دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[4يو]

الهم امين اميره انتي كيف مسويه مع النفاس كم باقي وتطلعي من الاربعين

[أميرة الوجود]

يوه انحذف اللي كتبته

[4يو]

ليش انحذف يمكن ماحدثتي الصفحه

[خبيرة تمريخ]

كل عام وانتم بخير
حبيت اسلم عليكم واتمنى لكم التوفيق
واسال الله لكم الحمل السليم التام والذرية الصالحة
ربي يسعدكم

[أميرة الوجود]

فور يو انا توي لي 22 يوم

انا جبت الممرخة ثريا الباكستانية اليوم في الصباح وسوت لي تمريخ ورفعت لي الرحم كان نازل .وسوت لي كاسات الهوا تقول جسمك معبى هوا قوي .وقلت لها انا ماأتعرض للمكيف قالت لأ هذا هوا قوي ممكن بعد الولادة على طول وهو فعلا انا قعدت انتظر الدكتورة ساعة كاملة عشان تيجي وتخيطني وطول الساعة انا رجولي مفتوحة وانا زي اللي مغمي عليا مو قادرة اغطي نفسي. المهم سوتلي مساج بالملح الساخن

قالت لي لازم تعرقي كثير حتى تخرج الموية من جسمك
وقالت أبدا لا تشربي موية ولاحتى دافية. انا أشرب موية كثير عشان أرضع وأعطش بس موية دافية. استغربت
بس حسيتها مرة فاهمة وانصحكم بيها مرة
وقالت ممنوع الاستحمام العادي بس تمسحي جسمك بالموية الساخنة بس (تقول تجيبي أوراق من شجرة النيم من أي شارع وتغليها في الموية وتتروشي بالموية ) اللي تعرف شجرة النيم تفيدنا


طبعا زوجي سألني اش سوت وحكيتله قام قال اش السخافة ذي اش كاسات هوا ماكاسات هوا اش تفيد ذي. شكلها نصبت عليك .بنات فيدوني هل كاسات الهوا فعلا مفيدة وإلا من جد مالها داعي وانا بصراحة ما أعرف التمريخ اللي كويس من اللي مو كويس مرة ماعندي أي فكرة .بالله بنات شوروا عليا أجيبها بكرة كمان وبعده والا ماله داعي .لانها قالت لزم ثلاث ايام ورا بعض

[خبيرة تمريخ]

اول مره ادخل دا القسم عشان اسلم عليكم
اميرة عزيزتي الهواء عادة يجي مع الولادة مفروض تمرخك بزيت
زيتون فقط والكاسات تحرك الدورة الدموية وتنشطها لكن في امر مهم
وش الي حطته داخل الكاس لان في مكون يكون داخل الزجاجه
اذا انتهت من التمريخ مفروض تربط لك بطنك بعد كل مره
فوق ذلك تسوي لك بخور النفاس وكمان تحاميل تنظف وتشد جدار الرحم
اما النظافة عادي استحمي مثل ماتبغين لكن مويه تكون حاره
على فكره لو رحمك نازل تشعري بالام وعشان تعرفي تمريخها صح وولا لا
تلاحظي بارتفاع الحرار بعد التمريخ وبارتياح من ثاني يوم وتسرب هواء
ربي يسعدك وما تشوفي شر
واي استفسار شوفي موضوعي في قسم المتاخرات عن الحمل
لاستشاراتكم فيما يتعلق بالتمريخ

[4يو]

الله يسعدكي مشرفتنا جيتي في الوقت المناسب

[4يو]

اميره النيم اعتقد الشجر على الطريق بس ما يجوز تقطعي منه لانه حرام لازم يكون خارج الحدود

["نسيم"]

السلام عليكم
مساء الخيرات
جوانا تسال عنك العافية
ام لمار وين الغيبه فقدناك !!
فلاك كيفك لما غيرتي الصوره الرمزية ماعرفتك قلت يمكن وحده سمت نفسها فلاك على اسم صاحبتنا هههههههه
كيفكم كلكم ياقمورات
اميره انا ودي اجيب ثريا هذي بس ماقد جربتها بس الناس يمدحونها كثير...
وشجرة النيم انا اسمع التكارنه يتروشون بها مع مويه حاره في نفاسهم
وهو موجود في الشوارع حتى في بيت اهلي اذا تبغين ارسلتلك ..
الظاهر احنا النفوسات يبغالنا طرده من هذا الملف .... مافي ملف للنفاس حقين مكه ؟

[فليك]

السلام عليكم
مساكم خير و فرح اخواتي .
شلووونكم كلكم و شلون الصغار ان شالله بخير !
نسيم - ههههههههههه هوا دا التغيير ههههههههههههه - انا الحمدلله بخير بشوفتكم
انتي كيفك و كيف اطفالك ؟