تجمع حوامل ليبيا

تمر حنة · 11-21-2011, 05:27 PM

نحن هنـــــــــــــــــــــــا
غير عدلي علينا يامتفائـــــــــــــلة وانت خاشة بالاقتباسات على طول

ام وسونة · 11-21-2011, 05:27 PM

ميمونة خطي صغير باش تقريه بتركيز وتحفضيه

ههههههههه

ميمونة · 11-21-2011, 05:27 PM

ليبيـــــــة ..ابــــداع لــيس لــــه حـــــدود

الام الليبيــــة تعتبر من اكثر النساء ابداعا في العالم اجمع من ناحية التفنن في التهزيب
والدعاء على صغارها ..فمتلا قد تكتفي الام المصرية بلفظ ( جاتك نيلة) ونظيرتها السورية قد لا تضيف شيئا بعد ( يبليك بحمي) ..

ولكن الام الليبية لديها قائمة طويــــــــــلة من الدعوات متل :

مرض يرقدك ..جدري يجدريك.. موت ترفعك..ارزيني فيك.. ياريتني عقمت ولاجبتك..ارقد مرقد..نوض منوض..انطمر طمرة..يعطيك نقطة..انهارك احرف اسود مغبر على راسك ..وغيرها الكثير والكثير
ولولا ان هذه الدعوات من وراء قلب الام ولولا رحمة ربي العالمين لكان الليبيين مابين مريض ومتخلف وميت مرة واحدة ولا قتربنا من الانقراض..تحية اللي الام الليبية اللي مهما دعت على صغارها طيبتها وحنانها مافيش منهم في العالم..

ام وسونة · 11-21-2011, 05:30 PM

ههههههههه. نسيتي ياميمونة دعوة لهج

وبري مدفع وان شاءالله ماتربح ههههههه

ميمونة · 11-21-2011, 05:31 PM

نصيحــــــــــــة

عزيزتي المرأة الليبية

لما تكوني مشنوقة في المطبخ ووراك ستين الف حاجة بتديريها..وصغارك يريشو فيك وخاطرك تهبديهم هبدة ترقدهم..
وتنادي راجلك ومايردش عليك وتتوقعي انه انطرش وتمشي تشوفيه تلقيه يتفرج على مباراة..ويقولك بكل برود ( سكتي الصغار قريب نطلع ونسيبلكم الحوش من دوشتكم) وتحسي روحك قريب تنفجري وخاطرك تعيطي وتلمي الناس وتشركي شلاتيتك..وتفكري ان مش هاذي العيشة اللي تبيها وتتمني لو انك ماتزوجتيش اصلا..
طبقي الطريقة هادي ..

خودي نفس...
زيدي نفس تاني طويل..
اشربي طاسة امية..
استغفري ربك..
وانوي في قلبك انك تديري في هذا كله بش ترضي ربك في صغارك وراجلك..
واتخيلي لو راجلك اتزوج عليك شن بيصير فيك..ولو صغارك لا قدر الله مرضو ..شن بيصير فيك..حتحمدي ربي على طول..
وحتتلفتي تلقي صغارك قاعدين يريشو فيك وراجلك زي ماهو يتفرج على المباراة..ومازال الحوش مقلوب..لكن نفسيتك ولت احسن ومعنوياتك ولت عالية ..

[IMG][/IMG]