبعا ,, وتطلع بنتها لذيذة ,, تتاكل سخونة يا بنات مادابيك لان السلك وهو بارد مش أوي ,,

ميمونة · 11-23-2011, 01:50 AM

هههههههههههه مكسده يلااااااااااا سجلو والله هالكلات حلوات ايمان ماتجيبش الا الباهي

ميمونة · 11-23-2011, 01:54 AM

[[/IMG]

طرقة الكيكة الاسفنجية:
8بيض +فانيليا+ كوب سكر تضربيهم لين يولو زي الكر يمة ......تنخلي كوب ونص دقيق +م ص بيكنج باودر +رشة ملح وتضيفيهم بالشوية بالشوية علي خليط البيض....وتوزعيهم علي 4 طواجين لو ما عندكش تقدري الطيبي بالزوز ...او في طاجين واحد وتقسميها علي راحتك

أم مُحمد · 11-23-2011, 01:57 AM

ميمو سهفتينى اصلا خاطرى فى البيتزا الملفوف يمى يمى

ميمونة · 11-23-2011, 02:03 AM

[[/IMG]

400 جرام دقيق + نص ملعقة صغيرة ملح + 4 ملعقة كبيرة سكر + رشة صغيرة خميرة ( اقل حتي من ربع ملعقة صغيرة ) + ظرف فانيليا + 40 غرام زبدة سائلة ..ومايعجنها مية دافئة ..تخلطي المقادير كلها علي بعض و تغجنيها كويس و تقسميهاا لحوالي من 13 الي 15 الطرف و تكوريهم و تخليهم يرتاحوا ربع ساعة ...
في هدا الوقت تقشري من 5 ال 6 تفاحات خضر و تقصيهم شرائح بعرض صبع و تشيلي القلب باي قطاعة صغيرة عندك او بالموس وترشى عليهم حوالي 1 ملعقة كبيرة سكر و عصير ليمونة
و بعدين في طنجرة صغير تسيحي 100 جرام زبدة لما تسيح تزيديها ربع كوب زيت ..باش تحلي بيهم العجينة ..

تحطي شريحة التفاح و في الوسط ملعقة صغيرة سكر و تكري الاطراف مع بعض و تشديهم بلوزة خزاينية

اول ماتطلع من الفرن تحللي 6 ملاعق كبيرة ململاطة مشماش بشوية مية سخونة حوالي 2 ملعقة كبيرة و تحطيها عالي النار مع التحريك حوالي 3 دقايق و تدهني بيها الفطيرة ..
و صحتيييين

hatoo · 11-23-2011, 02:04 AM

سلم ايديك ميمونه والله درت الكعك المالح ماشاءالله عليه بس تعرفي طريقه كعك المالح بتاع حلواني ندير الي في شارع امحمد المقريف

أم مُحمد · 11-23-2011, 02:11 AM

شن الجوووووووووهاتو
ميمو سلم دياتك ويابخت اللى ياخدك

ميمونة · 11-23-2011, 02:14 AM

الله يسلمك ام محمد

لا والله هاتو هذا اللي نعرفه وتفضلي في اي وقت