تجمع حوامل ليبيا

[يقين]

اني يا بنات ماننكرش في نعمه رب وما نتكبرش عليها وما نعاندش في ربي بس عن نفسي بنتي صغيره ومازال نبي نربيها زين وكويس ونبيها تكبر ان شالله وتشد روحها وبعدين نفكر والله الغربه صعبه لا من يساعدك لا شي حتي لما نمرض فروتي تسخف فيا نحس فيها ما فيش من يهتم بيها بوها ما يعرفش نمشي نزيد بيبي تاني صعب والله

[يقين]

هيا باي شكله ما فيش معا من نسهر سلام نمشي نرن علي بعلي يجي يسهر معاي سلالالالالالالالالالالالالالالالالالام

[ام وسونة]

اني نعرف اللي ترضع ماتجيهاش الدورة كيف انتي ترضعي وتجيك

وبعدين ديري التست واطمني وصدقيني معاش تتشفعي اني بعد

ماجبت بنتي قعدت ندعي علي روحي معاش نجيب صغار لان بنتي

الحق صعبه من يوم جبتها وهي تعيط اهي قاعده لاتوا الوقت كله

تعيط هكي وخلاص ومعها زادت طيارة وكلب لكن توا نادمة لين

خلاص علي كنت نقول فيه اهو شوفيني كيف متبهدلة علي عيل

الحمدلله علي كل حال

[ام وسونة]

خيرني يايقين مايجيش تسهري معاي ؟؟؟؟؟؟؟؟

[عيون زوجي]

السلااااااام عليكم
يقين ربي يسهلها اعليك الغربه لانك صغيرة بس انحب نطمنك مرت خوي مواليد 1993 وعندها اوليد عمره سنه وماشاءالله عليها ناشطة وخاشه العيله بالطول والعرض وتسوق وتتطلع وتواصل وفالحه في كل شي تقولي عمرها 41 ماشاءالله لاقوة الا بالله
مش بالعمر بالعرف والفهم ووسعه بال
وانتي من كلامك طيبه واحنينه ماتخافيش على روحك انتي قد الماخده والغربه والصغار والسلاف
ام قصي مشيتي نص ساعه قعدت نهار تام امس قلتي بتصوري لبستك وينها نستنى في الصورة ومبروك السلفه وان شاءالله الخير معاها يلفى
تمورة اس

[عيون زوجي]

ام وسونه امس قلتي بنت اختي معاك حد غير ابنيتك وراجلك ولاباس اعليك اليوم
ميمونه ربي يعينك مابعدك ما انحبش العناد والتعب يرهق ويزهق بس المناسبه تستاهل الواحد شنو يتمنى لبوه وامه غير حج بيت الله ربي يردهم سالمين
اميرة التجمع كيف حالك اليوم ووين تسكني في طرابلس
ايه خشي عطلتي اليوم علينا
ميراس وينك يا احبيبه وين غطستي

[عيون زوجي]

انا طلعت العصر عندي لمه بنت حماتي جايبه بنيه وما دارتش اسبوع المهم مشيت وحطوا العشي رز مسقي حاشاكم بنته ادره الكبد قعده مزهقتني مطيبينه بالزيت يلي بنته وريحته زي الحوت
روحت ومريت على امي لقيتها مطيبه رشده كسكاس حلفتلي خديت منها لقيمه زادت تعبتني من الحموضه
وصاحباتي بيجوني الخميس وقعده ماقررتش شنو اندير موال يصدع
وسفرتي مازال مطوله ما جتناش الدعوة ونبي خوي يسافر معانا هو الشتيوي في العيله ونبيه ايغير جو
وباقي الوضع ماشي حاله زي وصف ميمونه
ربي يحفظهم زوز صغار على روس بعض يتعبوا رسمي

[المتفاااائلــــه]

المشاركة الأصلية كتبت بواسطة يقين

متفائله اممممممممممممممممم حتي اليوم هني ماشعفتيش مش البارح صبيعك التسع من المركاب ههههههههه

تي باهي به يا يقونة احسلك راهوا
خيرك متقنشتيني
شكلنا احني اصغر اثنين هذا علاش
على روس بعضنا .... هكي ...

[عيون زوجي]

ام وسونه
اميرة التجمع
يقين
ايه
وينكم؟؟؟؟؟؟؟؟
ايه ماتنسيش صور الحوش
ام قصي وينك عبيتي بطنك بيتزا وكيكة شوكلاته ورقدتي
عويله وينكم
احتمال نطلع شوي حوشي مقلوب طلعت منها كويس وتوا لما رجعت غيرت ليا وللصغار وعشيتهم كل شي اتحوس من جديد
سلام مؤقت راجعه بعد شويه استنوني

[المتفاااائلــــه]

المشاركة الأصلية كتبت بواسطة يقين

يا بناويت اني خااااااااااااااااايفه موت طبعا اني قداش ليا مدايره لولب وماشيه اموري الدوره تجيني كل يوم 19 الشهر هادا ما جتش معقوله ايكون حمل يا نهاري الابيض بعدين نجيب طبيعي ونحولي المانع قيصري نهاري ابيض والله خاااااااااااااااااايفه موت وبنتي قاعده صغيرونه يستر الله

إن شاء الله ربي يديرلك اللي فيها خيرتك .. واحمدي ربي ... واشكريه ... آني نتمنى مانشوفهاش الدورة .. ان شااء الله ياااربي مانشوفها الدورة الا بعد تسعة شهور يااارب ...
واحمدي ربي .. جيبيهم كلهم ورا بعضهم وربيهم مع بعضهم وارتاحي خير من بالتقسيط ...