رب اوزعني ان اشكر نعمتك التي انعمت علي

[يقين الامل]

اولا اقول الحمد لله على تمام النعمه ان رزقني الله بطفل سليم
ثانيا باركوا لي ولدت وجبت ولد في يوم 27 / 11 وبعمليه قيصريه واعدروني على التاخير
ولو فاكرين انا سبق وكتبت موضوع اني حايفه من الولاده لاني بولادتي الاولى عمليه والله اراد وكتب تكون هدي كمان عمليه ..
وراح اكتب لكم قصة ولادتي بالتفصيل الممل
كان عندي موعد يوم 19 ورحت وباقي لاكمل شهري فقط 6 ايام بس كنت تعبانه من قبلها بيومين سخونه مررررره ورحت وقالت لي دكتورتي خلاص انتي افضل لك عمليه ما راح تتحمل عمليتك الاولى طلق صناعي وطلعت من عندها وانا كدا
المهم ما طولت ورجعت من المرض للطواري وبعد روحة وجيه 3 مرات عرفوا ان الوضع خطير الحراره عندي وصلت 40 مع المسكنات ويالله على التنويم ودخلوني على غرفه الولاده ووقعوا زوجي على اوراق العمليه يقولون عند الضروره وجلست هناك في غرفه الولاده من الساعه 10 الليل الى 7 الصباح وطلعوني على التنويم وبقيت يومين مسكنات ومغديات وتكميد المهم تنومت الاثنين وطلغت الخميس وهنا قرروا لي عمليه اكيد وقالوا تعالي الاثنين تنويم ورحت الاثنين بس كنت باقي تعبانه من الكحه والزكام طلعت التنويم وانا عايشه قلق وطفش وتفكير بس كنت اقول خلاص هانت قرب الفرج
وطبعا ما نمت طول الليل واقرا في القران وادعيه وا\كار ويادوب نمت الا والممرضات جوا يجهزوني للعمليه وزي ما انتوا عارفين مغدي وقصطره وابر ومرت علي الدقليق كنها ساعات وصرت اتنافض ههههههههه وانتظر متى اروح العمليه وانفك وطولت مررره من الفجر الى الساعه 11 وكانت اصعب اللحظات ودخلوني غرفة العمليات بس قبلها كان زوجي واقف عند الباب ينتظر وكلمني وانا داخله وبعدها دخلت وكلمني الدكتور وسالني عن حالتي صرت احسن لانه عارف من يوم تنومت قال افضل لك البنج النصفي وخصوصا زي حالتك وجاني طبيب البنج وقال لي نفس الكلام ودخلت غرفه الجد ياوييييييييلي ..ز بس سبحان الله حسيت بخوف بس كنت مفوضه امري تماما
,,,,,,, المهم ،،،،،،،، قام طبيب البنج يكلمني ويقول راح ادخل ابره في ظهرك وقال لي اجلسي وانزلي راسك قد ما تقدرين وصرت اتنفس علشان ما احس بالالم ودخل الابره في ظهري تعورر بس مو كثيييييييييييير وبعدها حسيت بتنمل في رجلي وساعدوني ونمت وحطوا الستار بس كانوا الدكاتره قمه في الدوق وكانوا يكلموني ويخففون عني ويمزحون علشان ما احس بشي انا طبعا قمت وشديت الستاره في جهه مو مسكره كويس وهي جهة الدكتور وقام طبيب البنج وقال ايش تبغي قلت ابغاك تغطي من هنا ماكنت ابغى اشوف الدكتور وهو قاعد يسوي العمليه وقاموا يضحكون قال الدكتور طيب بس راح تسمعين صوتي يمكن 5 دقايق الا والدكتور يقول خلاص قاعدين نطلع البيبي وحسيته يدف في بطني . وطبيب البنج عند راسي يكلمني يقول راح تسمعينه وهو يبكي وشوي الا وحبيبي اسمع صوته وصرت كدا ههههههه قال راح تشوفينه قامت الممرضه وشالته وناداها جيبيه قالت بس انظفه هههه متحمس الدكتور بعد وشفته وقالت لي شوفي ولد ما تصدقون قد ايش نسيت كل شي ودقايق قالوا خلاص قربنا نخلص وقتها حسيت بدوران وقمت استفرغ بس الحمد لله عدت على خير وطلعوني على غرفة الافاقه وصرت احس كاني مشلوله ما اقدر اتحرك مرررره خفت .الا وزوجي يكلمني يقول الحمد لله على السلامه شفت الولد وبخير وراح ما طول ...........وانا طلعت على التنويم وبدا البنج يفك والالم يزداد والكحه مررررررررره دبحتني وتعبت مررره في اليوم الاول بس عدت على خير الحمد لله وجوني اهلي زاروني وجابوا لي ولدي على العشاء شفته ونسيت الالم ههههه وبعدها نوووومه من كثر المسكنات الى الساعه 3 الفجر قلت ابغى اقوم واروح الحمام وجت الممرضه وشالت القصطره وساعدت اختي وقمت ومشيت شوي وحسيت اني احسن الحمد للله ..............الموهم ثالث يوم طلعت واحلى حسام معاي للبيت ونور البيت مع اخوه ........
اسفه على الاطاله ...... قلت من البدايه اني راح اطول بس ما تكونوا مليتوا

[غلاامي]

الف الحمدلله على سلامتك وعقبالي وعقبال كل الحوامل يااارب انتي باي مستشفى ولدتي

[يقين الامل]

الله يقومك بالسلامه
انا ساكنه بالباحه وولدت في مستشفى الملك فهد

[روحي تهواك]

ألف حمد ع السلامه ومبرررررروك ويتربى بعزكم

[الصمت عشقي]

الحمدلله ع سلامتكم
ويارب تفرحي فيه وتفرحي باخوه
ربي يخليهم لك ان شاء الله

[غنج أنثى]

الف الف الف مبـــــــــــروك والحمدلله ع السلامة ويتربى بعزكم وربي يصلحلهم لك ودعواتك ربي يهونها علي ....

[فليك]

ماشاءالله - الف الحمدلله على سلااامتكم
اجر و عافيه يارب .

[أم ح ــنونـہ]

مبروووووووووووك حبيبتي
والحمد لله على سلامتك
ويتربى بعزكم ان شاء الله

[ام اسكندر]

الف حمدلله ع سلامتك
ومبروك ماجاكم

[عشق الطفولة]

ما شاء الله الحمد لله على سلامتك و سلامة حسام

و الف الف مبروك الله يجعله من الصالحين يا رب