تجمع اللي بيولدون في شهر ذو الحجه

[غلا الرووح]

صباح الرضا
والتساهيل للي ينتظرون الولادة

وصباح الصبر للنفوسات

اليوم رحت موعد مراجعه لحمودي
طبعا ختنوه ثاني يوم ولادة وتختين عادي الي بدون حلقه وتطيح
وصراحه شكله يقطع القلب تبعه محمر وفيه زي النقط حمرا غامقه
صار مع اولادكم كذا؟!
شافه الكتور قال ممتاز الختان فما ادري

والثاني ولدي كل ساعتين او بعد كل رضعه يتبرز
قلت الدكتور قال يمكن تعطينه حليب زياده
طبعا الدكتور شافني ماسكه الرضعه وقال مايصير
يا صدر يا مرضاعه
ولابد انك تصبري. بالبدايه وانتي ترضعي
لين يدرر الحليب ويصير يشبع النونو
حتا قال حطي النونو علا صدرك وضميه وسبحان الله يندر الحليب

والتسلخات عطاني كريم
افالون فارما

حسيته زي سودو لما استخدمته
المهم نجي لحضرتي

قلت بمر عالدكتوره لا احس بالم وحكه تحت
وانفجعت لما كشفت قالت البواسير ملتهبه والاا الخياطه مافيها شي

تخيلوا وانصدم من نفسي صحيح انا عانيت من البواسير بس خفت ولاعاد اتالم بالحمام
بس جلستي حسيتها صايرة صعبه وفكرتها من الخياطه

المهم كتبت لي ادويه وحبوب من جديد وزادت حبوب بعد

ويارب تخف لان صرت ارضع وانا منسدحه
بس امي لو تشوفني مابتخليني
ولا ابغاها تدري عني

المهم الدكتورة كتبت لي مرهم نباتي للخياطه
وينفع لتشققات حلمة الصدر

اسمه افوميب

وبس هذا ملخص الاحداث والتطورات معي يالنفاس

ايه صصح تذكرت. وانا انتظر بالعياده عالكرسي
شافتني حرمه مو عارفه اجلس وبحضني النونو
قالت مسوين بك خياطه صح قلت ايه
فقالت عليك بالملح الخشن مع المويه الدافيهرغسلي فيه شوي
وبعدها غسلي بمويه عادي ويومين ثلاثه وتطيح الخيوط وبتدعين لي

احد جربها؟!*