••●ركن استفسارات الديكور والإجابة عن اسئلة الديكور ●••

[°• ღ لمسة فن ღ •°]

هلا أختي العزيزه.....

هذا المخطط..



وأنتي تريدينها غرفة جلوس وتيلفيزيون..

بلاش من الألوان العتمه حبيبتي...

عندج..تقدرين تختارين زي هيك..للجدار اللي تبينه ورق..وباقي الجدران بيج..



شوفي..



أو تركواز نقش..وشوفي باقي الجدران..





أو هيك..للجدار اللي تبغينه ورق..فريمات جبس وداخله ورق والباقي فيكي تصبغيه
أي لون هادئ..


ما أنصحج بالألوان الغامجه نهائي..

وشكرا"..

[toshiba]

ما ابي لون ابيض
مع اجواء نجد الرهيبه صعب اعتمد ابيض لانه اقرفني كلها كم شهر وينعدم

[°• ღ لمسة فن ღ •°]

أوكيه بني عسلي..

انتي بكيفج الجدران الثانيه..

واذا حابه اللون الزيتي..نسقيه بهالطريقه..



وعندج اللون البني حلو..



بس أهم شي لازم جدران بتدرجات فاتحه الجدران الثانيه..

وشكرا"..

[s.m.99]

هلا اختي لمسة فن،
يعطيك العافية على المعلومة بالنسبة للمدخل،
أعجبني تسيقك

طيب بالنسبة للكنب ماعلقتي على لون الكنب والكرسيين الاسود؟

بما ان لون الكنب غامق ابي شي يفتح الصاله فكرت اصبغ الصاله سكري 3 جدران وجدار التلفزيون فوشي سادة
وبخلي صالتي سيراميك وموكيت اسود بالوسط.. ينفع موكيت اسود؟!

مشكورة مقدما وانتتظر ردك يالغاليه

[°• ღ لمسة فن ღ •°]

حبيبتي الألوان إللي أخترتها لك..

مناسبه جدا" مع الكنب..

وأما عن السجاد عندج أسود وسكري..

والفوشي الساده..

والبيج الساده..

كله مناسب مع الديكوريشن أللي أخترته لج..

لاحظي الصوره..

فيها الفوشي والجدار أوف وايت..والكرسي أسود..كثير تناسق رائع..

الله يبارك فيج..

وأذا حبيتي تبعثيلي صور الكنب للتوضيح أكثر يكون أفضل..

بس الألوان اللي أخترناها روعه..صدقيني..

بأنتظارك..

[ام روينا]

السلام عليكم
ماشاء الله تبارك الله
الله يجزاك الف خير
انا تفاجأت انه فيه احد ممكن تسأليه ويجاوبك من غير فلوس
لان مصممين الديكور صاروا يحطوا اسعار خياليه بس للاستشاره
..

[ام روينا]

شوفي ياقلبي انا قاعده في التشطيب النهائي لبيت العمر طبعا ما خذينه جاهز بس باقي اشياء بسيطه ونستلمه ف عندي اسئلة كثير يارب يسهل امرك وتسهلين علي
من هذي الاسئلة الدرج عندي دائري والصاله اللي فوق تطل على الصاله اللي تحت وانا عندي اطفال صغار كيف ممكن اسوي في الدربزين عشان الحمايه يعني ينفع اذا خلص الدرج يبدأيرفعه اكثر من متر في الصاله اللي فوق
اتمنى انك فهمتيني واذا عندك فكره ثانيه ياليت
غرفتي 7 في 4 والجار المواجه للباب دائري فيه شباكين ايش اقتراحاتك للالوان ولشكل الغرفه
مع دعائي لك بالتوفيق

[ام روينا]

مرحبا مره ثانيه عجبني موضوعك
مره وانا اتصفح الصفحات السابقه دريت بحملك
فياكريم ياودود ياذا العرش المجيد تمم لها حملها وارزقها بالذريه الصالحه المتعافيه
اختي لمسة فن حاولي تريحي نفسك من النت شوي حتى لو ما تردي ع استفساراتنا
والله اتوقع الكل يعذرك ويدعيلك كمان
*

[سوار فسكي]

السلام عليكم ورحمة الله وبركاته
ألف مبروك على الحمل والله يثبته لج إن شاء الله

الغالية حبيت أخذ رايج في غرفة نومي ابا أصبغها بالون البيج الهادي بس مش عارفة احط اخطوط بالطول ولا بالعرض خلف الشبرية بالون اغمق من درجة البيج وأي لون أصبغ الجبس اللي فوق علما ستارة لونها أخضر زيتي والارضية عندي لونها بيج وزوالي عندي لونها بني أشوية على الذهبي مع برتقالي عشان اكسر اللون لان كان لون الغرفة أخضر الفاتح مع اعمدة ورسم بس ما حبيت اللون

ياريت اتساعديني والسموحة منج

[°• ღ لمسة فن ღ •°]

المشاركة الأصلية كتبت بواسطة ام روينا

السلام عليكم
ماشاء الله تبارك الله
الله يجزاك الف خير
انا تفاجأت انه فيه احد ممكن تسأليه ويجاوبك من غير فلوس
لان مصممين الديكور صاروا يحطوا اسعار خياليه بس للاستشاره
..

السلام عليكم..

الله أنعم عليه بها لعلم ليش أخفيه..

أنا بتواجدي بينكم أصقل موهبتي وعطائي..وأرد عليكم من قلبي..

" أحب الناس إلى الله تعالى أنفعهم للناس "

لا يقتصر على النفع المادي فقط، ولكنه يمتد ليشمل النفع بالعلم، والنفع بالرأي ،

والنفع بالنصيحة ،

والنفع بالمشورة ،


ونحو ذلك ، فكل ما استطعت أن تنفع به إخوانك المسلمين فنفعتهم به ،

فأنت داخل في اللذين يحبهم الله تعالى
" أحب الناس إلى الله تعالى أنفعهم للناس " .

يارب يقدرني لما فيه الخير..