لاستشاراتكم فيما يتعلق بالتمريخ " الجزء الثاني"

[ريح المسك]

السلام عليكم ورحمة الله وبركاته
كيفك ياخبيرتنا الحلوه ؟؟ انا متابعه موضوعك واليوم عندي استفسار
بعدما اسلبت في شهر 10 كنت حامل بشهر واسبوع وما اعرف سبب الاسلاب نزل علي الدم مرررررة قليل اسبوع وبعدها اسبوعين نظيفه وبعدها يوم 6 في شهر ذو القعده نزل دم فاتح يومين ووقف وبعدها كنت انتظر الدورة نهاية ذو الجحه ونزل علي دم نص يوم ووقف وبعدها جاني افراز ابيض واليوم اللي بعده نفس الحال وجيت بتمرخ الا الممرخه قالت يمكن حمل ما اقدر امسكك انتظري وسوي تحليل , انتظرت وطلع سلبي ويوم 22 في هذا الشهر نزل علي دم واخيرا
اول يوم نزل شوي وثاني يوم رحت المستشفى واخذت مني تحاليل والنتائج بعد 3 اسابيع ورحت اليوم للممرخه ماليزيه مرختني وقالت جمبي اليسار كله يابس وجلست تفرك وتسوي مساج لبطني لين الحمدلله احسه صار احسن ولين وبعدها مسكت فخذي وكان مرررررة يحرقني مع المساج وبعدها قالت لي اقلبي على بطنك وبدأت تمرخ ظهري >> والله ما قصرت حسيت براااحه وكان ودي انام
وركزت على جنبي اليسار اكثر شي قالت اليمين مافي حاجه ومن قلبت على بطني احس الدم يصب مني زي المويه وما وقف وخفت اني اعدم ملابسي , ومسكت مؤخرتي من الجهه اليسار وشفت الموت كأنها مسامير وشوي وشوي الا وراح الالم الحمدلله وارتحت بعدها
وقالت لي اذا شفتي نفسك طيبه خلاص لا تجي واذا تعبانه تعالي>> وانا بصراحه ودي اجيها كل يوم حسيت بالراحه خخ
ولما رجعت البيت واشوف الفوطة ( الله يكرمك ) والاقيها اتعبت مع اني لبستها لما رحت لها ومرختني نص ساعه ومع مشوار الطريق تقريبا يعني جلست فيني ساعه , ولقيت فيها قطع دم كثيره مرررة انصدمت وما توقعت يخرج مني كذا والى الحين يخرج مني قطع الدم
هل القطع هذي من اجهاضي السابق ؟ او من التكيس لأن في المستشفى قالوا لي عندي تكيس مدري كيس عالمبيض اليسار
انا ودي اروح لها بكرة ودي ينزل كل البلاوي المتلتله برحمي وش رايك ؟